ආගම පෝෂණය කරන්නට ඕනෑ ම රජය බැඳී සිටිනවා. -ගම්පහ දිස්ති‍්‍රක් මන්තී‍්‍ර ජයලත් ජයවර්ධන මහතා (එ.ජා.ප.)

දයා පෙරේරා, දුමින්ද ගුරුගේ, සහ ස්වර්ණා විජේකෝන්
ගම පොහොසත් කර නගරයට ඇදී එන ජනගහනය සීමා කරමින් නාගරික ජනාවාස ප‍්‍රශ්නයට මුහුණ දීමට රජය සැලසුම් සකස් කොට ඇතැයි නාගරික හා පූජාභූමි සංවර්ධන ඇමැති දිනේෂ් ගුණවර්ධන මහතා පාර්ලිමේන්තුවේදී ඊයේ (27) පැවැසීය.
මේ වන විට සියයට 30ක් පමණ වන නාගරික ජනගහනය වර්ෂ 2015 වනවිට සියයට 50 දක්වා ඉහළ යනු ඇතැයි ද පැවසූ ඇමැතිවරයා මේ නාගරීකරණ ප‍්‍රශ්නයට මුහුණ දීමට දැන් සිට ම සූදානම් විය යුතු බව ද කීවේ ය. අමාත්‍යාංශයේ වැය ශිර්ෂය පිළිබඳ කාරක සභා අවස්ථාවේ සාකච්ඡාවට එක් වෙමින් ඇමැතිවරයා මේ බව පැවැසී ය.
වේත‍්‍රධාරි අනිල් පරාක‍්‍රම සමරසේකර මහතා සෙංකෝලය තැන්පත් කිරීමෙන් අනතුරුව කතානායක වි.ජ.මු. ලොකු බණ්ඩාර මහතාගේ ප‍්‍රධානත්වයෙන් පාර්ලිමේන්තුව ඊයේ (27) පෙරවරු 9.30ට රැස්විය.
නිවේදන ඉදිරිපත් කිරීමෙන් හා වාර්තා හා ලිපි ලේඛන පිළිගැන්වීමෙන් පසු වාචික පිළිතුරු අපේක්‍ෂාවෙන් මන්තී‍්‍රවරුන් අසා තිබූ ප‍්‍රශ්න සඳහා ඇමැතිවරුන් පිළිතුරු ලබා දුන්හ.
විසර්ජන පනත් කෙටුම්පත (2009 අයවැය ) කාරක සභා අවස්ථාවේ සාකච්ඡාව සඳහා පාර්ලිම්න්තුව කාරක සභාව වශයෙන් රැස්විය. නාගරික හා පූජාභූමි සංවර්ධන , නිවාස හා පොදු පහසුකම් , ජල සම්පාදන හා ජලපවාහන යන අමාත්‍යාංශවල වැය ශිර්ෂ පිළිබඳ කාරක සභා අවස්ථාවේ විවාද ඊයේ (27) පැවැත්විණි. මෙම වැය ශිර්ෂවලින් රුපියල් 10ක් කපා හැරීමට යෝජනා කරමින් කතා කළ
හම්බන්තොට දිස්ති‍්‍රක් මන්තී‍්‍ර සජිත් පෙ‍්‍ර්මදාස මහතා (එ.ජා.ප) - නිවාස ඉදි කිරීමේ ඇති වැදගත්කම අපි හැම දෙනා ම තේරුම් ගත යුතුයි. ආහාර ඇඳුම් සහ නිවාස කියන්නේ ජනතාවට අත්‍යවශ්‍ය දේවල්.
නිවාස හා පොදු පහසුකම් ඇමතිනි ෆේරියල් අෂ්රොෆ් මහත්මිය - අපේ මහින්ද රාජපක්‍ෂ ජනාධිපතිවරයා මේ රටේ නිවාස ප‍්‍රශ්නයට විසැඳුම් සෙවීමේ වැඩ කටයුත්ත ඉදිරියට ගෙන යනවා. ඉදිරියේදී අපි අඩු පොලියට නිවාස ණය ලබා දෙනවා. පසුගිය වසරක කාලය තුළ මේ අංශය දියුණු කිරීමට විශාල වැඩ කොටසක් සිදු කළා.
රේණුකා හේරත් මහත්මිය - පෙ‍්‍ර්මදාස ජනාධිපතිවරයා ආර්ථික වශයෙන් ඉතා දුෂ්කර පවුල්වලට ලබා දුන් නිවාස ණය කපා හැරියා.
(රේණුකා හේරත් මහත්මිය මූලාසනයට පැමිණියාය.)
කොළඹ දිස්ති‍්‍රක් මන්තී‍්‍ර ලක්‍ෂ්මන් නිපුණආරච්චි මහතා. (ජ.වි.පෙ) - ඇමැතිවරුන් හය දෙනකුට අදාළ වැය ශිර්ෂ ලෙස අද විවාද කරනවා. මේ අමාත්‍යාංශ යටතේ පවතින ආයතනවලට විදේශ ණය විශාල ප‍්‍රමාණයක් ලැබෙනවා.
