කල් තැබීමේ විවාදයට එක්වෙමින් ඇමැති රංජිත් සියඹලාපිටිය කියයි
මන්තී‍්‍රවරුන්ගේ විමධ්‍යගත අරමුදල්වලින් දැනටමත් ආරම්භ කර ඇති අත්‍යවශ්‍ය සංවර්ධන කාර්යයන් ඉටුකිරීම සඳහා අංක 141 දරන මුදල් අමාත්‍යංශ චක‍්‍රලේඛය මඟින් කිසිදු බලපෑමක් ඇති නොවන බව මුදල් හා රාජ්‍ය ආදායම් ඇමැති සහ නියෝජ්‍ය මුදල් ඇමැති රංජිත් සියඹලාපිටිය මහතා සභාව කල් තබන අවස්ථාවේ ඉදිරිපත් කළ යෝජනාවේ පිළිතුරු කතාව කරමින් පාර්ලිමේන්තුවේදී ඊයේ (25) ප‍්‍රකාශ කෙළේය.
රජයේ සංවර්ධන වැඩකටයුතු නතර කිරීමට මෙමගින් කිසිසේත්ම උත්සාහ නොදරන බවද අත්‍යවශ්‍ය නොවන ව්‍යාපෘති සඳහා මුදල් වැය කිරීම වැළැක්වීමට පමණක් මෙමගින් උත්සාහ දරන බවද ඇමැතිවරයා කීවේය.
ඇමැති රංජිත් සියඹලාපිටිය මහතා මෙසේද කීවේය.
අපි විපක්ෂයේ සිටියදී අපට විමධ්‍යගත මුදල් හම්බ වුණේ නෑ.
සභාව කල් තබන යෝජනාව ඉදිරිපත් කරමින් කතා කළ කොළඹ දිස්ති‍්‍රක් මන්තී‍්‍ර සුනිල් හඳුන්නෙත්ති මහතා (ජවිපෙ) - මුදල් අමාත්‍යංශයේ ලේකම්වරයා විසින් සියලු අමාත්‍යංශ ලේකම්වරුන්, පළාත් සභා ලේකම්වරුන්, දෙපාර්තමේන්තු, ව්‍යවස්ථාපිත මණ්ඩල හා රජයේ සමාගම් සභාපතිවරුන් වෙත යවන ලද අංක 141 දරන චක‍්‍රලේඛය මගින් රාජ්‍ය වියදම් කළමනාකරණය නමින් සංවර්ධන වියදම් නතර කිරීමට පියවර ගෙන ඇත.
මහනුවර දිස්ති‍්‍රක් මන්තී‍්‍ර ගාමිණී රත්නායක මහතා - අය-වැය යෝජනාවලිය ඉදිරිපත් කිරීමෙන් පසුවයි මුදල් අමාත්‍යංශය ලේකම්වරයා මේ චක‍්‍රලේඛය නිකුත් කෙළේ මේ චක‍්‍රලේඛය මඟින් පාර්ලිමේන්තු මන්තී‍්‍රවරුන් විමධ්‍යගත අරමුදල්වලින් සිදුකරන ව්‍යාපෘති නතර වනවා පමණක් නොවේ.
ආණ්ඩුවේ අනෙකුත් සියලු සංවර්ධන ව්‍යාපෘති කි‍්‍රයාත්මක කිරීම මේ චක‍්‍රලේඛය අනුව නතර කළ යුතුයි.
Subscribe to:
Post Comments (Atom)
No comments:
Post a Comment