දෙමළ ත‍්‍රස්තවාදී සංවිධානයට ද්‍රව්‍යමය ආධාර සැපයූ බවට වැරදිකරු වූ සිංගප්පූරු ජාතික හනීෆා බින් ඔස්මාන් නැමැත්තාට මාස තිස් හතක සිරදඬුවමක් නියම වූ බව එක්සත් ජනපද රජයේ නීතිඥ රොඩ් ජේ. රෝසෙන්ස්ටීන් ප‍්‍රකාශ කරයි.
නීතිවිරෝධී ලෙස අවි ආයුධ, ග්‍රෙනේඩ් ලෝන්චර්ස්, රාති‍්‍රයට යොදාගන්නා උපකරණ, ගුවන් නාශක මිසයිල්, පුද්ගලයන් රහිත ගුවන් යානා ආදී ද්‍රව්‍යමය ආධාර කොටි සංවිධානයට සැපයීමට ඔස්මාන් නැමැත්තා වෙනත් අය සමඟ වසර තුනක් තිස්සේ කුමන්ත‍්‍රණය කළ බව රාජ්‍ය නීතිඥයා ප‍්‍රකාශ කරයි.
තමා දෙමළ කොටියකු නොවන බව පැවසූ ඔස්මාන් තමා කොටින්ට අවි ලබාගැනීමට උදව් කළ බවත් කියා තිබේ. ප‍්‍රථම අවි තොගය දෙමළ කොටි සංවිධානයට යැවූ බව කියන ඔස්මාන් දෙවැනි තොගය ඇමෙරිකා ඩොලර් මිලියන 15 ක් වන බවද පවසයි.
මේ අතර ශී‍්‍ර ලාංකිකයකු වන 38 හැවිරිදි තිරුවානකරසු වර්ණරාසා නමැත්තකුට අවි ජාවාරමට වැරදිකරු කොට මාස 37 ක සිරදඬුවමක් නියම කොට ඇත.
සුබන්දී නමැති 71 හැවිරිදි ඉන්දුනීසියානු ජාතිකයකු සහ වොටූලෝ නමැති 60 හැවිරිදි ඉන්දුනීසියානු ජාතිකයකුට මාස තිහක සිරදඬුවමක් නියම විය.
Subscribe to:
Post Comments (Atom)
No comments:
Post a Comment