දිනේෂ් ගුණවර්ධන මහතා - ඔබතුමා වැරැදි සංඛ්‍යාලේඛන ඉදිරිපත් කරන්නේ. තොරතුරු දුන්න කෙනාගෙන් නිවැරැදි ව ලබාගන්න. මන්ති‍්‍ර වරප‍්‍රසාදවලට මුවා වී වැරැදි ;තාරතුරු ඉදිරිපත් කරන්න එපා.
නිපුණආරච්චි මහතා - මා ඉදිරිපත් කරන තොරතුරු වැරැදි නම් නිවැරැදි තොරතුරු ඔබතුමා ඉදිරිපත් කරන්න.
නාගරික සංවර්ධන ඇමැති රෝහණ කුමාර දිසානායක මහතා - ලක්‍ෂ්මන් නිපුණආරච්චි මහතා ඉදිරිපත් කළ බොහෝ කරුණු අසත්‍ය නිසා මම උත්තර දෙන්න යන්නේ නෑ. මැදකොළඹ ආසනයේ (එකසිය එකොළහ) 111 වත්තට අප ළඟදී ගියා. අතීතයට වඩා අද ජනගහණය වැඩියි. ජනතාව ගේ අවශ්‍යතාවන් වැඩියි.
දිගාමඩුල්ල දිස්ති‍්‍රක් මන්තී‍්‍ර කේ. පද්මනාදන් මහතා (දෙ.ජා.සං.) -කල්මුණේ නගරය සංවර්ධනයට වාර්තා සකසන විට දෙපාර්ශවයේම උපදෙස් ලබාගන්නැයි ඉල්ලනවා. කලක් නිවාස සංවර්ධන අමාත්‍යංශය රජයක කොඳුනාරටිය වශයෙන් තිබුණා. දැන් එහෙම නැහැ.
ජල සම්පාදන හා ජලාපවහන ඇමැති මහින්ද අමරවීර මහතා - ජලය අසීමිත සම්පතක් යැයි අතීතයේ බොහෝ දෙනා කීවා. නමුත් අද එය සීමිත සම්පතක් වී ඇති අතර ඉල්ලුම වැඩි වී තිබෙනවා. ලොව භූමියෙන් තුනෙන් දෙකක් ජලය වුවත් පානය කළහැක්කේ එයින් දශම 001ක් වැනි ප‍්‍රමාණයක්. අපේ ජලය සංරක්‍ෂණය කළ හොත් ඉන්ධනවලින් ලැබෙනවාට වඩා වැඩි විදේශ විනිමයක් හොයා ගත හැකියි. ජලාශ හා ජල මූලාශ‍්‍ර සංරක්‍ෂණය කළ යුතුයි. ජලය අපවිත‍්‍ර නොකළ යුතුයි. පිරිසිදු ළිදකින් ජලය පානය කරන අයට ජලය ලබාදීම නොව අපිරිසුදු ජලය පාලනය කරන අයට පිරිසුදු පානීය ජලය ලබා දීම අපේ අරමුණයි.
(නියෝජ්‍ය කතානායක පියංකර ජයරත්න මහතා මුලසුනට පැමිණියේ ය.)
අමරවීර මහතා - බොහෝ දෙනා අපිරිසුදු ජලය පාවිච්චියෙන් ලෙඩ වෙනවා.
කොළඹ දිස්ති‍්‍රක් මන්තී‍්‍ර සාෆික් රාජාබ්දීන් (එ.ජා.ප) - ඇමැතිනියට අප සුබ පතනවා.
ෆේරියල් අෂ්රොප් මහත්මිය - සුළු නඩත්තු කිරීම් එහි ජනතාවට පවරා තිබෙනවා. ඒ නඩත්තු සිදුකර ගන්නැයි ඔවුන්ට කියන්න.
ජාතිය ගොඩනැඟීමේ ඇමැති ගුණරත්න වීරකෝන් මහතා - දිනේෂ් ගුණවර්ධන ඇමැතිවරයා සිටිය දී සුනාමියෙන් විනාශ වූ ප‍්‍රදේශවලට පානීය ජලය සැපයීම යටතේ කොස්ගොඩ සිට අම්බලන්ගොඩ හික්කඩුව දක්වා පවුල් 34000කට පැය විසිහතරේම ජලය දුන්නා.
රත්නපුර දිස්ති‍්‍රක් මන්තී‍්‍ර අචල ජාගොඩ මහතා (ජා.නි. පෙ) - සමහර ජල ව්‍යාපෘති සඳහා මුදල් වෙන්වී සෑහෙන කලක් ගතවුණත් කි‍්‍රයාත්මක නැහැ. නාගරික සංවර්ධන අධිකාරියට හෙට රට ගොඩ නැගීමේ විශාල වැඩ පැවැරී තිබෙනවා.
