පුත්තලම සමූහඩබ්ලිව්. සී. බී. ප‍්‍රනාන්දු සහ මුන්නේශ්වරම සමූහ
මරාගෙන මැරෙන කොටි කාන්තාවක් යයි සැක කරන දමිළ කාන්තාවක් අත්අඩංගුවට ගෙන ඇති පුත්තලම දිසා පොලිස් බුද්ධි අංශය, ඇයගෙන් ලද තොරතුරකට අනුව හලාවත හෝ ඒ අවට ප‍්‍රදේශයක සඟවා ඇතැයි කියන මරාගෙන මැරෙන ඇඳුම් කට්ටල දෙකක් සොයා ගැනීමටද පරීක්ෂණ ආරම්භ කර ඇත.
අජිතා ප‍්‍රනාඩෝ යන නමින් හැඳීන්වෙන මුලතිව් පදිංචිකාරියක් වන 24 හැවිරිදි ඇය මෙසේ අත්අඩංගුවට ගැනීමට හැකි වී ඇත්තේ සින්නපාඩුවේ පෙරියපාඩුව ගම්මානයේ දීය.
කොටි සංවිධානයේ “රේවතී” යන නමින් සන්නද්ධ අංශය ඇතුළු විවිධ කි‍්‍රයාකාරකම්වල යෙදී ඇති ඇය පසුව එම සංවිධානයේ මරාගෙන මැරෙන කණ්ඩායමට එක් වී ඇති බවත්, රන්ජන් නම් වූ කොටි ප‍්‍රධානියෙකුගේ නියමය පරිදි ඇය හලාවතට පැමිණීමට මුලතිව් වලින් පිටත්ව ඇත්තේ ඉකුත් 6 දා බවත් පොලිස් බුද්ධි අංශ ඇයගෙන් ප‍්‍රශ්න කිරීම්වලදී හෙළිකර ගෙන ඇත.
හලාවතට පැමිණ හමුවිය යුතු අයෙකුගේ නමක් සහ ලිපිනයක්ද එම කොටි ප‍්‍රධානියා විසින් ඇයට ලබා දී ඇතත් එම ලිපිනයේ වෙනසක් නිසා නියමිත පුද්ගලයා සොයාගත නොහැකිවීමෙන් අතරමං වී ඇති ඇය පසුව සින්නපාඩුව පෙරියපාඩුවේ පදිංචි තම ඥාතියෙකුගේ නිවෙසට ගොස් තාවකාලිකව එහි නතර වී ඇත.
ලාවතදී ඇයට හමුවෙන ලෙස උපදෙස් ලැබී ඇති පුද්ගලයාද මුලතිව්හි පදිංචිකරුවෙකි.
එම පුද්ගලයා හලාවතට පැමිණීමෙන් පසු ඉස්ලාම් ධර්මය වැළඳගෙන මුස්ලිම් ජාතිකයකු මෙන් සිටින අයෙකු බවත් ඇයගෙන් ප‍්‍රශ්න කිරීම්වලදී හෙළි වී ඇත.
රැඳවුම් නියෝග යටතේ ඇය රඳවා තබාගෙන මුන්දලම පොලීසියත්, පොලිස් බුද්ධි අංශයත් දිගින් දිගටම පරීක්ෂණ කරගෙන යයි.
Subscribe to:
Post Comments (Atom)
No comments:
Post a Comment