අසුවේ දශකයේ සිට අප රටේ පවතින ගැටුම්කාරී තත්වයන් නිසා ගැටුම්වලට ගොදුරුවී ඇති ප‍්‍රදේශවල ජනතාව කාලයක් තිස්සේ අවතැන් වෙමින් සිටිති.
තමන් උපන්, තමන්ගේම මාතෘ භූමියේ තම වාසස්ථාන හා ජීවිකා වෘත්තීන් අතහැර අඹු දරුවන් සමඟ මෙසේ අවතැන් වෙන පිරිස අත් විඳින වධ වේදනා අපමණය.
මව්බිම දෙකඩ කරන බෙදුම්වාදීන් විසින් යාපනයෙ සිටි සිංහල මුස්ලිම් ජනතාව ඉතා අමානුෂික ලෙස පළවා හැරීමේ සිද්ධියක් සමඟ මව්බිමේ ජන කොටසක් මෙසේ අවතැන්වීම ආරම්භ වී තිබේ.
එදා මෙදාතුර ශී‍්‍ර ලංකා භූමියේ තාවකාලික රැඳවුම් පොළවල සිට දහසකුත් එකක් ගැටලු මැද අභ්‍යන්තරව අවතැන්වී සිටින අපේම ජනකොටසකගේ කඳුළු කථාව සැබැවින්ම දුක්බරය.
කාලයක් තිස්සේ මෙසේ අවතැන්ව සිටින ජනතාව පිළිබඳව මානුෂීය මුහුනුවරකින්, ඔවුනට අවශ්‍ය පහසුකම් සලසාදීමට රජය උපරිම මට්ටමෙන් කි‍්‍රයා කරමින් සිටී.
රට දෙකඩ කිරීමේ ත‍්‍රස්තවාදි උවදුරින් නැඟෙනහිර මුදා ගත් රජය උතුරෙන්ද ත‍්‍රස්තවාදය පරාජය කැර ඒ පළාතේ ජනතාවට තමන් කැමති පිරිසක් තෝරා ගෙන සිවිල් පරිපාලනය තහවුරු කැර ගැනීමට අවශ්‍ය පියවරද ගනිමින් සිටී.
ත‍්‍රස්තවාදී කටයුතු පවතින සෑම රටකම මෙවැනි අභ්‍යන්තර අවතැන් වීම් සුලබව සිදු වෙන බව එක්සත් ජාතීන්ගේ සරණාගතයින් පිළිබඳ කොමසාරිස් මහාචාර්ය වෝල්ටර් තෙලීන් මහතා පවසයි.
ශී‍්‍ර ලංකා රජය අභ්‍යන්තරව අවතැන්වී සිටින පිරිසට අවශ්‍ය සහන සැලසීමට කි‍්‍රයාකරන ආකාරයද මහාචාර්ය වෝල්ටර් තෙලින් මහතාගේ විශේෂ පැසසුමට ලක්වී තිබේ.
නැඟෙනහිර පළාතෙන් ත‍්‍රස්තවාදය තුරන් කැර එහි සිවිල් පරිපාලනය තහවුරු කිරීමෙන් අනතුරුව උතුරේ ත‍්‍රස්තවාදය පරාජය කිරීමේ අරමුණින් මානුෂික මෙහෙයුම් දැනට ආරම්භ වී ඇත.
මෙම කි‍්‍රයාවලියේදී ත‍්‍රස්තවාදීන් උතුරේ ජනතාව සිය ආරක්ෂක පලිහ ;ලස භාවිත කරමින් සිටින අතර සාමාන්‍ය ජනතාවට ගැටුම් නොපවතින ප‍්‍රදේශවලට පැමිණෙන ලෙස රජය දැනුම් දී තිබේ.
ඒ සඳහා ආරක්ෂිත මාර්ගයක්ද විවෘත කළ රජය ඒ මාර්ගය ඔස්සේ මන්නාරම උතුරු කොටසේ සහ කිලිනොච්චියේ මෙන්ම මුලතිව් දිස්ති‍්‍රක්කයේන් සිවිල් ජනතාවට පැමිණෙන ලෙස දැනම් දී ඇත.
ගැටුම් පවතින ප‍්‍රදේශවල ජනතාවට රජය සපයන ආහාර ද්‍රව්‍ය හා අනෙකුත් අත්‍යවශ්‍ය ද්‍රව්‍ය අඛණ්ඩව සැපයීමට පියවර ගෙන තිබෙන අතර ජනාධිපති මහින්ද රාජපක්‍ෂ මහතාගේ විශේෂ නියෝගයක් මත ආහාර ටොන් 4700ක් වහාම උතුරට යැවීමටද රජය පසුගියදා පියවර ගත්තේය.
මෙම ආහාර තොගයෙන් ආහාර මෙටි‍්‍රක්ටොන් 2000ක් පමණ ප‍්‍රමාණයක් ඉතා කෙටිකලක් තුළ උතුරට යැවීමට හැකි වූ බව අත්‍යවශ්‍ය සේවා කොමසාරිස් ජනරාල් එස්. බී. දිවාරත්න මහතා පවසයි.