පූජ්‍ය උඩවත්තේ නන්ද හිමියෝ මූලාසනයට පැමිණියහ. මහනුවර දිස්ති‍්‍රක් මන්තී‍්‍ර අබ්දුල් කාදර් මහතා (එ.ජා.ප) - පෙ‍්‍ර්මදාස ජනාධිපතිවරයා නිවාස සංවර්ධන අංශයට කළ වැඩ කටයුතු ඉදිරියට ගෙන යෑමට ඉන් පසු පැමිණි රජයන් අසමත් වුණා.
මාර්ගස්ථ මගී ප‍්‍රවාහන ඇමැති ලසන්ත අලගියවන්න මහතා - අපේ රටේ ඉතා වැදගත් කාර්ය භාරයක් මේ අමාත්‍යංශ තුන මඟින් සිදු වනවා. පසුගිය වසරේ ප‍්‍රධාන නගර 3ක් සංවර්ධනය කිරීමේ කටයුතු ඇරැඹුවා. මේ යටතේ කඩවත නගරය අපේ රටේ දෙවැනි අගනගරය බවට පත් කිරීමට සැලසුම් කර තිබෙනවා.
වන්නි දිස්ති‍්‍රක් මන්තී‍්‍ර එස්. සිරිල් මහතා (දෙ.ජ.ස) - සංවර්ධනය කියන සංකල්පය අපේ ප‍්‍රදේශවල කි‍්‍රයාත්මක වන්නේ නෑ.
ජල සම්පාදන හා ජලපවහන ඇමැති ඒ. එල්. එම්. අතාවුල්ලා මහතා - මේ රටේ සියලු දෙනාට ම පිරිසිදු පානීය ජලය සම්පාදනය කිරීමට අප කටයුතු කරගෙන යනවා. ජනාධිපතිවරයා මේ අමාත්‍යංශය පිහිටවූයේ ජනතාව ගේ මේ අවශ්‍යතාව ඉටු කිරීමටයි.
අද ලෝකයේ දැවැන්ත අර්ථික අර්බුදක් ඇති වී තිබෙනවා. සියලු භාණ්ඩ හා සේවා ගාස්තු වැඩි වී තිබෙනවා. එහෙත් අපි මේ රටේ ජල ගාස්තු සතයක්වත් වැඩි කෙළේ නැහැ.
ජනතාවගේ පිට වැඩි බරක් නොදමන්නැයි ජනාධිපතිවරයා අපගෙන් ඉල්ලීමක් කළා. පසුගිය ආණ්ඩු කාලයේදී අවස්ථා කිහිපයක දී ජල ගාස්තු වැඩි කළා. එහෙත් අපි එසේ කෙළේ නැහැ.
නව ජල සම්පාදන ව්‍යාපෘති රැසක් පසුගිය වසරේ කි‍්‍රයාත්මක කළා. ලබුගම - කලටුවාව ජල සම්පාදන ව්‍යාපෘතිය සංවර්ධනය කළා. ජල ඒකකයකට අපිට රුපියල් 34ක් පමණ වැය වෙනවා.
එහෙත් අපි දෙන්නේ රුපියල් 22කටයි. පිරිසිදු ජලය ලීටරයක් බෝතලයක් රුපියල් 40ක් පමණ වෙනවා.
නිවාස හා පොදු පහසුකම් ඇමැති ගීතාංජන ගුණර්ධන මහතා - රණසිංහ පෙ‍්‍ර්මදාස ජනාධිපතිවරයා නිවාස දස ලක්‍ෂයේ වැඩසටහන සම්පූර්ණ කළ බව ඇඟවීමට සජිත් පෙ‍්‍ර්මදාස මහතා උත්සාහ කළා. එහෙත් අප මේ සංඛ්‍යාලේඛන පරීක්‍ෂා කළ පසු පෙනී ගියේ නිවාස 7,18024ක් පමණක් මේ වැඩපිළිවෙල යටතේ ඉඳි කර ඇති බවයි. ඔහුට වැරැදි සංඛ්‍යා ලේඛන ලබා දී ඇති බවක් තමයි පෙනී යන්නේ. පසුගිය කාල සීමාවේ අපි නිවාස 450000ක් පමණ ඉදි කළා.
ගම්පහ දිස්ති‍්‍රක් මන්තී‍්‍ර ජයලත් ජයවර්ධන මහතා (එ.ජා.ප.) - ආගම පෝෂණය කරන්නට ඕනෑ ම රජය බැඳී සිටිනවා. ඒ නිසා සෑම කෙනෙකුගේ ම ගෞරවයට පාත‍්‍ර වූ සිරිපාදය පූජා නගරයක් බවට පත්කර අවශ්‍ය සියලු පහසුකම් ලබා දෙන්න.
