2009 ලෝක කුසලාන රගර් සෙවන්ස් තරගාවලියට ආසියාවෙන් සුදුසුකම් ලබා ගැනීමේ අදිටනින් ශී‍්‍ර ලංකා රගර් කී‍්‍රඩකයෝ අද ශී‍්‍ර ලන්කන් ගුවන් සේවයට අයත් යානයකින් හොංකොං බලා පිටත්ව යති.
ප‍්‍රදීප් ලියනගේ නායකත්වය දරන ශී‍්‍ර ලංකා කණ්ඩායමට අමතරව ජපානය, කොරියාව, හොංකොං, චීනය, කසකස්තානය, චීන තායිපේ, මැලේසියාව, තායිලන්තය, සිංගප්පූරුව, ගුවාම් හා ඉන්දියාව යන රටවල් ද මෙම ආසියානු සුදුසුකම් ලබා ගැනීමේ තරගාවලියට සහභාගි වෙති.
මෙම තරගාවලියේ ඉහළටම පිවිසෙන කණ්ඩායම් දෙක 2009 වසරේ ඩුබායිහි පැවැත්වෙන ලෝක කුසලාන රගර් සෙවන්ස් තරගාවලියේදී ආසියාව නියෝජනය කරනු ඇත. ජාත්‍යන්තර රගර් මණ්ඩලයේ (ධ්අඕ) ආසියානු ශ්‍රේණිගත කිරීම්වලට අනුව ශී‍්‍ර ලංකාව සිටින්නේ මලයාසියාවට පිටුපසින් හයවැනි ස්ථානයේය.
2006 ආසියානු කී‍්‍රඩා රගර් සෙවන්ස් සූරයින් වන ජපානය හා අනුසූරයින් වන කොරියාව පිළිවෙළින් අංක 1 හා 2 ස්ථානවල සිටින අතර සත්කාරක රට වන හොංකොං 3 වැනි ස්ථානයේ පසුවේ. ආසියානු කී‍්‍රඩා ලෝකඩ පදක්කම්ලාභී චීනය 4 වැනියට ශ්‍රේණිගත සිටී. චීන තායිපේ, කසකස්තානය, තායිලන්තය, සිංගප්පූරුව, ඉන්දියාව හා ගුවාම් පිළිවෙළින් අංක 7 සිට 12 දක්වා ශ්‍රේණිගතව සිටිති.
ජාත්‍යන්තර රගර් මණ්ඩලය විසින් මෙම ශ්‍රේණිගත කිරීම් සිදුකොට ඇත්තේ ඩෝහා හිදී පැවැති 2006 ආසියානු කී‍්‍රඩා රගර් සෙවන්ස් තරගාවලියේ සිට මේ දක්වා පැවැති ජාත්‍යන්තර හා කලාප සෙවන්ස් තරගාවලියන්හි ප‍්‍රතිඵල පදනම් කරගෙනය.
හොංකොං සෙවන්ස් හා පසුගියදා නිත්තවෙලදී පැවැති සිංගර් - ශී‍්‍ර ලන්කන් ගුවන්සේවා සෙවන්ස් ඇතුළත් ජාත්‍යන්තර රගර් මණ්ඩල සෙවන්ස් ලෝක තරගමාලාවන් (ධ්අඕ ඉඡ්ඍඡ්ව්ඉ එර්‍ණඅඹ්ච් ඉඡ්අධ්ඡ්ඉ) මෙම ශ්‍රේණිගත කිරීම්වලට ලක්වූ අනෙකුත් ඉසව් වෙති.
ශී‍්‍ර ලංකාව හොංකොං හි පැවැත්වෙන ආසියානු සුදුසුකම් ලබා ගැනීමේ තරගාවලියේ අයත්ව සිටින්නේ ‘සී’ කොටසටය. හොංකොං සහ ඉන්දියාව එම කොටසට අයත් අනෙකුත් කණ්ඩායම් වෙති.
ශී‍්‍ර ලංකා කණ්ඩායාමේ විශේෂත්වය වනුයේ කී‍්‍රඩකයන් පස් දෙනෙකුම ඉසිපතන විදුහලෙන් බිහිවූවන් වීමය. අශාන් ද කොස්තා, ලසින්ත ද කොස්තා, චූලා සුසන්ත, සජිත් සාරංග හා දිනූක්ෂ චතුරංග එම කී‍්‍රඩකයෝ වෙති. මෙයින් සජිත් හා දිනුක්ෂ තවමත් පාසල් සිසුහු වෙති.
