මහින්ද කුලතුංග සහ චන්ද්‍රිකා පෙරේරා
මාන්කුලමට නැඟෙනහිර දෙසින් පිහිටි මුලතිව් දිස්ති‍්‍රක්කයේ ඕලුමඩු නගරය ආරක්ෂක හමුදාවෝ ඊයේ (25) සවස් වනවිට අත්පත් කරගත්හ.
යුද හමුදාවේ 3 වැනි විශේෂ කාර්ය බළකාය ඕලුමඩු ප‍්‍රදේශය අත්පත් කරගත් බව ආරක්ෂක අමාත්‍යාංශය සඳහන් කෙළේය.
ඕලුමඩු නගරය මාන්කුලම් මුලතිව් ඒ 34 මාර්ගයේ මාන්කුලමට කිලෝමීටර් 4 ක් දුරින් පිහිටා තිබේ.
පසුගිය දින කීපයේ දී යුද හමුදා විශේෂ කාර්ය බළකා 3 වැනි බළකාය විසින් ත‍්‍රස්තවාදීන්ට එල්ල කළ දැවැන්ත ප‍්‍රහාරවලින් අනතුරුව ඊයේ දහවල් වනවිට ත‍්‍රස්තවාදීන් එම ප‍්‍ර‍්‍රදේශය අතහැර පලාගොස් තිබේ.
මේ ඕලුමඩු නගරය අත්පත් කර ගැනීමේ සටනේදී ත‍්‍රස්තවාදීන්ට බරපතල හානි සිදුවී ඇති අතර එම ප‍්‍රදේශයේ ත‍්‍රස්තවාදීන්ගේ යුද අගල්, පස් බැම් සහ බංකර රැසක් තිබී ඇති බවත් ආරක්ෂක වාර්තා සඳහන් කරයි.
මේ අතර ඕමන්ත සීමා මුරපොළ සම්පූර්ණයෙන්ම අතහැර දමා ඇති ත‍්‍රස්තවාදීන් ඔඩ්ඩුසුඩාන් දෙසට පසු බැස තිබේ.
ඊයේ සවස් වනවිටත් ආරක්ෂක හමුදාවෝ ඕලුමඩ ප‍්‍රදේශයේ තවදුරටත් මෙහෙයුම්වල නිරතවෙමින් සිටියහ.
Subscribe to:
Post Comments (Atom)
No comments:
Post a Comment