නාගරික සංවර්ධන හා පූජා භූමි ඇමැති දිනේෂ් ගුණවර්ධන මහතා - අපේ ජනගහනයෙන් 30% ක් නාගරික ප‍්‍රදේශවල ජීවත්වෙනවා. 2015 වනවිට මෙය 50% දක්වා වැඩි වේවා. මහින්ද චින්තනය මඟින් ද ජනතාවට අවශ්‍ය පහසුකම් ලබා දී තිබෙනවා.
නාගරික ව සිදුවන ඉදිරි සැලසුම් මත රටක සංවර්ධනය සිදුවෙනවා. නැඟෙනහිර පළාතේ හා යාපනයේ තෝරාගත් ප‍්‍රදේශ ගණනාවක් සංවර්ධනය කිරීමට තීරණය කර තිබෙනවා.
ගම පොහොසත් කර නගරයට එන ජනගහණය සීමාකර නාගරික ජනාවාස ප‍්‍රශ්නය විසඳනවා.
ජෝශප් මයිකල් පෙරේරා මහතා - වේලාව පසුවී තිබෙනවා. හවස්වරුව මොකද කරන්නේ. ඒකට වෙලාව වෙන්කර ගන්නේ කොහොමද?
දිනේෂ් ගුණවර්ධන මහතා - මුල්ම වැරැද්ද කෙළේ පේ‍්‍රමදාස මහතා, විපක්ෂයේ කථිකයා වැඩි වෙලාවක් ගත්තා. පේ‍්‍රමදාස මහතා ගේ හොඳ දේවල් සහ කතාව රසවත් නිසා කවුරුත් කතාවට බාධා කෙළේ නෑ.
මර්වින් සිල්වා මහතා - අපේ ප‍්‍රධාන සංවිධායකතුමාට කවුද බාධා කරන්නේ.
දිනේෂ් ගුණවර්ධන මහතා - හම්බන්තොට නගරය විසල් ලෙස දියුණු වෙනවා. ගුවන්තොටුපොළ, වරාය, විසල් නගරය, දුම්රියපොළ මේ ආකාරයට සංවර්ධනය වෙනවා. මේවා නොදැක චෝදනා කරන්න එපා. හම්බන්තොට නව නගර වැඩ කටයුතු ඉදිරි වසරේ දී අවසන් වෙනවා.
කොළඹ නගරයෙන් ජයවර්ධනපුර නගරයට සියලු ම රජයේ පරිපාලන කටයුතුª ගෙන එනවා. ඇමැතිවරයා ලෙස අවබෝධයෙන් යුතුවයි මම කටයුතු කරන්නේ.
වැය ශීර්ෂ සම්මත විය.
ජනතාව එක මතයකට, එක තැනකට කවුරුන් හෝ ගෙන ආ යුතුයි
ඇමැති අනුර පි‍්‍රයදර්ශන යාපා
ත‍්‍රස්තවාදයට එරෙහි අරගලය හැමදාම පසුපසට ගියේ පවත්නා ආණ්ඩු ගන්නා මත එයට එක්කිරීමට නොයාම නිසයි. එක් එක් මාධ්‍ය නොයෙක් දෘෂ්ටි කෝණයෙන් බැලුවා. එහෙත් අද ඒ පිළිබඳව මාධ්‍යය එක් තැනකට මතයකට ගේන්න හැකිවුණා. අද කිලිනොච්චිය ආසන්නයටම ආරක්ෂක හමුදා පැමිණ තිබෙනවා. ඉන්දියාවේ සිදුවු දේ දුටුවාද? රජයක් හෝ කවුරුන් හෝ ජනතාව එක තැනකට මතයකට ගෙනා යුතුයැයි තොරතුරු හා ජනමාධ්‍ය ඇමැති අනුර පි‍්‍රයදර්ශන යාපා මහතා පාර්ලිමේන්තුවේදී පැවැසීය.
ගාල්ල දිස්ති‍්‍රක් මන්තී‍්‍ර ගයන්ත කරුණාතිලක මහතා (එ.ජා.ප.) - අමාත්‍යංශයේ මූලධන වියදම්වලින් රුපියල් 10 ක මුදලක් කපා හැරීමට යෝජනා කරනවා. රාජ්‍ය මාධ්‍ය චේතිය රජු ගේ පාලන කාලයේ දී කි‍්‍රයා කළ ආකාරයටයි කටයුතු කරන්නේ.
(නියෝජ්‍ය කාරක සභා සභාපති රාමලිංගම් චන්ද්‍රසේකරන් මහතා මූලාසනයට පැමිණියේය.)
කරුණාතිලක මහතා - බලයට ඒමට පෙර ජනතාවට සත්‍ය තොරතුරු දැනගැනීමේ අයිතිය ගැන කතා කරන අයට බලයට පත් වුණාට පසු මේ බව අමතක වෙනවා.
මර්වින් සිල්වා මහතා - මේ හැම දෙයක්ම තමුන්නාන්සේලාගේ කාලයේ දී සිදුවුණා.
