විජයානි එදිරිසිංහ
උතුරේ මෙහෙයුම්වල යෙදී සිිටින ආරක්ෂක හමුදා ඊයේ (23) පස්වරු වනවිට කිලිනොච්චි නගරය ආසන්නයට පැමිණ සිටින බවට ආරක්ෂක අංශ වාර්තා කරයි.
කිලිනොච්චි නගරය ආසන්නයට ආරක්ෂක හමුදාවන්ගේ පැමිණීම වළක්වාලීම සඳහා කොටි ත‍්‍රස්තවාදීන් විශාල පස් කඳු දමා තිබූ අතර ආරක්ෂක හමුදා එම පස් කඳු ඉවත් කරමින් නගරය ආසන්නයටම පැමිණ ප‍්‍රහාර එල්ල කරති.
මේ වනවිට එම ප‍්‍රදේශය පුරා දරුණු සටන් ඇවිලෙමින් තිබෙන බව එම ආරක්ෂක ආරංචිමාර්ග තවදුරටත් සඳහන් කරයි.
කිලිනොච්චි, අඩප්පන්, තෙරුමුරුක්කන්ඩි, පුදුමරිප්පුකුලම් (අඩන්පන්වලට ආසන්නයේ) යන ප‍්‍රදේශවලඊයේ පෙරවරුවේ සිට දරුණු ගැටුම් ඇතිවී තිබේ.
මෙම ප‍්‍රදේශවලද විශාල පස් කඳු දමා ආරක්ෂක හමුදාවලට ප‍්‍රදේශයට ඇතුල්වීම වළක්වා තිබූ බවද පැවසේ. එම සියලු පස් කඳු ආරක්ෂක බල සේනාවෝ ඉවත් කළහ.
අඩප්පන් ප‍්‍රදේශයේ 12 වැනි සිංහ, 9 ගජබා, පුදුමුරිප්පුකුලම් ප‍්‍රදේශයේ 8 වැනි හා 10 වැනි පාබල හමුදාව, අඩප්පන්වලට උතුරින් 1 වැනි කාර්ය සාධක බළකාය යටතේ 17 ගැමුණු, 12 ගජබා හා 8 සිංහ යන සේනාංක මෙම මෙහෙයුම්වල යෙදී සිටිති.
Subscribe to:
Post Comments (Atom)
No comments:
Post a Comment