ගැටුම් පවතින ප‍්‍රදේශවලින් සාමාන්‍ය ජනතාවට ඉවත්වෙන ලෙස දැනුම් දීමෙන් පසුව ජනතාව ඒ සඳහා ඉහළ ප‍්‍රතිචාර දක්වමින් සිටින බවද අත්‍යවශ්‍ය සේවා කොමසාරිස් වරයා සඳහන් කරයි.
වවුනියාව කේන්ද්‍ර කැරගෙන ගැටුම් පවතින ප‍්‍රදේශවලින් පැමිණෙන ජනතාවට අවශ්‍ය තාවකාලික නැවතුම් පහසුකම් රජය විසින් සකස්කැර ඇති බවද දිවාරත්න මහතා කීවේය.
රජය විසින් කළ දැනුම්දීමට අනුව මන්නාරම උතුරේ ජනතාව සහ කිලිනොච්චියේ ගැටුම්පවතින ප‍්‍රදේශවල ජනතාව මේ වන විට තුනුක්කායි ප‍්‍රාදේශීය ලේකම් කොට්ඨාසය දක්වා පැමිණ සිටින බවත් අත්‍යවශ්‍ය සේවා කොමසාරිස් වරයා ප‍්‍රකාශ කෙළේය.
අත්‍යවශ්‍ය සේවා කොමසාරිස් ජනරාල් වරයා මෙසේද පැවැසීය.
නැඟෙනහිර මුදාගත් ආකාරයෙන්ම උතුරේ ත‍්‍රස්තවාදය පරාජය කිරීමේ යුද හමුදා කි‍්‍රයාමාර්ග රජය ආරම්භ කරලා තිබෙනවා.
නැඟෙනහිරදී මෙන්ම උතුරේදී ත‍්‍රස්තවාදීන් මහජනතාව ආරක්ෂක පලිහක් ලෙස යොදා ගනිමින් ඉන්නවා.
එල්. ටී.ටී. ඊ. ය විසින් රජයේ පාලනයට බාධා පමුණුවමින් තිබෙන ත‍්‍රස්තවාදීන්ගේ බලය වැඩි වශයෙන් පවතින කිලිනොච්චියට සහ මුලතිව් යන දිස්ති‍්‍රක්කවලටත් ජනතාවට අවශ්‍ය ආහාර ඇතුළු අත්‍යවශ්‍ය ද්‍රව්‍ය සපයනු ලබන්නේ රජය විසිනි.
මෙම ආහාර තොග එල්.ටී.ටී.ඊ. සංවිධානය විසින් ඔවුන්ගේ පරිහරණයට ගනිමින් සිටින බවට තොරතුරු ලැබෙනවා.
එහෙත් රජය දිගින් දිගටම ඒ පළාතේ සාමාන්‍ය ජනතාව වෙනුවෙන් කල්පනා කරලා, ආහාර හා අත්‍යවශ්‍ය ද්‍රව්‍ය සපයමින් ඉන්නවා.
ජනාධිපතිතුමාගේ නියෝගයක් අනුව ලෝක ආහාර සංවිධානයේ සහායෙන් ආහාර ටොන් 4700ක් උතුරට යැවීම අප ආරම්භ කළා.
මේ ආහාර තොග වව්නියාවට දැනට පැමිණෙමින් සිටින ජනතාවටත්, එමෙන්ම කිලිනොච්චි මුලතිව් යන දිස්ති‍්‍රක්කවල ජනතාවටත් ලබාදීමට කි‍්‍රයා කරනවා.
උතුරේ ජනතාව රජය කෙරෙහි දැඩි විශ්වාසයකින් පසුවෙන බව ඔවුන් අප සමග කීවා. එහෙත් එල්.ටී.ටී. ඊ. සංවිධානය ඔවුන් රජය සකස්කැර ඇති ගැටුම් නොපවතින ප‍්‍රදේශවලට පැමිණීම වලක්වමින් ඉන්නවා.
ජනතාව ඉවත්වුවහොත් එල්.ටී.ටී.ඊ. යට පැවැත්මක් නැහැ.
ඒ ප‍්‍රදේශවල සමහර රජයේ නිළධාරීන්ද සිවිල් ජනතාව එල්.ටී.ටී.ඊ යෙන් ඉවත්ව රජයේ වැඩ පිළළිවෙලට එකතු වෙනවාට අකමැත්තක් දක්වන බව පෙනෙන්ට තිබෙනවා.
එල්. ටී. ටී. ඊ සංවිධානය හා අනෙකුත් රජයේ වගකිව යුතු අය මේ ප‍්‍රදේශවල ලක්ෂ 2කට ආසන්න ජන ගහණයක් සිටින බවට පවසනවා. මේ සංඛ්‍යාව ලේඛණ ගැනත් සැකයක් පවතිනවා.
වාකරේ මුදා ගැනීමට පෙර එහි ජනගහණය 42000ක් සිටින බවට වාර්තා කැර අවශ්‍ය දේවල් රජයෙන් ලබාගත්තා. මුදා ගැනීමෙන් පසුව සිටියේ 15000යි. උතුරේත් තත්Àවය මේකයි.
