විජයානි එදිරිසිංහ
මුහමලේ කොටි ඉදිරි ආරක්ෂක වළල්ලේ කිලෝ මීටර් අටක් දුර, මීටර් 800 ක් ඉදිරියට බලය ආරක්ෂක හමුදා මගින් තහවුරු කරගෙන තිබේ.
මුහමලේ කොටි ඉදිරි ආරක්ෂක වළල්ල අත්පත් කරගත් ආරක්ෂක බළ සේනා මේ වන විට පලෙයි සහ සෝරන්පත්තු ප‍්‍රදේශ ඉලක්ක කර ප‍්‍රහාර එල්ල කිරීම ආරම්භ කර තිබේ.
53 වෙනි සහ 55 වෙනි බළ සේනාංක මුහමලේ ඇතුළු එම ප‍්‍රදේශ අත්පත් කර ගැනීමේ මෙහෙයුම්වල යෙදී සිටිති.
පලෙයි,සෝරන්පත්තු අලිමංකඩ , පරන්තන් ඇතුළු එම ප‍්‍රදේශ අත්පත් කර ගැනීම එම බළසේනාංක වලට පැවරී ඇත.
මුහමලේ කොටි ඉදිරි ආරක්ෂක වළල්ල අත්පත් කර ගැනීමේ මෙහෙයුමේදී දෙපාර්ශ්වය අතර දරුණු සටන්පැවති බව ආරක්ෂක අංශ පවසයි. එහිදී කොටින්ට බරපතළ හානි සිදුවී ඇති බවද වාර්තා වෙයි.
කොටින්ගේ බලය යටතේ පැවැති උතුරේ ප‍්‍රදේශවලින් අත්පත් කර ගැනීමට තවත් ඉතිරිව තිබෙන්නේ සියයට දහයක(10)පමණ ප‍්‍රදේශයකි. එම ප‍්‍රදේශ අත්පත් කර ගැනීමේදී කොටින්ගේ දරුණු ප‍්‍රහාර එල්ලවිය හැකි බව ආරක්ෂක අංශ පවසයි.
කොටි ත‍්‍රස්තවාදීන්ගේ කුමන ආකාරයේ දරුණු ප‍්‍රහාර එල්ල කළත් ඒ සෑම ප‍්‍රහාරයකටම මුහුණ දීමේ ශක්තියකින් ආරක්ෂක අංශ සූදානම්ව සිටින බව ජ්‍යෙෂ්ඨ ආරක්ෂක අංශ නිලධාරියෙක් පැවසීය.
මේ ප‍්‍රදේශ අත්පත් කර ගැනීමේ දැවැන්ත මානුෂික මෙහෙයුමේ යෙදී සිටින ආරක්ෂක බළසේනාංක පහේ ප‍්‍රධානම අරමුණ කොටි ත‍්‍රස්තවාදීන් විසින් හිර කරගෙන සිටින ලක්ෂ සංඛ්‍යාත සාමාන්‍ය වැසියන් බේරා ගැනීමයි.
මේජර් ජෙනරාල් ජගත් ඩයස්ගේ නායකත්වයෙන් යුත් 57 වැනි බළ සේනාංකය, බි‍්‍රගේඩියර් ශවේන්ද්‍ර සිල්වාගේ නායකත්වයෙන් යුත් 58 වැනි බළ සේනාංකය, බි‍්‍රගේඩියර් නන්දන උඩවත්තගේ නායකත්වයෙන් යුත් 59 වන බළසේනාංකය, බි‍්‍රගේඩියර් රෝහණ බංඩාරගේ නායකත්වයෙන් යුත් බළසේනාංක දෙක සහ බි‍්‍රගේඩියර් සත්‍යපි‍්‍රය ලියනගේ නායකත්වයෙන් යුත් බළසේනාංක 3 එම දැවැන්ත මානුෂික මෙහෙයුමේ යෙදී සිටිති.
Subscribe to:
Post Comments (Atom)
No comments:
Post a Comment