ඩයලොග් ප‍්‍රීමියර් ලීග් පාපන්දුඩයලොග් ප‍්‍රීමියර් ලීග් පාපන්දු රත්නම්-නිගම්බු යූත් ප‍්‍රථම තරගයෙන්ම ජය ලබයි

ප‍්‍රින්ස් ගුණසේකර
ශ‍්‍රී ලංකාවේ ප‍්‍රධානතම අන්තර් කී‍්‍රඩා සමාජ පාපන්දු තරගාවලියේ ප‍්‍රථම තරගයෙන් පසුගිය වසරේ සූරයන් වූ රත්නම් පිලට ගෝල් 2-1 ක ජයක් හිමිවිය.
ඩයලොග් ප‍්‍රිමියර් ලීග් පාපන්දු තරගාවලියේ කොළඹ සී. ආර්. පිටියේ පැවැති තරගයේදී රත්නම් පිල වෙතින් පරාජයට පත්වූයේ පසුගිය වසරේ අනුසූරතාව දිනාගත් සෝන්ඩර්ස් කී‍්‍රඩා සමාජයයි.
මෙම තරගය සංවිධානය කළ ශ‍්‍රී ලංකා පාපන්දු සම්මේලනය සී. ආර්. පිටියට නිසි පරිදි පොලිස් ආරක්ෂාවක් ලබාදීමට කටයුතු නොකළ හෙයින් දෙපිලේ ආධාරකරුවෝ අතර ගුටිබැට හුවමාරුවක් සිදුවූහ.
තරගයේ 43 වැනි මිනිත්තුවේදී සෝන්ඩර්ස් පිලේ බී. ජී. ඩී. වී. සිල්වා රතු කාඩ්පත් අවවාද ලබා පිටියෙන් ඉවත් කිරීමට විනිසුරු තීරණය කිරීමත් සමඟ නරඹන්නන් නොසන්සුන් තත්ත්වයකින් පසුවූහ.
කෙසේ වූවද තරගය අවසානයේ පිටියට කඩා වැදුන නරඹන්නන් පිරිසක් විනිසුරුට පහරදීමට උත්සාහ කළ අතර පාපන්දු සම්මේලනයේ මාධ්‍ය අධ්‍යක්ෂ රුක්මාල් පෙරේරා මහතා හා දෙපිලේ පුහුණුකරුවන් මැදිහත්ව එය වලකාලූහ.
දෙපිලේ නරඹන්නන් අතර සිදුවූ ගුටිබැට හුවමාරුව ද නතර කර ගැනීමට කණ්ඩායම් දෙකේ බලධාරින් උත්සාහ ගත්හ.
ශ‍්‍රී ලංකා පාපන්දු සම්මේලනයේ තරග සංවිධායක කමිටුව මගින් පොලිස් නිලධාරින් කැඳවා තිබුණේ නම් මෙය වළක්වාගත හැකිව තිබූ බවට කණ්ඩායම් දෙකෙන්ම චෝදනා එල්ලවිය.
සෝන්ඩර්ස් පිල වෙනුවෙන් පී. ආර්. ටී. නන්දසිරි ද රත්නම් පිල වෙනුවෙන් ඊ. බී. චන්න හා කසුන් ජයසූරිය ගෝල් වාර්තා කළහ.
නිගම්බු යූත්ට ජය
කැලණිය පාපන්දු පුහුණු මධ්‍යස්ථාන කී‍්‍රඩාංගණයේ පැවැති නිගම්බු යූත් – රිනවුන් අතර තරගයෙන් ගෝල් 4 – 0 ක පහසු ජයක් වාර්තා කිරීමට ඬගම්බු යූත් පිල සමත්විය.
ඩයලොග් ප‍්‍රීමියර් ලීග් පාපන්දු 2008 තරගාවලිය නිල ආරම්භක උත්සවයට එක්වූ ඩයලොග් ප‍්‍රධාන විධායක නුෂාඩ් පෙරේරා, අලෙවි ප‍්‍රවර්ධන කළමනාකරු චිරන්ත ද සොයිසා ශ‍්‍රී ලංකා පාපන්දු සම්මේලනයේ සභාපති හර්ලි සිල්වේරා හා ප‍්‍රධාන විධායක කි‍්‍රෂාන්ත පෙරේරා යන මහත්වරු.
ඡායාරූප - තුෂාර ප‍්‍රනාන්දු
තරගයේ ප‍්‍රථම භාගයේදී ගෝල් 2 – 0 ක් ලෙස නිගම්බු යූත් පිල ඉදිරියෙන් සිටියේය.
නිගම්බූ යුත් පිලේ නිමල් ඇන්තනී ප‍්‍රනාන්දු ගෝල් 2 ක්ද ජී. පී. සී. කරුණාරත්න එක් ගෝලයක්ද ලබාගත්හ.
නිගම්බු යූත් පිල වෙනුවෙන් වාර්තා වූ අනෙක් ගෝලය ඒ. ඒ. නාලක එල්ල කළ පහරකින් “ඕන් ගෝලයක්” ලෙස ලැබුණි.
නිගම්බු යූත් පිලට පසුගිය වසර දක්වා විදෙස් කී‍්‍රඩකයන් කිහිපදෙනෙකුම කී‍්‍රඩා කළද මෙවර කිසිදු විදේශ කී‍්‍රඩකයෙකු නොමැත.
බ්ලුස්ටාර්-යුද හමුදාව ජය පැරදුමෙන් තොරයි
කලුතරදී පැවැති බ්ලුස්ටාර් යුද හමුදා අතර තරගයේ මුලසිටම බ්ලුස්ටාර් පිල ඉදිරියෙන් සිටියද අවසන් විනාඩි තුනක කාලයේදී යුද හමුදා පිලෙන් ගෝල් 2 ක් වාර්තා විය.
තරගයේ ප‍්‍රථම භාගයේදී ගෝල් 2-0 ක් ලෙස බ්ලුස්ටාර් ඉදිරියෙන් සිටියේය.