ශී‍්‍ර ලංකාව තරගාවලිය ජය ගනී

ශී‍්‍ර ලංකාව සහ සිම්බාබ්වේ අතර තරග 5 කින් යුත් එක්දින ජාත්‍යන්තර කි‍්‍රකට් තරගාවලියේ තවත් තරග 2 ක් ඉතිරිව තිබියදී තරග 3-0 ක් ලෙස තරගාවලිය ජය ගැනීමට සංචාරක ශී‍්‍ර ලංකා කී‍්‍රඩකයෝ ඊයේ සමත් වූහ.
පළමුවෙන් පන්දුවට පහරදුන් ශී‍්‍ර ලංකා කණ්ඩායම ඕවර 28 දී කඩුලු 7 ක් දැවී ලකුණු 171 ක් ලබාගත් අතර ඊට පිළිතුරු ලෙස සිම්බාබ්වේ කී‍්‍රඩකයෝ ලබා ගත්තේ ඕවර 28 කදී කඩුලු 6 ක් දැවී ලකුණු 166 ක් පමණි.
සත්කාරක ආරම්භක පිතිකරුවන් වූ හැමිල්ටන් මසකඩ්සා සහ වුසි සිබන්දා පළමු කඩුල්ල සඳහා ලකුණු 76 ක සබඳතාවක් ගොඩනගමින් ශී‍්‍ර ලංකා පන්දු යවන්නෝ වෙහෙසට පත් කළහ. ඔවුන් පළමු ලකුණු 50 පන්දු 41 කදී රැස්කළ අතර දැවී යන විට පන්දු 77 ක් පිටියේ රැඳී සිටියහ.
සිබන්දා පන්දු 37 කදී හයේ පහරක් සමග ලකුණු 250 ක් ලබා දැවී ගිය පසු පිටියට පිවිසි ටටේන්ද ටයිබු හා එක් වූ මසකඩ්සා නැවැත ලකුණු 68 ක සබඳතාවක් ගොඩ නැගීමට දායක වූවේය.
තරගයේ වීරයා වූ මසකඩ්සා පන්දු 71 කදී හතරේ පහර 7 ක් සහ හයේ පහර 2 ක් සමග ලකුණු 77 ක් ලබා ගත්තේය. සත්කාරක පිලේ දීර්ඝ ලකුණු සබඳතා ද්විත්වයම බිඳ හෙළීමේ පුරෝගාමියා වූයේ තිලාන් තුෂාරය.
දෙවැනි කඩුල්ල බිඳී යෑමත් සමග සිම්බාබ්වේ ඉනිමද ගරා වැටුණ අතර තරගය නිමා වූයේ ශී‍්‍ර ලංකාවට කඩුලු 4 ක ජයග‍්‍රහණයක් හිමිකර දෙමිනි. පිටියේ විනිසුරුවන් වූ අලිම් දර් සහ රසල් ටිෆින් කිහිප වරක්ම පිටිය පරීක්ෂා කිරීමෙන් අනතුරුව තරගය එක් පිළකට ඕවර 28කට සීමා කළහ.
කාසියේ වාසිය දිනූ සිම්බාබ්වේ නායකයා පළමුවෙන් පන්දුවට පහර දීමේ අවස්ථාව ශ‍්‍රී ලංකාව සතු කෙළේය.
ඒ අනුව ශ‍්‍රී ලංකා ඉනිමේ සාර්ථකම පිතිකරු වූයේ කුමාර සංගක්කාරය. ඔහු පන්දු 59ක දී හතරේ පහර 4 ක් සමග ලකුණු 57ක් රැස් කෙළේය. ඔහු සහ මුබාරක් එක්ව පස්වැනි කඩුල්ලට ලකුණු 55 ක් එක් කළහ. ඒ ශ‍්‍රී ලංකා ඉනිමේ ඉහළම ලකුණු සබඳතාව විය