කී‍්‍රඩකයන් හා කී‍්‍රඩා ලෝලීන්ගේ කළහකාරී සිද්ධියෙන් අත්හිටවූ සෝන්ඩර්ස්-රත්නම් පාපන්දු තරගය දොරටු වසා අද පැවැත්වෙයි වැඩිම ගෝල් වාර්තා කළ කැන්ඩියෝක් ඉදි

ප‍්‍රින්ස් ගුණසේකර
කළහකාරී සිද්ධියකින් අතරමගදී අත්හිටවූ රත්නම් - සෝන්ඩර්ස් අතර තරගය අද සවස 4.00 ට කොළඹ සී. ආර්. පිටියේදී පැවැත්වීමට කටයුතු යොදා ඇත.
කී‍්‍රඩාංගණයේ සියලු දොරටු වසා පාපන්දු පෙ‍්‍ර්ක්‍ෂකයන්ට ඇතුළුවීමට අවසර නොදී මෙම තරගය පැවැත්වීමට ශ‍්‍රී ලංකා පාපන්දු සම්මේලනයේ තරග කමිටුව තීරණය කොට ඇත.
සෝන්ඩර්ස් - රත්නම් අතර තරගයේ ප‍්‍රතිඵලය කුමක් වුවද සෝන්ඩර්ස් කී‍්‍රඩා සමාජයට පි‍්‍රමියර් ලීග් තරගාවලියේ අවසන් පූර්ව වටයට පිවිසීමේ අවස්ථාව බොහො දුරට අඩුවී ඇත. පසුගියදා පොලිස් පිල වෙතින් ලද පරාජය හේතුවෙන් සෝන්ඩර්ස් පිල තවදුරටත් පසුබෑමට ලක් විය.
මේ අතර ඩයලොග් ප‍්‍රිමියර් ලීග් පාපන්දු තරගාවලියේ මෙතෙක් වැඩිම ගෝල් වාර්තා කර සිටින කැන්ඩියෝක් කී‍්‍රඩා සමාජය වැඩිම ප‍්‍රසාද ලකුණු ලබා ඉදිරියෙන්ම සිටී.
පසුගිය වසරේ ‘ඒ’ කාණ්ඩයෙන් ප‍්‍රිමියර් ලීග් තරගාවලියට එක් වූ කැන්ඩියෝක් පිල මෙවර ‘බී’ කාණ්ඩයෙන් තරග වදී. කැන්ඩියෝක් පිල දැනට තරග 8 කට සහභාගී වී ජයග‍්‍රහණ 7 ක් ලබා එක් තරගයක් පරාජයට පත්වී ප‍්‍රසාද ලකුණු 21 ක් ලබා ඇත.
එම තරග 8කදී අනෙක් කණ්ඩායම් වලට එරෙහිව ගෝල් 18 ක් වාර්තා කිරීම කැපී පෙනේ. මෙවර තරගාවලියේ දී කැන්ඩියෝක් පිලට එරෙහිව අනෙකුත් කී‍්‍රඩා සමාජ වාර්තා කර ඇත්තේ ද ගෝල් 5 ක් පමණකි.
කැන්ඩියෝක් පිලේ මේ දක්ෂතාව හේතුවෙන් ‘බී’ කාණ්ඩයෙන් අවසන් පූර්ව වටයට පහසුවෙන් සුදුසුකම් ලබා ගැනීමේ අවස්ථාව දැනටමත් උදාවී ඇත.
එමෙන්ම ‘බී’ කොටසේ දෙවැනි කාණ්ඩයේ ඉදිරියෙන් සිටින ඕල්ඩ් බෙන්ස් පිලද තරග 8 කදී ප‍්‍රසාද ලකුණු 19 ක් ලබා ඇත. ඔවුන් ජයග‍්‍රහණ 6 ක් ද එක් තරගයක් ජය පැරදුමෙන් තොරවද එක් තරගයක් පරාජය වී ගෝල් 17 ක් ලබා ගත්තේය. ඕල්ඩ් බෙන්ස් පිලට එරෙහිව අනෙක් කණ්ඩායම් ගෝල් 6 ක් වාර්තා කළහ.
කැන්ඩියෝක් – මායා
විගුලවත්ත කී‍්‍රඩාංගණයේදී නිමාව දුටු කැන්ඩියෝක් හා මායා කී‍්‍රඩා සමාජය අතර තරගයෙන් ගෝල් 4 – 0 ක ජයක් කැන්ඩියෝක් පිල සතු විය. කැන්ඩියෝක් පිලේ ඩබ්ලිව්. ඒ. එස්. සාගර ගෝල් 3 ක් ද එස්. එම්. රීසා ගෝලයක් ද වාර්තා කළහ.
දොන් බොස්කෝ - හයිලයින්
මහනුවර බෝගම්බර කී‍්‍රඩා පිටියේ පැවැති මේ තරගයෙන් දොන්බොස්කෝ පිලට ගෝල් 4 – 3 ක ජයක් අත් විය. තරගයේ ප‍්‍රථම භාගය නිමා වූයේ ගෝල් 2 – 2 ලෙසිනි. දොන්බොස්කෝ පිල වෙනුවෙන් පී. එල්. අපෝන්සු ගෝල් 3 ක් ද ආර්. ජේ. කුමාර ගෝලයක්ද වාර්තා කළහ.
සී. එස්. සේනාරත්න, ඩබ්ලිව්. පී. කුමාර හා පී. එම්. විජේසිංහ හයිලයන් පිලට ගෝල් එක් කළහ.
ඕල්ඩ්බෙන්ස් - සරසවි
ශාන්ත බෙනඩික්ට් පිටියේ පැවැති මේ තරගයෙන් ගෝල් 3 – 0 ක පහසු ජයක් ඕල්ඩ්බෙන්ස් පිලට අත් විය. එම්. යෝගරාජා, ගෝල් 2 ක්ද ආර්. වේල්ස් ගෝලයක්ද වාර්තා කළහ.
කළුතර පාක් - රෙඩ්සන්
කළුතර මහජන කී‍්‍රඩාංගණයේ පැවැති මේ තරගය දෙපිලම ගෝල් එක බැගින් ලබා ජය පරාජයෙන් තොරව නිමා විය.
කළුතර පාක් පිලේ එල්. ටී. සිල්වා හා රෙඩ්සන් පිලේ පී. දිල්රංග ගෝල් වාර්තා කළහ.