කරුණාතිලක මහතා - විද්‍යුත් මාධ්‍යයන්ට එරෙහිව ගෙන ආ නව රෙගුලාසි කොහොමද? මාධ්‍ය සංවිධාන 11 ක් මේවාට එරෙහි ව උසාවි ගොස් තිබෙනවා.
රාජ්‍ය මාධ්‍ය නිර්දේශ පාලනීකරණය කරන බව මැතිවරණ ප‍්‍රතිපත්ති ප‍්‍රකාශයේ සඳහන් වුණා.
මාධ්‍යවේදීන් සඳහා සමාජ ආරක්ෂණ ප‍්‍රතිලාභ ක‍්‍රමයක් යෝජනා වී තිබෙනවා. මේ සඳහා මාධ්‍යවේදීන්ගෙන් යම් දායක මුදලක් අය කිරීමට යනවා. මේ මාධ්‍යවේදීන් ගේ දායක විශ‍්‍රාම වැටුප සම්බන්ධයෙන් පවතින ප‍්‍රශ්නය විසඳන්න.
එදා පොදු සේවාවන් රැසක් සිදුකළ ලේක්හවුස් ආයතනයේ අද එම පොදු සේවාවන් සිදුවන්නේ නැහැ. සේවකයන් 700 ක් ස්වේච්ඡාවෙන් විශ‍්‍රාම යැවීමට කි‍්‍රයා කළා. ලේක්හවුස් ආයතනයේ සභාපතිවරයා නිර්මාණශීලී මාධ්‍යවේදියෙක්. ස්වර්ණවාහිනියේ ‘මුල් පිටුව’ නිර්මාණශීලී පුවත්පත් සිරස්තල වැඩසටහන ඇරැඹුවේ ඔහු. මේ නිර්මාණශීලී මාධ්‍යවේදියාම තමයි අද ලේක්හවුස් මුල්පුටුව හොබවන්නේ.
ස්වාධීන රූපවාහිනිය සහ ලක්හඬ රජයේ හොරණෑව බවට පත්වෙලා. විපක්ෂය සම්පූර්ණයෙන් කපලා දාලා. ස්වාධීන රූපවාහිනිය නමට පමණයි ස්වාධීන.
ජනමාධ්‍ය ඇමැති ලක්ෂ්මන් යාපා අබේවර්ධන මහතා - ගයන්ත කරුණාතිලක මන්තී‍්‍රවරයාගේ විවේචන හා ප‍්‍රකාශ අප හොඳින් සවන් දුන්නා. මුද්‍රණ සංස්ථාව මෙතෙක් කිසි ම දේශපාලන පෝස්ටරයක් ගහලා නැහැ. අධ්‍යාපනයට කලට වෙලාවට පෙළපොත් මුද්‍රණය කර දෙන ආයතනයක් බවට පත්වී තිබෙනවා.
හමුදා ආරක්ෂක නීතිරීතිවලට මාධ්‍ය පාලනය හසුවෙලා යැයි ඔහු කීවා. එදා ඉමිතියාස් බාකිර්මාකර් මාධ්‍ය ඇමැතිවරයාටත් මාධ්‍ය නිදහස තිබුණාද කියා ඔහුගෙන් අහන්න.
ප‍්‍රජාතන්ත‍්‍රවාදය හා මාධ්‍ය නිදහස එකම කාසියක දෙපැත්ත වගෙයි. රටේ දශක තුනක් තිස්සේ යුද්ධයක් තිබෙනවා. ප‍්‍රජාතන්ත‍්‍රවාදී පාලනයක් තිබෙනවා. ලොව දරුණුම ත‍්‍රස්තවාදීන්ට අප මුහුණ දෙනවා. එවැනි අවස්ථාවක ප‍්‍රජාතන්ත‍්‍රවාදී නිදහස රැක ගැනීමට සිදුවෙනවා විය හැකියි. ප‍්‍රශ්න ඇති වූ අය අතරින් මාධ්‍යවේදීන් 14 දෙනෙක් පමණයි පැමිණිලිකර තිබෙන්නේ. සමහරුන්ට සාක්කි දෙන්න කවුරුත් නැහැ. ජංගම දුරකථන තර්ජන ගැන එම දුරකථන කුලුනු මඟින් හොයනවා. නිවාස දුරකථනවලට තිබූ තර්ජන ගැනත් හොයනවා.
ජනාධිපතිවරයා ගේ පවුලට, සහෝදරයන් ගැන පිටු ගණන් ලියන්න අද නිදහස තිබෙනවා. මේවාගේ වකවානුවක අප රජයක් හැටියට කි‍්‍රයා කළා.
