පුත්තලම සමූහ සහ මුන්නේශ්වරම් සමූහ
විදේශ රැකියා ලබාදෙන බව පවසමින් හලාවත හා අවට ප‍්‍රදේශවල පුද්ගලයන්ගෙන් රුපියල් ලක්ෂ ගණනින් වංචනික ලෙස මුදල් එකතු කළ කාන්තාවක්, එම මුදල් එල්.ටී.ටී.ඊ.සංවිධානයට යවන ලද්දේදැයි සැක මතුවී ඇති බැවින් ඒ පිළිබඳව පුළුල් පරීක්ෂණ අරඹා ඇතැයි හලාවත පොලිසිය කියයි.
හලාවත නගරයේ පිහිටි පොලිස්මුර පොල නිලධාරීන් සැකපිට මේ කාන්තාව අත්අඩංගුවට ගෙන ඇත. ඇය යාපනයේ ඉලවාරි හි පදිංචිකාරියක වන වීරසිංහම් සෙල්වරාණි (අවු:45) නමැත්තියක් බව පරීක්ෂණ වලදී හෙළි වී තිබේ.
මීට වසර 4කට ඉහතදී හලාවත තරුකුපන ප‍්‍රදේශයේ නවාතැන් පොලක නතරවී කැනඩාව, එංගලන්තය, ප‍්‍රංසය යන රටවල විදේශ රැකියා ලබාදෙන බව පවසා හලාවත හා අවට ප‍්‍රදේශවල 50කට අධික සංඛ්‍යාවකගෙන් රුපියල් ලක්ෂයේ සිට ලක්ෂ පහක් දක්වා මුදල් ලබාගෙන රැකියාද ලබා නොදී ප‍්‍රදේශයෙන් අතුරුදන්වී ඇති බවට හලාවත පොලිස් අධිකාරි කාර්යාලයේ විශේෂ වංචා විමර්ශන ඒකකයට පැමිණිලි ලැබී තිබුණි.
ඒ අතරේ ඉකුත් සති අන්තයේ හලාවත නගර පොලිස්මුර පොළ නිළධාරීන් විසින් ඇය හලාවත නගරයේදී අත්අඩංගුවට ගනු ලැබීය. මෙසේ වංචනික ලෙස මුදල් ලබාගෙන හලාවත ප‍්‍රදේශයෙන් අතුරුදන්වීමෙන් පසු රුපියල් 7500ක මාසික කුලියක් ගෙවමින් කොළඹ නවාතැන් පොලක නතරවී ඇති ඇය කිසියම් අවශ්‍යතාවකට හොර රහසේ හලාවතට පැමිණි අවස්ථාවේ පොලිසියට කොටුවූ බව පොලිස් ප‍්‍රශ්න කිරීම්වලදී හෙළි වී ඇත.
හලාවත නගර පොලිස් මුරපොලේ සැරයන් 63249 වසන්ත සහ පොලිස් කොස්තාපල් 36760 නීල් යන මහත්වරු මේ කාන්තාව අත්අඩංගුවට ගැනීමට සමත් වූහ.
Subscribe to:
Post Comments (Atom)
No comments:
Post a Comment