නවදිල්ලිය (ඒ. පී)
ඉන්දියාවේ සංචාරයක නියැලී සිටින එංගලන්ත කි‍්‍රකට් කණ්ඩායම ඔවුන්ගේ සංචාරයේ ඉතිරි කොටස ඊයේ අවලංගු කළේය.අවම වශයෙන් පුද්ගලයන් 101 දෙනෙකුට මරු කැඳවමින් පෙරේදා මුම්බායි නගරයේ සිදු වූ ත‍්‍රස්තවාදී ප‍්‍රහාර හේතුවෙන් ඔවුන් මේ තීරණයට එළැඹ තිබේ.
එංගලන්තය පෙරේදා ඉන්දියාව වෙතින් පස්වැනි එක්දින පරාජය ලැබූ අතර තරගමාලාවේ තවත් තරග දෙකක් ඉතිරිව තිබිණි.
දෙසැම්බර් 2 වැනිදා එක්දින තරගමාලාව අවසන් වීමෙන් පසුව එංගලන්ත පිල ටෙස්ට් තරග දෙකකට සහභාගි වීමට නියමිතව සිටි අතර මින් දෙවැනි ටෙස්ට් තරගය පැවැත්වීමට නියමිතව තිබුනේ මුම්බායිහිදී ය.
ඉන්දියාවේ වාණිජ අග නගරය වන මුම්බායිහි තුවක්කුකරුවන් විසින් සිදු කරන ලද සැලසුම් සහගත ප‍්‍රහාරවලින් 101 ක් දෙනෙකු මිය ගිය අතර එවැනි ම ප‍්‍රමාණයක් තුවාල ලැබූහ.
ත‍්‍රස්තවාදීන් විසින් විදේශිකයන් ප‍්‍රාණ ඇපකරුවන් ලෙස රඳවා ගෙන සිටිති. ඔවුන්ගේ ප‍්‍රහාරවලින් ගිනිගෙන දැවෙන එක් සුඛෝපභෝගී හෝටලයක් වන ටජ් මහල් පැලස් හෝටලය මුම්බායි හි අන්තර්ජාතික කි‍්‍රකට් තරග පැවැත්වෙද්දී කි‍්‍රකට් කණ්ඩායම් නැවතී සිටින හෝටලයකි.
එංගලන්ත කණ්ඩායම මේ මස මුල දී සංචාරය ආරම්භයේ දී සතියක කාලයක් ඒ හෝටලයේ රැඳී සිටි අතර දෙවැනි ටෙස්ට් තරගය ආරම්භ වීමට තෙදිනකට පෙර දෙසැම්බර් 16 වැනිදා ඔවුන් යළි ඒ හෝටලයට පැමිණීමට නියමිතව සිටියේ ය.
චැම්පියන්ස් කුසලාන තරගාවලිය සඳහා පැමිණෙන එංගලන්ත ප‍්‍රාන්ත කණ්ඩායම වන මිඩ්ල්සෙක්ස් පිල ද නැවතීමට නියමිතව තිබුනේ ටජ් මහල් පැලස් හෝටලයේ ය.
මේ ත‍්‍රස්ත ප‍්‍රහාර නිසා දෙසාම්බර් 3 වැනිදා ආරම්භ වීමට නියමිතව තිබූ ඒ මංගල චැම්පියන්ස් ලීග් ඕවර විස්සයි 20 තරගාවලිය ද අවිනිශ්චිත තත්ත්වයකට පත්ව තිබේ.
මේ තරගාවලියේ තරග තුනක් මුම්බායිහි පැවැත්වීමට සැලසුම් කර තිබිණි.ඒ තරගාවලියට සහභාගි වන කණ්ඩායම් අටෙන් එකක් වන මිඩ්ල්සෙක්ස් පිල මුම්බායි බලා පිටත්වීම ප‍්‍රමාද කර ඇති අතර ඔස්ටේ‍්‍රලියා කි‍්‍රකට් මණ්ඩලය වික්ටෝරියා හා බටහිර ඔස්ටේ‍්‍රලියා කණ්ඩායම් ඉන්දියාවට යාම නවතා තිබේ.
Subscribe to:
Post Comments (Atom)
No comments:
Post a Comment