දෙමළ ජනතාවගෙන් සුළුතරයක් බිය ගන්වා උතුරු පළාතේ බලහත්කාරයෙන් රඳවා ගනිමින් එම ජනතාවට ප‍්‍රජාතන්ත‍්‍රවාදය අහිමි කරන එල්. ටී. ටී. ඊ. ත‍්‍රස්තවාදයට තම රජය කිසි විටෙකත් යට වන්නේ නැතැයි ශ‍්‍රී ලංකා ජනාධිපති මහින්ද රාජපක්ෂ මහතා පවසයි.
මෙතෙක් ගත් කි‍්‍රයා මාර්ග වලින් අප ඒ බව ඔප්පු කර තිබෙන බවද රාජපක්ෂ මහතා අවධාරණය කළේය.
එක්සත් ජාතීන්ගේ සංවිධානයේ 63 වැනි සැසි වාරයට සහභාගි වෙමින් නිව්යෝක් නුවරදී ජනාධිපති මහින්ද රාජපක්ෂ මහතා මේ බව පැවසීය.
මේ ත‍්‍රස්තවාදී කණ්ඩායම සමඟ තම ආණ්ඩුවට සාකච්ඡා කළ හැකි වන්නේ සියලු අවි බිම තබා ඔවුන්ගේ යුදමය හැකියාවන් සියල්ල විසුරුවා හැර ප‍්‍රජාතන්ත‍්‍රවාදී රාමුවකට ඇතුළත් වූවොත් පමණක් බවද රාජපක්ෂ මහතා අවධාරණය කළේය.
නිත්‍යානුකූලව තේරී පත්වූ රජයක් ලෙසත්එක්සත් ජාතීන්ගේ සංවිධානයේ පූර්ණ සාමාජිකයකු ලෙසත් ශ‍්‍රී ලංකාවේ භෞමික අඛණ්ඩතාව කඩා බිඳ දමා රට බෙදීමට කිසිසේත් ඉඩ නොදෙන බවත් ආණ්ඩුව වෙනුවෙන් ශ‍්‍රී ලංකා ජනාධිපතිවරයා තරයේ ප‍්‍රකාශ කළේය.
අපේ ජනතාවට ප‍්‍රජාතන්ත‍්‍රවාදී කි‍්‍රයාදාමයේ ප‍්‍රතිඵල භªක්ති විඳීමට ඉඩදීම අපේ අරමුණයි. ඒ වගේම දැනට ත‍්‍රස්තවාදීන් සිය ග‍්‍රහණයේ තබාගෙන තිබෙන ප‍්‍රදේශ වල ජනතාවට හැකි ඉක්මනින් සංවර්ධන කි‍්‍රයාදාමයකට ඇතුළත් වීමට ඉඩ කඩත් සැලසීම අපේ අරමුණක්. දැනට ශ‍්‍රී ලංකාවේ නැගෙනහිර පළාතේ කි‍්‍රයාත්මක වන කඩිනම් ආර්ථික දියණුවට සමාන දියුණුවක් උතුරේත් දියත් කිරීමට අපේක්ෂා කරන බවද ජනාධිපතිවරයා ප‍්‍රකාශ කළේය.
එල්. ටී. ටී. ඊ. ය ළමා සොල්දාදුවකු ලෙස යොදවාගෙන සිටි පුද්ගලයකු අද නැගෙනහිර පළාත් සභාවේ ප‍්‍රධාන ඇමැතිවරයා ලෙස පාලන කටයුතු වල යෙදී සිටින බවත් මේ සියල්ල අප කළේ නැගෙනහිර මුදාගෙන අවුරුද්දකටත් වඩා අඩු කාලයකදී බවද එතුමා පැවසීය. එක්සත් ජාතීන්ගේ 63 වැනි සමුළුව ඇමතූ ජනාධිපතිතුමා ආරම්භයේදීම කෙටි වචන කිහිපයක් දෙමළ බසින්ද කතා කළේය.
දිනමිණ ඇසුරින්
Subscribe to:
Post Comments (Atom)
No comments:
Post a Comment