වවුනියාව උතුර සමූහ බන්දුල සෙනෙවිරත්න
ජයපුරම් ප‍්‍රදේශයේදී හමුදා ප‍්‍රහාර හමුවේ පලා ගිය මුහුදු කොටි සාමාජිකයන් අත්අඩංගුවට ගෙන ඔවුනට එරෙහිව දැඩි පියවර ගන්නා ලෙස එල්ටීටීඊ නායකත්වය නියෝග කොට ඇතැයි හමුදා බුද්ධි අංශ අනාවරණය කොටගෙන තිබේ.
දැඩි හමුදා ප‍්‍රහාර හමුවේ කිලිනොච්චි ජයපුරම් ප‍්‍රදේශය අතහැර මුහුදු කොටි සාමාජිකයන් 30ක් පමණ වෙරළ තීරය ඔස්සේ පුනරින් ප‍්‍රදේශයට පලාගොස් ඇති අතර මේ බව දැනගත් කොටි නායකත්වය ඔවුනට එරෙහිව කි‍්‍රයාකරන ලෙස නියෝග කොට ඇතැයි ද ඒ බව පණිවිඩ හුවමාරු මගින් අනාවරණය වූ බවද සඳහන් කරයි.
මේ අතර පෙරේදා (29) නාච්චිකුඩා උතුර හා දකුණු ප‍්‍රදේශවල ඇතිවූ ගැටුම් වලදී හමුදා ප‍්‍රහාරවලට මුහුණ දිය නොහැකි නිසා අතිරේක භට පිරිස් සටන් බිමට එවන ලෙස කොටි ඉල්ලා ඇතත් ඊට කොටි නායකත්වයෙන් සාර්ථක ප‍්‍රතිචාර ලැබී නැතැයිද වාර්තා වේ.
මෙම තත්ත්වය හමුවේ නාච්චිකුඩා යුද පෙරමුණේ සිටි කොටි නායකයන් හා කිලිනොච්චි කොටි නායකයින් අතර මත ගැටුම් හටගෙන ඇතැයිද පැවසේ.
Subscribe to:
Post Comments (Atom)
No comments:
Post a Comment