එස්.එස්.සී – එන්.සී.සී අවසන් තරගය අද

ජගත් පෙ‍්‍ර්මචන්ද්‍ර
ශ‍්‍රී ලංකා කි‍්‍රකට් සංවිධානය කරන වයස අවුරුදු 23 න් පහළ පළමු කොටසේ අවසන් මහ කි‍්‍රකට් තරගය අද (26 දා) එස්. එස්. සී. පිටියේ දී ඇරැඹේ.
මේට්ලන්ඩ් පෙදෙස අසල්වාසීන් වන එස්. එස්. සී. සහ එන්. සී. සී. අතර පැවැත්වෙන මෙම තරගය 28 දා දක්වා පැවැත්වීමට නියමිත ය.
ශ‍්‍රී ලංකා පාසල් වයස අවුරුදු 20 න් පහළ කි‍්‍රකට් කණ්ඩායමට එරෙහි වූ කඩුලු 8 ක ජයක් ලබමින් එස්. එස්. සී. කී‍්‍රඩකයෝ ද කෝල්ට්ස් කණ්ඩායමට එරෙහිව පළමු ඉනිමේ ජයක් ලබමින් එන්. සී. සී. කී‍්‍රඩකයෝ ද අවසන් මහා තරගයට සුදුසුකම් ලැබූහ.
එස්. එස්. සී. කණ්ඩායම හානස් ප‍්‍රනාන්දු විසින් මෙහෙයවනු ලබන අතර ඔහු මෙම තරගවාරයේදී තරග 9 කදී ශතකයක් සමග ලකුණු 297 ක් ලබා ගෙන ඇත. ඔහුගේ කණ්ඩායමේ කැපී පෙනෙන කී‍්‍රඩකයා වී සිටින්නේ ශාලිත කරුණානායක ය.
ඔහු තරග 9 කදී ලකුණු 322 ක් ලබා 46.0 ක සාමාන්‍යයක් රඳවාගෙන සිටියි. මීට අමතරව ඔහු පන්දු යවන්නෙක් ලෙස කඩුලු 26 ක් දවා ගෙන ඇත.
ශතකලාභී නවීන් පෙරේරා ලකුණු 355 ක් ලබමින් එස්. එස්’ සී. පිලේ වැඩිම ලකුණුලාභී පිතිකරුවා වී සිටී. පන්දු යවන්නන් අතුරින් මිලාන් ප‍්‍රනාන්දු කඩුලු 30 ක් ද ධනුෂ්ක කොළඹගේ කඩුලු 25 ක් ද චතුපම ගුණසිංහ කඩුලු 24 ක් ද දවාගෙන එස්. එස්. සී. කණ්ඩායම වෙනුවෙන් අවසන් තරගයේ දී ද දක්ෂතා දැක්වීමට බලාගෙන සිටිති.
එන්. සී. සී. පිලේ කඩුලු රකින්නා ද වන නායක මාපා බණ්ඩාර තරග 9 ක දී ලකුණු 357 ක් ලබාගෙන හෙට තරගයට මුහුණ දෙනු ඇත. ප‍්‍රබල පිතිකරු ලැයිස්තුවකින් හෙබි එන්. සී. සී. පිලට රජිත මෙන්ඩිස් (434) එරංග ගංගොඩ (411) සශ‍්‍රික පුස්සෙගොල්ල (279) සහ ශෂාන් ගුණතිලක (276) ඇතුලත් වෙති.
මීට අමතරව අවසන් පූර්ව තරගයේ දී සුපිරි දක්ෂතා දැක්වූ කෝසල කුලසේකර ද ඉහත කණ්ඩායමට ඇතුළත් වේ.