ජගත් පේ‍්‍රමචන්ද්‍ර
මෙරට යෞවන යෞවනියන්ගේ කී‍්‍රඩා කුසලතාවන් එළිදැක්වෙන ජාතික යෞවන කී‍්‍රඩා උළෙල සඳහා තවත් ඉතිරිව ඇත්තේ දින දෙකක් පමණි.
නොවැම්බර් 28දා පස්වරු 4.30ට පැවැත්වෙන විචිත‍්‍රවත් සමාරම්භක උළෙලක් මගින් 20 වැනි ජාතික යෞවන කී‍්‍රඩා උළෙල ඇරැඹෙන්නේ බෙලිඅත්ත ඩී. ඒ. රාජපක්‍ෂ කී‍්‍රඩාංගණයේ දීය.
දශක දෙකක අතීතයකට උරුමකම් කියන ජාතික යෞවන කී‍්‍රඩා උළෙල ප‍්‍රධාන ලෙස ඇරැඹෙන්නේ 1988 වසරේ දීය. ඒ ජාතික තරුණසේවා සභාවේ අධ්‍යක්‍ෂ චරිත රත්වත්තේ මහතාගේ ප‍්‍රධානත්වයෙනි.
“සෑම යොවුන් පුරයකටම සමගාමීව යෞවන කී‍්‍රඩා දිනයක් පැවැතීය. මේ කාලය වන විට මහවැලි සහ පාසල් කී‍්‍රඩා උළෙලවල් අපේ තරුණ පරපුර අතර ආකර්ශනීය වී තිබුණා.
ඒ අනුව තමයි 1998 වසරේදී යෞවන යෞවනියන් සඳහම වෙන්වූ කී‍්‍රඩා උළෙලක් සංවිධානය වෙන්නේ. “යෞවන කී‍්‍රඩා උළෙලේ ආරම්භයේ සිටම මේ දක්වා ම සමරුකළඹ සංස්කරණය කරනු ලබන ශීලා හිඳුරංගල මහත්මිය ‘දිනමිණ’ට ජාතික යෞවන කී‍්‍රඩා උළෙලේ ආරම්භය සිහිපත් කළේ එලෙසය.
එදා සිට මේ දක්වා බෙනඩික්ට් කුමාරගේ, අසෝක සෝමරත්න, ආචාර්ය කුමාරි නවරත්න, ආචාර්ය සුනිල් ජයන්ත නවරත්න සහ භාෂ්වර සේනාංක ගුණරත්න යන මහත්වරුන් යටතේ යෞවන කී‍්‍රඩා උළෙල පණ ගැන්වී ඇත.
එහෙත් 2002 වසරේ සිට 2005 වසර දක්වා වූ වසර ති‍්‍රත්වය යෞවන කී‍්‍රඩා උළෙල දිස්ති‍්‍රක් තරගවලට පමණක් සීමා වුණි. කෙසේ වෙතත් ඒ විරාමයට තිත තැබීමට වත්මන් සභාපති අධ්‍යක්‍ෂ ජනරාල් භාෂ්වර සේනාංක ගුණරත්න මහතා කටයුතු කළේය.
2006 වසරේදී තරුණ කටයුතු ඇමැති ජීවන් කුමාරතුªංග මහතා සමඟ එක්වෙමින් 18 වැනි යෞවන කී‍්‍රඩා උළෙල පෙරටත් වඩා උත්කර්ශවත් ලෙස ඓතිහාසික අනුරාධපුර කී‍්‍රඩාංගණයේ දී නැවැත මෙරට යෞවන යෞවනියන්ට අභිෂේක කිරීමට ඔහු සමත්විය.
“යෞවනත්වය හා කී‍්‍රඩාව එකට අත්වැල් බැඳගනිමින් නිරෝගී, සාමකාමී, සහජීවන සමාජයක් කරා අප තබන ඉදිරි පියවර බෙහෙවින් අර්ථවත් හා ඵලදායි එකක් වනු දැක්ම මාගේ බලාපොරොත්තුවයි.
ඒ අනුවයි මෙරට යෞවන ;යෟවනියන්ට ජාතික යෞවන කී‍්‍රඩා උළෙල විවෘත වන්නේ...” ශී‍්‍ර ලංකා තරුණසේවා සභාවේ සභාපති අධ්‍යක්‍ෂ ජනරාල් භාෂ්වර සේනාංක ගුණරත්න මහතා පැවැසීය.
20 වැනි යෞවන කී‍්‍රඩා උළෙල මේ මස 28, 29, 30 සහ දෙසැම්බර් 01 යන දිනවලදී පැවැත්වීමට නියමිතය.
Subscribe to:
Post Comments (Atom)
No comments:
Post a Comment