ලක්හඬ හා ස්වාධීන රූපවාහිනිය මිලියන 875 ක ආදායමක් ලබා තිබෙනවා. සභාපතිවරයා රාතී‍්‍ර දහය වනතුරු ආයතනයේ ඉන්නවා. ඔහු ආයතනය දියුණුවට පත්කළ හැටි බලන්න. මහජනතාව රටේ ආයතන ප‍්‍රතික්ෂේප කර තිබෙනවාද බලන්න. මෙහි ප‍්‍රවෘත්ති රේට්න්ජස් අතර පළමු තැනට පත්වෙලා. ඒ වගේම නාට්‍ය පළමු තැන අරගත්තා. සියයට 34 නරඹන බවට වාර්තා තිබෙනවා. ස්වාධීන රූපවාහිනිය ළඟදීම දෙමළ රූපවාහිනි නාලිකාවක් පටන් ගන්නවා.
විධ රජයන් යටතේ සේවකයන් බඳවා ගත්තා. මේ ආයතනයේ උවමනාවට වඩා සේවකයන් ඉන්නවා. අයින් කරන්න බැහැ. ප‍්‍රතිව්‍යුහගත කිරීමේදී සේවකයන් අයින් නොකර සන්තෝෂයෙන් යැවීමට ක‍්‍රම හදන්න ඕනෑ. ඒ සඳහා භාණ්ඩාගාරයෙන් මුදල් නොගෙන කටයුතු කිරීමට ලේක්හවුසියට පුළුවන් වුණා.
ගයන්ත මන්තී‍්‍රතුමා කියූ ආකාරයට කන්ටේනර් වලින් පාඩු වී නැහැ. මේ තොරතුරු දෙන්නෙ සමහර වෘත්තීය සමිතියි. සමහර වෘත්තීය සමිති, සභාපතිතුමා ටිකක් තදින් හිටියාම බලන්නෙ පාර්ලිමේන්තුවට කියන්නයි.
කොළඹ දිස්ති‍්‍රක් මන්තී‍්‍ර සුනිල් හඳුන්නෙත්ති මහතා (ජවිපෙ) - ජනතාවට ඇත්ත දැනගැනීමට තිබෙන අයිතිය ආරක්ෂා කිරීමටයි මාධ්‍යය තිබෙන්නෙ. මාධ්‍යවේදීන්ට තමන් දකින දේ ලිවීමට කීමට ඇති අයිතිය ආරක්ෂා කිරීම මාධ්‍ය නිදහසයි.
අනුර යාපා මහතා - ඔබ කියන කරුණ සත්‍ය නෙවෙයි. අදාළ ලියකියවිලි නොමැති වීම නිසා යම් ගැටලුවක් තිබෙනවා.
හඳුන්නෙත්ති මහතා - ජාතික රූපවාහිනිය කියන්නේ රටට තොරතුරු හෙළි කළ යුතු ආයතනයක්. චැනල් අයි නේත‍්‍රා යටතේ පාලනය වෙනවා.
අනුර යාපා මහතා - ප‍්‍රවෘත්ති දෙපාර්තමේන්තුවේ අය ගැන සොයන්නට කමිටුවක් පත්කර තිබෙනවා. ඒ අය වෙනුවෙන් අපි කටයුතු කරනවා.
හඳුන්නෙත්ති මහතා - පාර්ලිමේන්තු මාධ්‍යවේදීන් ගැටලු රැසකට මුහුණ දෙනවා. පාර්ලිමේන්තුවේ හඬ රටට ගෙන යන්නෙ ඒ අය. ඒ අය පාර්ලිමේන්තු මාධ්‍යවේදීන් බව සඳහන් හැඳුනුම් පතක් ලබා දෙන්න.
වරාය සංවර්ධන ඇමැති ඩිලාන් පෙරේරා මහතා - ගයන්තගේ කතාව වටා පදනම් වුණේ ද්වේෂය. රිචඩ් සොයිසා මැරුවේ එජාප කාලේ. යූනුස්ගේ කට කැපුවේ එජාප කාලේ. නිළියකට අපහාස කළා කියලා මාධ්‍යවේදියෙකුට පහර දුන්නේ එජාප කාලේ. ඒ වගේම හැම රජයක් කාලෙම මාධ්‍යවේදීන්ට අසාධාරණ සිදු වී තිබෙනවා.
රාජ්‍ය මාධ්‍ය මතය ගෙන යන මාධ්‍යවේදීන්ට ඒ ආකාරයට කටයුතු නොකළොත් ඒ අයටත් ප‍්‍රශ්න ඇති වෙනවා. පෞද්ගලික මුදලාලිලාගෙ කොන්ත‍්‍රාත් යටතේ වැඩ කරන මාධ්‍යවේදියා වැඩ කළේ නැත්නම් ඒ අයටත් ප‍්‍රශ්න. මම සුදනා නොවී මේ සත්‍යයට අපට මුහුණ දීමට සිදුවෙනවා. ඒ වගේම මාධ්‍යවේදියාට ඇතිවන මේ ගැටළුකාරී තත්ත්වයන්ගෙන් මිදීමේ මඟක් තමයි සෙවිය යුත්තේ. එක් එක් ආයතනවල අභිමත පරිදි වැඩකරන මාධ්‍යවේදියනට තම ආයතනයේ මතය නියෝජනය කරන්නට සිදුවෙනවා. සිදුවිය යුත්තේ ඒ අභිමත වලින් මිදී මාධ්‍යවේදියාට ස්වාධීනව නැගිටීමට අවස්ථාව ලබාදීමයි.
