වතුරුගම සමූහ කේ. කේ. එස්. ආරියදාස
ලෝකයේ සමහර ධනවත් රටවල පවා ලෝක ආර්ථිකය කඩා වැටෙමින් පවතින අවස්ථාවක ශ‍්‍රී ලංකාවේ උතුරේ, මානුෂීය මෙහෙයුමක් සිදුකරමින් නැගෙනහිර දකුණ රටපුරා කඩිනම් සංවර්ධනයක් ගෙනයන අවස්ථාවක සමහරුන් වැඩි පඩි ඉල්ලනවා. ගුරු වැටුප් වැඩි කිරීමත් ලබන ජනවාරියේ සිට අපේක්ෂා කරනවා. ඒ සඳහා අවශ්‍ය මුදල් ප‍්‍රතිපාදන දැනටමත් වෙන් කරගෙන යනවා යැයි, අධ්‍යාපන ඇමැති සුසිල් පේ‍්‍රමජයන්ත මහතා පැවැසීය.
ගම්පහ රත්නාවලී බාලිකා මහා විද්‍යාලයේ වාර්ෂික ත්‍යාග ප‍්‍රදානෝත්සවයට ප‍්‍රධාන ආරාධිත අමුත්තා වශයෙන් සහභාගි වෙමින් සුසිල් පේ‍්‍රමජයන්ත මහතා එසේ පැවැසීය.
තවදුරටත් කතා කළ සුසිල් පේ‍්‍රමජයන්ත මහතා,
අද අපේ රටේ, යුද්ධ තිබුණත් රටේ සංවර්ධනය ඉදිරියටම යනවා. නැගෙනහිර කඩිනම් සංවර්ධනයකට යොමු කළා. දකුණ ශීඝ‍්‍ර සංවර්ධනයත්, එනිසා ඉවසිලිමත්ව කටයුතු කිරීම යුතුකමක් වෙනවා.
සර තුනකට පෙර අධ්‍යාපන අමාත්‍යාංශය භාර ගන්නාවිටද අ.පො.ස. (සාමාන්‍ය පෙළ) විභාග ප‍්‍රතිඵල අනුව සමත් ශිෂ්‍ය සංඛ්‍යාව 23% යි. අද එම සංඛ්‍යාව 51% දක්වා වර්ධනය වෙලා.
ගම්පහ රත්නාවලී බාලිකා මහ විද්‍යාලය, අධ්‍යාපන ප‍්‍රගතිය අතින් ඉතා ඉහළ මට්ටමක සිටිනවා. විදුහල්පතිතුමිය ඇතුළු ආචාර්ය මණ්ඩලය උනන්දුව එම අධ්‍යාපන සංවර්ධනයේ ප‍්‍රගතියට හේතුවයි. ගෘහස්ත කී‍්‍රඩාගාරයක් ඉදිකිරීම අද ආරම්භ වෙලා. ඒ සඳහා පරිත්‍යාගශීලින්ගේත්, පාසල් සංවර්ධන සමිතියත් දායකත්වය ලැබීම ඉතාම සතුටට කරුණක්.
අ.පො.ස. සාමාන්‍ය පෙළ ප‍්‍රතිඵල අනුව ගම්පහ රත්නාවලී බාලිකා විද්‍යාලය මුලු දිවයිනෙන්ම දෙවන ස්ථානය ලබා සිටිනවා.
විදුහල්පතිනිය එච්. ඒ. එච්. ජයවර්ධන, පළාත් සභා මන්තී‍්‍ර අධ්‍යාපන අධීක්ෂණභාර මන්තී‍්‍ර සුනිල් විජේරත්න, කලාප අධ්‍යාපන අධ්‍යක්ෂ එච්. ඒ. එච්. ජයරත්න යන මහත්ම මහත්මීන්ද තවත් කිහිපදෙනෙක්ද කථා කළහ. ප‍්‍රධාන ශිෂ්‍ය නායිකා අනුරාධා කොස්තා සිසුවියද කථා කළාය.
Subscribe to:
Post Comments (Atom)
No comments:
Post a Comment