එල්.ටී.ටී.ඊ. සංවිධානයෙන් ජනතාවට ඇති වී තිබෙන පීඩනය අතිවිශාලයි. එසේම ඒ ප‍්‍රදේශවල සංවර්ධනයත් අඩපණ වෙලා. එම නිසා ජනතාව රජයේ වැඩ පිළිවෙලට එක්වීමට කැමැත්තක් තිබෙනවා.
ඒ 9 මාර්ගය දැනට ආරක්ෂක හේතූන්මත වසා තිබෙනවා. ඒ වෙනුවට ඒ. 35 මාර්ගය ඔස්සේ ජනතාවට වව්නියාවට ළඟාවිය හැකියි.
ගැටුම් පවතින දිස්ති‍්‍රක්කවල ජනගහනයෙන් 70%ක් පමණ දැනට තන්ඩාවලෙයි දක්වා පැමිණ සිටිනවා.
තන්ඩාවලෙයි පාසල්වල සහ රජයේ ගොඩනැගිලිවල දැනට ඔවුන් රැඳී සිටිනවා. ඔවුනට අවශ්‍ය ආහාර තොග යැවීම දැන් ආරම්භ කරලා තිබෙනවා. මේ කටයුතු සාර්ථකව නිම කිරීමට ආරක්ෂක අංශ අතිදුෂ්කර කාර්යයක යෙදෙනවා.
ලෝක ආහාර සංවිධානය රජයට සහාය වෙනවා. එහෙත් ඇතැම් ජාත්‍යන්තර හා දේශිය රාජ්‍ය නොවන සංවිධානවල කි‍්‍රයාකාරිත්වය අපට ගැටළු සහගතයි.
ආපදා සහන සෙවා හා නැවත පදිංචි කිරීමේ අමාත්‍යාංශයේ ලේකම් ඒ. සී. එච්. රාසික් මහතා
වව්නියාවේ තාවකාලික රැඳවුම් මධ්‍යස්ථාන දැනට 7ක් පිහිටුවලා තිබෙනවා. ආහාර බෙහෙත් වර්ග ඇතුළු අත්‍යවශ්‍ය ද්‍රව්‍ය සැපයිමට පියවර ගත්තා. මෙසේ පැමිණෙන අයට පිසු ආහාර ලබාදීමටත් පසුව ඔවුන්ට වියලි ආහාර ද්‍රව්‍ය සමග මුළුතැන් ගෙයි උපකරණ ද රජය ලබා දෙනවා.
මෙම ස්ථාන 7ට අමතරව තවත් ස්ථාන අලුතින් ඉදිකිරීමටත් රජය පියවර අරන් තිබෙනවා.
වව්නියාවට එන අයගේ ජීවිත සුරක්ෂිතයි. මේ අය ඉතා ඉක්මණින් නැවත පදිංචි කිරීමටත් රජය බලාපොරොත්තු වෙනවා.
සෞඛ්‍ය, අධ්‍යාපන, සමාජයීය කටයුතු ඇතුළු මේ එන පිරිසට අවශ්‍ය පහසුකම් සැලසීමට එක් එක් අංශවලට කමිටු 7ක් පත්කැර තිබෙනවා.
මගේ අමාත්‍යාංශයේ නිලධාරියෙකු රාජ්‍ය නොවන සංවිධාන නියෝජිතයෙකු මෙන්ම රජයේ සේවා සපයන ආයතන නියෝජිතයින් ආරක්ෂක අංශවල නිලධාරීන් මේ කමිටුවට ඇතුළත් වෙනවා.
වව්නියාවට පැමිණෙන සංඛ්‍යාව පවුල් 45000ක් පමණ වෙතැයි අප බලාපොරොත්තු වෙනවා. ඒ සියලු දෙනාටම අවශ්‍ය සියලු දේ රජයෙන් සැපයීමට අපේක්ෂා කරනවා.
නැඟෙනහිර පළාතේ මෙසේ හදිසියේ අවතැන් වූ පිරිස වෙනුවෙන් කි‍්‍රයා කරලා රජයට අත්දැකීම් තිබෙනවා.
මේ අයට පහසුකම් දෙනවා පමණක් නොවෙයි ඉතා ඉක්මණින් අප ඒ අය නැවත පදිංචි කිරීමටත් කි‍්‍රයා කරනවා. රජයට ඒ හැකියාව තිබෙනවා.
ජනාධිපතිතුමාගේ උපදෙස් අනුව වව්නියාවට එන සෑම කෙනෙකුටම අවශ්‍ය උපරිම පහසුකම් රජය ලබා දෙනවා..ඒ අය ගේ ආරක්ෂාව තහවුරු කරනවා. ඔවුන්ට හොඳ ජීවිතයක් ගතකිරීමට කටයුතු සලසා දෙනවා.
වෙල්ලස්සේ බණ්ඩාරඡායාරූපය - රංජිත් ජයවීර
Subscribe to:
Post Comments (Atom)
No comments:
Post a Comment