එදා ලේක්හවුස් සභාපති නලින් ලද්දුවහෙට්ටි මහත්තයාට විරුද්ධ ව පිකට් කෙළේ මංගල සමරවීර මහත්තය ඇතුළු අපියි. එදා මාධ්‍ය මාෆියාවක් තිබෙන බව කිව්වේ කවුද? මංගල සමරවීර මහත්තයානේ. එදා මංගල වැරැදියි. ඒත් අද හරි.
ජාතික රූපවාහිනිය කියන්නේ ජාතික රූපවාහිනිය. ගංගානාත් මහතාගේ කාලේ ප‍්‍රවෘත්ති කිව්වේ නිවේදිකාවන්ගෙ කකුල්. වැඩිපුර පෙන්නුවෙ කට නෙවෙයි කකුල්. ඒ නිසා විවේචන ඉදිරිපත් කරන්න කමක් නෑ. එහෙත් සාධාරණ ලෙස විවේචන කරන්න.
(කෑගල්ල දිස්ති‍්‍රක් මන්තී‍්‍ර ලලිත් දිසානායක මහතා මූලාසනයට පැමිණියේය)
ආචාර්ය ඇතුගල කියන්නේ රට පිළිගත්ත මිනිසෙක්. ඔහු ගේ අදහස් සමඟ ගැටුම් අපට තිබෙන්න පුළුවන්. එහෙත් වැඩේ හරියට කරනව නම් ඒ ඇති. බන්දුල පද්මකුමාර ස්වර්ණවාහිනියෙ වැඩ කරනකොට හොඳයි. ලේක්හවුස් එකේ වැඩ කරන කොට හොඳයි.
ත්මන් මාධ්‍ය ඇමැතිවරුන් මාධ්‍යවේදීන් සමඟ නිවැරැදිව ගනුදෙනු කරනවා. ඔවුන් ගේ ගැටලු හඳුනාගෙන තිබෙනවා. අපට අවශ්‍ය ගිනි තියන මාධ්‍යයක් නෙවෙයි ගිනි නිවන මාධ්‍යයක්.
යාපනය දිස්ති‍්‍රක් මන්තී‍්‍ර පී. අරියනේත‍්‍රන් මහතා (ද්‍ර.ජා.ස.) - මේ වෙනකොට මාධ්‍ය ඝාතනයක් ද කි‍්‍රයාත්මක වෙනවා. ගයන්ත කරුණාතිලක මහතා රජයට චෝදනා කරනවා. රජය එජාපයට චෝදනා කරනවා. අපි මාධ්‍ය නිදහසට ගරු කළ යුතුයි.
කම්කරු ඇමැති ආචාර්ය මර්වින් සිල්වා මහතා - ‘යෙලෝ ජර්නලිසම්’ කියලා දෙයක් අමෙරිකාවේ තිබුණා. විපක්ෂයටත් ඕන මේ යෙලෝ ජර්නිලිසම්. ජනාධිපතිවරයා නිතරම මාධ්‍යවේදීන් සමඟ සමීප ව කටයුතු කරනවා. කුමාරසිරි හෙට්ටිගේ කියන්නේ ලංකාදීපයේ හිටපු මාධ්‍යවේදියෙක්. ඔහු ජනාධිපතිවරයාගේ පාර්ලිමේන්තු සම්බන්ධීකරණ ලේකම් තනතුරට පත් කර ගත්තේ මාධ්‍යවේදීන්ට සැලකීමටයි. ස්වාධීන රූපවාහිනියේ සභාපති තනතුරට පත් කෙළේ මාධ්‍යවේදියෙක්.
එක මාධ්‍ය ආයතනයක් හැර අනෙක් සියලු මාධ්‍ය ගැන මා සතුටු වෙනවා.
මොණරාගල දිස්ති‍්‍රක් මන්තී‍්‍ර පද්ම උදය ශාන්ත ගුණසේකර මහතා (ජානිපෙ) - බටහිර මාධ්‍ය අපේ රට පිළිබඳ වැරැදි චිත‍්‍රයක් ගොඩ නගමින් සිටිනවා. ප‍්‍රභාකරන්ගේ සිහින මාළිගාව බිඳ දැමීමට වීරෝදාර හමුදාව ජීවිත පරිත්‍යාගයෙන් කටයුතු කරනවා. ලංකාව පිළිබඳ ගොඩනගන මේ වැරැදි චිත‍්‍රය නිවැරැදි කිරීමට අපේ රටේ බොහෝ මාධ්‍ය කැප වී සිටිනවා. මාධ්‍යවේදීන් ජීවිත පරිත්‍යාගයෙන් යුද බිමට ගොස් එහි ඇති සැබෑ ස්වභාවය රටට ගෙන යනවා. මේ පිළිබඳ ඔවුන්ට අප ප‍්‍රශංසා කළයුතුයි.