තරගාවලියේ කණ්ඩායම් අයත්ව සිටින කොටස් මෙසේය.
‘ඒ’ කොටස - ජපානය, කසකස්තානය, තායිලන්තය
‘බී’ කොටස - කොරියාව, චීන තායිපේ, සිංගප්පූරුව
‘සී’ කොටස - හොංකොං, ශී‍්‍ර ලංකාව, ඉන්දියාව
‘ඩී’ කොටස - චීනය, මැලේසියාව, ගුවාම්
කාන්තා තරගාවලිය
මේ අතර ආසියානු සෙවන්ස් හා ජාත්‍යන්තර රගර් මණ්ඩල ලෝක කුසලාන රගර් තරග බිමේ ප‍්‍රථම වතාවට පරිමි හා කාන්තා කණ්ඩායම් මෙවර හොංකොංහිදී රගර් වේදිකාව බෙදා ගනු ඇත.
පිරිමි තරගාවලියට සමගාමීව ආසියානු සුදුසුකම් ලබා ගැනීමේ කාන්තා තරගාවලියද පැවැත්වෙන අතර එච්. ඒ. සී. ලංකාර ගේ නායකත්වයෙන් යුතුව ශී‍්‍ර ලංකා කාන්තා රගර් කණ්ඩායමද ඊට සහභාගි වේ.
මෙම තරගාවලියේදී ශී‍්‍ර ලංකාව චීනය හා අරාබි ගල්ෆ් සමග ‘බී’ කොටසට අයත්ව සිටිති. කසකස්තානය, හොංකොං, සිංගප්පූරුව, ‘ඒ’ කොටසට ඇතුළත්ව සිටින අතර ජපානය, තායිලන්තය හා චීන තායිපේ ‘සී’ කොටසට ඇතුළත්ව සිටිති.
මෙම තරගාවලියේ ප‍්‍රථම ස්ථාන තුනට පත්වෙන කණ්ඩායම් තුන 2009 ලෝක කුසලාන රගර් සෙවන්ස් කාන්තා තරගාවලියේදී ආසියාව නියෝජනය කරනු ඇත.
තරගාවලියට සහභාගි වන කී‍්‍රඩක කී‍්‍රඩිකාවන් මෙසේය.
ශී‍්‍ර ලංකා පිරිමි කණ්ඩායම
ප‍්‍රදීප් ලියනගේ (නායක), වසීම් තජුඩීන්, අශේන් කර්තේලිස්, ඩිලංක විජේසේකර, සජිත් සාරංග, පූර්ණ දෙල්පචිත‍්‍ර, අම්ජාඩ් බක්ෂ්, අශාන් ද කොස්තා, ලසින්ත ද කොස්තා, මොහමඩ් ෂෙරීෆ්, චූලා සුසන්ත, දිනුක්ෂ චතුරංග, සාලිය කුමාර, කළමනාකරු - රොෂාන් ඩීන්, පුහුණුකරුවෝ - ඩාවි ස්නයිමන් හා නිශාන්ත චානක, භෞත චිකිත්සක නෝමන් ලේකර්.
ශී‍්‍ර ලංකා කාන්තා කණ්ඩායම
එච්. ඒ. පී. ලංකාර (නායිකා), එන්. එම්. නිලූෂා සඳමාලි, ඩබ්ලිව්. එම්. තනූජා ඩිල්රුක්‍ෂි, බී. ඉෂානි ද සිල්වා, එම්. සී. මයුරි, එම්. එම්. අයේෂා සෙව්වන්දි, ආර්. සන්දිකා කුමාරි, ආර්. කේ. ඒ. සන්දීපා සඳමාලි, ඩබ්ලිව්. ඩී. වික‍්‍රමරත්න, එන්. එම්. ප‍්‍රනාන්දු, ඩබ්ලිව්. එල්. රුක්ෂානි ආරියසේන, ආර්. ඒ. දිල්හානි. කළමනාකරු - ලුතිනන් කර්නල් ජී. ඹ්. ඩී. ගුණසේකර, පුහුණුකරු - හිෂාම් ආබ්ඩීන්.
Subscribe to:
Post Comments (Atom)
No comments:
Post a Comment