මහින්ද කුලතුංග, චන්ද්‍රිකා පෙරේරා සහ වවුනියා උතුර සමූහ බන්දුල සෙනෙවිරත්න
කොටි ග‍්‍රහණයෙන් මිදී පැමිණි සාමාන්‍ය වැසියෝ 311 දෙනෙක් යාපනයට සහ ඕමන්තට පැමිණ යුද හමුදාවට බාරවූහ. ආරක්ෂාව පතා පලා ආ මේ පිරිසෙන් සමහරු කොටි සංවිධානයට කප්පම් ලෙස රුපියල් ලක්ෂ දෙකක් හෝ තුනක් ගෙවූ බවද ප‍්‍රකාශ කරති. සෙසු අය කොටින්ට නොදන්වා හොර රහසේ පැමිණි අය වෙති.
තමන්ගේ තරුණ දරුවන් බලෙන් ගෙන ගොස් යුද්ධයට යොදා ගන්නා නිසා මෙසේ පැන ආ බව ඔවුහු ප‍්‍රකාශ කරති. වැඩිහිටියන් බංකර් තැනීමට යොදා ගන්නා බවද ප‍්‍රකාශ වෙයි.
ආණ්ඩුවෙන් ලබාදෙන ආහාර තමන්ට නොලැබෙන බවත් ඒවා කොටි පැහැර ගන්නා බවත් මෙසේ් පැමිණි පිරිස හමුදාවට ප‍්‍රකාශ කරති.
කොටි ග‍්‍රහණයේ අනේක විධ කරදරවලට මුහුණදී සිටින තම හිතවතුන් මුදාගන්නා ලෙස මෙම පිරිස හමුදාවෙන් ඉල්ලා සිටිති. ඒ – 32 මාර්ගය මුදාගත් නිසා තමන්ට යාපනයට පලාඒමට පහසු වූ බවද යාපනයට පැමිණි අය ප‍්‍රකාශ කරති.
කනගරායන්කුලම හා චින්නඅඩම්පන් ප‍්‍රදේශවලින් පුද්ගලයන් 161 දෙනෙකු ඕමන්ත වෙත පැමිණි අතර අනාරක්ෂිත ප‍්‍රදේශවල සිට තවත් සියදෙනෙකු පේරතිව් ජැටිය හා කිලාලි වෙත පැමිණ ඇත.
ඉකුත් දින තුන ඇතුළත පැමිණ ඇති 311 දෙනා අතර කුඩා දරුවන්ද සිටින බව පැවැසීය.වව්නියාව ඕමන්තේ මුරපොළ හරහා ඊයේ සවස තවත් සිවිල් වැසියන් පනස්දෙනකුගෙන් යුත් පිරිසක් පාපැදිවල නැගී පැමිණි බවත් ජාතික ආරක්ෂාව පිළිබඳ මාධ්‍ය මධ්‍යස්ථානය සඳහන් කළේය.
එම පිරිස අතර අත්වාරුවෙන් යන කාන්තාවක්ද වන බවත් මාධ්‍ය මධ්‍යස්ථානය සඳහන් කළේය
Subscribe to:
Post Comments (Atom)
No comments:
Post a Comment