කොළඹ දිස්ති‍්‍රක් මන්තී‍්‍ර කොටපොල අමරකිත්ති හිමියන් (ජාහෙඋ) - සමහර මාධ්‍ය ආයතන අපේ රටේ සියලු සංස්කෘතික සීමාවන් ඉක්මවා යනවා. මාධ්‍ය මඟින් ප‍්‍රචාරය වන ඇතැම් වැඩසටහන් නිසා පවුල් සංස්ථාව දෙදරා ගොසින්. මිනිසාගේ මනෝ භාවයට අනුව නිතර දකින අසන දෙය ජීවිතවලට බලපානවා. මනුෂ්‍ය ජීවිතවලට මෙතරම් බලපෑම් කරමින් සමාජ පාදඩකරණය කරන මාධ්‍ය තහනම් කිරීමට රජය කටයුතු කළ යුතුයි.
(නියෝජ්‍ය කතානායක පියංකර ජයරත්න මහතා මුලසුනට පැමිණියේය.)
කුරුණෑගල දිස්ති‍්‍රක් මන්තී‍්‍ර දයාසිරි ජයසේකර මහතා (එජාප) - ජනමාධ්‍ය ඇමැතිවරයා සමඟ අපට කිසි ප‍්‍රශ්නයක් නැහැ. ඔහුගේ ප‍්‍රතිපත්ති සමඟ අපට ප‍්‍රශ්නයක් නැහැ. එහෙත් වැඩ කටයුතුවලදී ඔහුට ප‍්‍රශ්න තිබෙනවා. ජනාධිපති ක‍්‍රමය තිබෙන තාක් කල් සෑම ජනමාධ්‍ය ඇමැතිවරයකුටම සිදුවන්නේ එයයි.
අනුර පි‍්‍රයදර්ශන යාපා මහතා - ඔය ඔබතුමාම හිතාගත්ත අදහසක් නේ !
ජයසේකර මහතා - ලෝකයේ තිබෙනවා බැලන්කෝකි ඔපෙක්ට් කියා දෙයක්. හිරු නාලිකාව පෑන් පහරින් නැවැත්තුවා.
කාරක සභා නියෝජ්‍ය සභාපති රාමලිංගම් චන්ද්‍රසේකරන් මහතා - චැනල් අයි ඇතුළු දෙමළ මාධ්‍ය නාලිකාවල විශාල අඩුපාඩු තිබෙනවා.
තොරතුරු හා ජනමාධ්‍ය ඇමැති අනුර පි‍්‍රයදර්ශන යාපා මහතා - එජාපය අවසන් කළ තැන පටන් මේ වන විට පෞද්ගලික මාධ්‍යයේ විශාල වර්ධනයක් තිබෙනවා. එහෙත් රාජ්‍ය මාධ්‍යය ප‍්‍රමුඛ පෙළේ කාර්යයක් ඉටුකරනවා. මාධ්‍යයට දේශපාලනයක් තිබෙනවා. එය අප රටේ පමණක් නොව ලොව කොයි රටෙත් තිබෙනවා. මාධ්‍ය හිමිකාරීත්වයේ දේශපාලන මතය අනුවයි එය සිදුවෙන්නේ. රාජ්‍ය මාධ්‍ය ගැන අප කතා කරනවා. එසේ නොකළොත් මාධ්‍ය කාර්යය බිංදුවට වැටෙනවා.
විද්‍යුත් මාධ්‍ය සඳහා දැනට තිබෙන්නේ තාවකාලික බලපත‍්‍රයි. ඒවා ස්ථිර බලපත් බවට පත්කළ යුතුයි. රාජකාරි ස්වරූපය නීති ගත කරනවා නම් එහිදී මාධ්‍ය නිදහසට තර්ජනයක් යැයි කියනවා.
කිසියම් හෝ ප‍්‍රතිසංස්කරණයක් ගෙනාවා නම් එය මාධ්‍ය මර්දනයක් යැයි කියනවා. පාර්ලිමේන්තු මාධ්‍යවේදීන් ගෙන බලමු. ඒ හැම දෙනා සමඟ අප සුහදයි. ඔවුන් නිදහසේ ලියනවා. අපෙන් බලපෑමක් නැහැ. අපේ මිත‍්‍රයෝ.
පාර්ලිමේන්තු මාධ්‍යවේදීන් ඉතා විශාල සේවයක් ඉටුකරනවා. ඔවුන් සිදුකරන සේවය පැසසිය යුතුයි.
වැය ශීර්ෂ සම්මත විය. පාර්ලිමේන්තුව අද (28) පෙරවරු 9.30 ට රැස්වේ.