මහින්ද කුලතුංග හා භක්ති ධර්මප‍්‍රිය මෙන්ඩිස්
එල්. ටී. ටී. ඊ මුහුදු කොටි නායක “සුසෙයි” ගැවසෙන ප‍්‍රධාන මුහුදු කොටි මෙහෙයුම් මධ්‍යස්ථානයකට ගුවන් හමුදාවේ ප‍්‍රහාරක ජෙට් යානා මඟින් ඊයේ (31) සවස ප‍්‍රබල ගුවන් ප‍්‍රහාරයක් එල්ල කර තිබේ.
කිලිනොච්චියේ ජයනගර් ප‍්‍රදේශයේ පිහිටි මෙම ස්ථානයට ඊයේ සවස 2.25 ට පමණ ප‍්‍රහාරය එල්ල කළ බව ගුවන් හමුදා මාධ්‍ය ප‍්‍රකාශක වින්ග් කමාන්ඩර් ජනක නානායක්කාර කීය.
මෙම ප‍්‍රහාරය ඉතාමත් සාර්ථකව සිදුකළ බව ප‍්‍රහාරයට සහභාගිවු ගුවන් නියමුවන් සනාථකර ඇති බවත් ඒ මහතා පැවසීය. ගොඩබිම් බුද්ධි තොරතුරු වාර්තාවලට අනුව සුසෙයි නිතර යන එන ගැවසෙන එම ස්ථානය නිශ්චය කර ප‍්‍රහාරය සිදුකර තිබේ.
මුහුදු කොටි නායක සුසෙයි අරමුණු කරගෙන ගුවන් හමුදාව එල්ලකළ ප‍්‍රථම ප‍්‍රහාරය මෙය වන අතර සුසෙයි ප‍්‍රහාරය අවස්ථාවේ එහි සිටියානම් බොහෝදුරට ඔහු මියයන්නට ඇතැයි ආරක්ෂක අංශ විශ්වාසය පළකරයි.
Subscribe to:
Post Comments (Atom)
No comments:
Post a Comment