ත‍්‍රස්තවාදය අනිවාර්යයෙන්ම පරාජය කළ යුතුයි. එහි ගෞරවය ජනපතිතුමන්ට, ආරක්ෂක ලේකම්ට හා හමුදාපතිවරයාට ලබාදෙන්න අපි සූදානම්.
ප‍්‍රභාකරන් ඝාතනය කරලා ඔහුගේ හිස අරගෙන අපේ රණවිරුවෝ එද්දී අපි සතුටුවිය යුතු යැයි එජාප ජාතික සංවිධායක ලේකම් එස්. බී. දිසානායක මහතා කීය.
ඡන්ද ගණනාවක් පැරැදිලා එජාපය අද ඉන්නේ බෙල්ල ගාවටම එරිලයි. පතුලට වැටුණු ළිං කටින්ම අපි ගොඩ ආ යුතුයි. වාද බේද කෙනෙහලිකම් නතර කරලා පක්ෂය ගොඩගන්න එකතුවෙලා වැඩ කළ යුතුව තිබෙනවා.
එස්. බී. දිසානායක මහතා එසේ පැවැසුවේ පෙරේදා (23) කඩුගන්නාව නගරයේ පැවැති එජාප පාක්ෂික හමුවකදීය.
මෙවර මධ්‍යම පළාත් සභාවට එජාප මහ ඇමැති අපේක්ෂක ලෙස මා අනිවාර්යෙන්ම තරග කරනවා. දිගින් දිගටම මැතිවරණ පරාජය වීම තුළ පක්ෂයෙන් ඈත්ව සිටින පිරිස් අපි යළි පක්ෂය වෙත ළංකරගත යුතුයි.
ආණ්ඩුවට යන මේ රැල්ල එක තැනකින් කඩා ගත්තොත් ගඟ අපිට ආපසු හරවන්න පුළුවන්. මධ්‍යම පළාතේ සුළු ජාතික ඡන්දවලිනුත් 60% කට වඩා අපට ලබාගත හැකියි. මධ්‍යම පළාත් සභාව ජයගෙන ආණ්ඩුවේ ගමන් මඟ ආපස්සට හරවන්න ඕනෑ.
ජනපතිවරණයේදී මහින්ද දිනවලා අද ප‍්‍රභාකරන් ඉල්ලගෙන කනවා. ඒ ගැන අපි සතුටු වෙනවා. ත‍්‍රස්තවාදය පරාජය කිරීමෙන් පසු බලය විමධ්‍යගත කිරීම හරහා ස්ථිර සාමයක් රට තුළ ඇති කිරීමට රජය පියවර ගත යුතුයි.
මෙම අවස්ථාවට එජාප මහනුවර දිස්ති‍්‍රක් පාර්ලිමේන්තු මන්තී‍්‍ර ලක්ෂ්මන් කිරිඇල්ල මහතාද සහභාගි විය.
Subscribe to:
Post Comments (Atom)
No comments:
Post a Comment