පි‍්‍රන්ස් ගුණසේකර
වසර 71ක ඔලිම්පික් සිහිනය සැබෑවී ශී‍්‍ර ලාංකේය කී‍්‍රඩා ඉතිහාසයේ අමරණීය සටහනක් තබමින් “ශී‍්‍ර ලංකා ඔලිම්පික් නිවහන ඊයේ පෙරවරු 10.14 ට යෙදුනු සුබ මොහොතින් විවෘත විය.
කී‍්‍රඩා අමාත්‍ය ගාමිණී ලොකුගේ හා බන්ධුල බස්නායක යන මහත්වරුන්ගේ ප‍්‍රධානත්වයෙන් තැපැල් හා විදුලි සංදේශ අමාත්‍ය මහින්ද විජේසේකර, ඉඩම් අමාත්‍ය ජීවන් කුමාරතුංග යන මහත්වරුන්ගේ සහභාගීත්වයෙන් ඔලිම්පික් නිවහන විවෘත කිරීමේ කටයුතු සිදුවිය.
ජාත්‍යන්තර ඔලිම්පික් කමිටුව හා ආසියානු ඔලිම්පික් කමිටුව නියෝජනය කරමින් ජාත්‍යන්තර ඔලිම්පික් කමිටුවේ ජාත්‍යන්තර සම්බන්ධතා අධ්‍යක්ෂ විනෝද් කුමාර් තිවාරි මහතා ඇතුළු දෙස් විදෙස් ආරාධිතයන් රැසක් ද මෙම සුවිශේෂී අවස්ථාවට එක්ව සිටියහ.
ඔලිම්පික් නිවහන විවෘත කිරීම සංකේතවත් කරමින් සමරු මුල්දින මුද්දර කවරයක් නිකුත් කිරීම තැපැල් හා විදුලි සංදේශ අමාත්‍යතුමා අතින් සිදුවිය.
කී‍්‍රඩා අමාත්‍යතුමා “ඔලිම්පික් නිවහනේ” සමරු ඵලකය විවෘත කරමින්.
කී‍්‍රඩා අමාත්‍යවරුන් වන ගාමිණී ලොකුගේ, බන්ධුල බස්නායක, ඉඩම් අමාත්‍ය හා හිටපු කී‍්‍රඩා අමාත්‍ය ජීවන් කුමාරතුංග යන මහත්වරුන් ඔලිම්පික් නිවහන විවෘත කළ අවස්ථාව.
ඡායාරූප:- ඉරේෂා වඩුගේ
ශී‍්‍ර ලංකා ඔලිම්පික් කමිටුව මගින් එළිදැක්වූ දෙවැනි සමරු මුද්දර පොත හා ශී‍්‍ර ලංකා ඔලිම්පික් කමිටුවේ නිල වෙබ් අඩවිය ද විවෘත විය.
ශී‍්‍ර ලංකා ඔලිම්පික් කමිටුවේ ආරම්භක නිලධාරීන්ට හා ඔලිම්පික් නිවහන විවෘත කිරීමේ ප‍්‍රධාන ආරාධිතයන්ට සමරු සිහිවටන ප‍්‍රදානය කිරීම ද සිදුවිය.
ඔලිම්පික් නිවහන විවෘත කිරීමේ උත්සව සභාවේ පිළිගැනීමේ කතාව කරමින් ජාතික ඔලිම්පික් කමිටු සභාපති හේමසිරි ප‍්‍රනාන්දු මහතා ප‍්‍රකාශ කළේ ඔලිම්පික් නිවහන විවෘත වීම තම ජීවිතයේ සිහිනයක් සැබෑවීමක් ලෙස සැලකිිය හැකි බවයි.
“මේ දැවැන්ත කාර්යය සාර්ථකව නිමා කිරීමට බොහෝ දෙනා කැපවුනා. රුපියල් මිලියන 157කට අධික මුදලක් වැයවුනා.
පර්චස් 80ක වටිනා ඉඩම ලබාදුන් ජනාධිපති මහින්ද රාජපක්ෂ මැතිතුමාට හා හිටපු කී‍්‍රඩා අමාත්‍ය ජීවන් කුමාරතුංග මහතාටත් වත්මන් කී‍්‍රඩා අමාත්‍යවරුන් දෙපලටත් සිය ස්තුතිය පළ කළේය.
විශේෂ ආරාධිතයෙකු ලෙස එක්වූ අමාත්‍ය මහින්ද විජේසේකර මහතා ප‍්‍රකාශ කළේ ඔලිම්පික් නිවහන ශී‍්‍ර ලාංකේය කී‍්‍රඩාවේ ප‍්‍රගතිය උදෙසා තෝතැන්නක් වන බවයි.
“පසුගිය බීජිං ඔලිම්පික් උළෙලේ දී ශී‍්‍ර ලංකා පිල පසු බැසීමකට ලක්වූවා. එයට හේතුවත් ඔලිම්පික් කණ්ඩායමට මෙවැනි පහසුකම් සහිත ස්ථානයක් කාලයක් සිට නොමැති වීමයි.
දැන් විශාල අඩුපාඩුවක් සම්පූර්ණයි” යනුවෙන් විජේසේකර මහතා පැවැසීය.
කී‍්‍රඩා අමාත්‍ය ගාමිණී ලොකුගේ මහතා අදහස් දක්වමින් කියා සිටියේ මෙවැනි දැවැන්ත කාර්යයක් මාස 17 ක් වැනි කෙටි කාලයක දී අවසන් කිරීමට නායකත්වය දුන් හේමසිරි ප‍්‍රනාන්දු මහතා ඇතුලු ජාතික ඔලිම්පික් කමිටුවට සිය ස්තුතිය පළ කරන බවයි.
ජාත්‍යන්තර හා ආසියානු ඔලිම්පික් කමිටු නියෝජිත විනෝද් කුමාර් තිවාරි හා ශී‍්‍ර ලංකා ඔලිම්පික් කමිටු උප සභාපති රොහාන් ප‍්‍රනාන්දු මහතා ද අදහස් දැක්වූහ.
කී‍්‍රඩා සංගම්වල නිලධාරීන් කී‍්‍රඩක කී‍්‍රඩිකාවන් ඇතුළු විශාල පිරිසක් මෙම අවස්ථාවට එක්ව සිටියහ.
Subscribe to:
Post Comments (Atom)
No comments:
Post a Comment