අත්තනගල්ල විශේෂ – ජයවීර සුගතපාල
සුජාත දරුවන්, උපන්බිමටත්, වැදූ මවටත් එකවගේ ආදරය කරන බවත්, උපන් බිමේ ඒකීයත්වය, ආදීනත්වය හා අභිමානය වෙනුවෙන් දිවි පිදීම සකලවිධ ස්වර්ග, මෝක්ෂ සම්පත්වලට වඩා ශ්‍රේෂ්ඨ වන බවත්, ශී‍්‍ර ජයවර්ධනපුර විශ්වවිද්‍යාලයේ ජ්‍යෙෂ්ඨ කථිකාචාර්ය, දේශහිතෙෂී ජාතික මධ්‍යස්ථානයේ සභාපති දඹර අමිල හිමියෝ වේයන්ගොඩදී පැවසූහ.
ශී‍්‍ර ජයවර්ධනපුර විශ්වවිද්‍යාලයේ ජ්‍යෙෂ්ඨ කථිකාචාර්ය දඹර අමිල හිමියන් දේශ හිතෙෂී ජාතික මධ්‍යස්ථානයේ ගම්පහ දිස්ති‍්‍රක් මංගල මහා සමුළුව ඇමතූ අයුරුයි මේ.ඡායාරූපය – අත්තනගල්ල විශේෂ – ජයවීර සුගතපාල
වේයන්ගොඩ ‘සණස’ ශ‍්‍රවණාගාරයේ පැවති දේශ හිතෙෂී ජාතික මධ්‍යස්ථානයේ ගම්පහ දිස්ති‍්‍රක් මංගල මහ සමුළුවේදී දඹර අමිල හිමියෝ එසේ පැවසූහ. උන්වහන්සේ මෙසේද පැවසූහ.
“මිනීමරු ත‍්‍රස්තවාදය රටෙන් තුරන් කරන්න අපේ පූර්ණ සහාය ලැබෙනවා. දේශපාලනිකව රටේ සමගියක් ඇති කරන්න නම් මුලින්ම ත‍්‍රස්තවාදය තුරන් කළ යුතුයි.
ඉන් පසුව සිංහල, දෙමළ, මුස්ලිම්, බර්ගර් යන සෑම ජනවර්ගයකටම සමානාත්මතාවය දිය යුතුයි. මේ තුන්ගොල්ල ශී‍්‍රලාංකිකයන් වශයෙන් එක මවකගේ දරුවන් මෙන් එකට එක්කර ඔවුන් තුළ රට රැකගැනීමේ ප‍්‍රඥාවන්තභාවය ඇතිකිරීමට දේශ හිතෙෂී ජාතික මධ්‍යස්ථානය කැපවෙනවා.
ශී‍්‍ර ලංකා රාමඤ්ඤ මහා නිකායේ කාරක සංඝ සභික වැලිසර සෝරත හිමි, බාලසුබ‍්‍රමනියම් සාමි, මවුලව් එස්. එම්. එම්. ෆාරුක් සහ නිට්ටඹූව සාන්ත අන්තෝනි මුනිදුන්ගේ දේවස්ථානයේ, රිඩ් ෂෙල්ටන් පියනම, පිළිවෙළින් බෞද්ධ, හින්දු, මුස්ලිම් සහ කතෝලික ආගම් වෙනුවෙන් අනුශාසනා පැවැත්වූහ.
දේශහිතෙෂී ජාතික මධ්‍යස්ථානයේ ජාතික සංවිධායක පාර්ලිමේන්තු මන්තී‍්‍ර සමන්ත විද්‍යාරත්න, ආචාර්ය සෝමරත්න හේවා, ගම්පහ දිස්ති‍්‍රක් සමුළු සංවිධායක ලාල් ගුණරත්න මහත්වරුද සමුළුව ඇමතූහ.
Subscribe to:
Post Comments (Atom)
No comments:
Post a Comment