කුමුදු ජයසේකර ඉත්තෑපාන සමූහ
කෝටි 20කට වැඩි මුදල් ප‍්‍රතිපාදන යොදවා අගලවත්ත ඡන්ද කොට්ඨාසයේ සංවර්ධන කටයුතු මේ දිනවල සිදුකෙරෙමින් පවතින බවත් ලබන වර්ෂයේ ගංවතුර පාලනය අවම කිරීම සහ විපතට පත්වන ජනතාවට සහන ලබාදීමට පෙර සූදානම් කි‍්‍රයාවලියක් ගමේ පන්සලෙන් ආරම්භ කරන බව ආපදා කළමණාකරණ හා මානව හිමිකම් ඇමැති මහින්ද සමරසිංහ මහතා පැවසීය.
ඒ මහතා එසේ පැවසුවේ වළල්ලාවිට ප‍්‍රාදේශීය සභාවට ලක්ෂ අසූවක් වටිනා බැකෝ යන්ත‍්‍රයක් ලබාදීම සහ තවත් සංවර්ධන ව්‍යාපෘති රැසක් ආරම්භ කිරීම සඳහා පැවති උත්සවයේ ප‍්‍රධාන ආරාධිත අමුත්තා ලෙස සහභාගි වෙමිනි.
පසුගියදා අරලියගහ මන්දිරයේදී තමා ජනාධිපතිතුමා සමඟ පැවති සාකච්ඡාවකදී ජනාධිපති තුමා කියා හිටියා අධිවේගී මාර්ග හැදුවට කමක් නෑ ගොවියා ගේ කුඹුරුවලට හානිවෙන්න ඉඩ දෙන්න එපා කියලා අපි ඒ නිසා ගංවතුර අඩුකරන්න හානි අවම කරන්න කටයුතු කරනවා.
ගංවතුර තර්ජන වලට මුල ජනතාවගේ නොදැනුවත්කම කදුමුදුන් හරස් කිරීම වැනිදේ ජනතාව දැනුවත් කිරීමට අපි බලාපොරොත්තු වෙනවා.
ඒ සඳහා අධිවේගී මාර්ගය එක්ක එකතුවෙළා. මාර්ග සංවර්ධන අමාත්‍යාංශය සමඟ එකතුවෙළා දේශපාලන පරිපාලන ව්‍යුහ ශක්තිමත් කිරීමට බලාපොරොත්තු වෙනවා.
ගොඩනැගිලි පර්යේෂණ ආයතනය නායයන ප‍්‍රදේශ සිතියම් ගතකරලා තිබෙනවා.
ලබන වසරේ මෙම විපත් සිදුවෙන ප‍්‍රදේශ හදුනාගෙන ඒවා අවම කිරීමට අදහස් කරනවා. සැලකිය යුතු මුදලක් ඒ සඳහා වෙන් කොට මෙම කටයුතුª ඉක්මනින් ආරම්භ කරන බවත් පැවසීය.
සෑම ප‍්‍රාදේශීය සභාවකට අපි ජෙනරේටර් ලබාදී තිබෙන වා. ජල විපත් සිදුවන ප‍්‍රදේශයට ඒ සඳහා අවශ්‍ය වියළි සලාක පිසූ ආහාර පිසීමට අවශ්‍ය භාජන බඩු බාහිරාදිය ලබාදෙනවා යැයි පැවසීය.
වළල්ලාවිට ප‍්‍රාදේශීය සභාපති උදේනි අතුකෝරල අගලවත්ත ප‍්‍රා / සභා උපසභාපති ඩී.ඩී.දර්ශන ප‍්‍රාදේශීය සභා මන්තී‍්‍රවරුන් මතුගම සහකාර පොලිස් අධිකාරී , මිගහතැන්න පොලිස් ස්ථානාධිපති හිමාල රාජපක්ෂ ව/ ප‍්‍රා ලේකම් ඉන්ද්‍රාකාන්ති මහත්මිය ඇතුළු ගිහි පැවිදි විශාල පිරිසක් මේ අවස්ථාවට එක්වූහ.
Subscribe to:
Post Comments (Atom)
No comments:
Post a Comment