දයා පෙරේරා
පා ගමනින් පැමිණි අන්තර් විශ්ව විද්‍යාලයීය ශිෂ්‍ය බල මණ්ඩලයේ සරසවි සිසුන් කොළඹ කොල්ලුපිටිය මංසන්ධියේ දී අධි ආරක්ෂක කලාපයට ඇතුළුවීමට උත්සාහ කිරීම නිසා කඳුළුගෑස් එල්ල කොට ඔවුන් විසුරුවා හැරීමට සිදුවූ බව පොලීසිය කියයි.
ශ‍්‍රී ජයවර්ධනපුර විශ්වවිද්‍යාලයේ සිට ඊයේ දහවල් 2.00 ට ආරම්භ වූ පාගමන කොල්ලුපිටිය මංසන්ධියට පැමිණෙන විට සවස 5.30 ට පමණ විය.
මෙහිදී සිසුන්ගේ ගල් පහරක් වැදීම නිසා තුවාල ලැබූ පොලිස් පරීක්ෂකවරයෙක් ප‍්‍රතිකාර සඳහා ඇතුළත් කළ බව කොළඹ ජාතික රෝහලේ හදිසි අනතුරු අංශයේ ප‍්‍රකාශකයෙක් කීවේය.
විශ්ව විද්‍යාල සිසුන්ගේ ගැටලු විසදන ලෙසත් අධ්‍යාපනය පෞද්ගලිකරණය කිරීමෙන් වළකින ලෙසත් ඉල්ලා ජනාධිපතිතුමාට බාරදීමට සංදේශයක් රැගෙන සෑම විශ්ව විද්‍යාලයක්ම නියෝජනය වන පරිදි සිසුන් පාගමනින් පැමිණි බව අන්තර් විශ්ව විද්‍යාලයීය ශිෂ්‍ය බල මණ්ඩලයේ සාමාජිකයෝ පැවසූහ.
මිනී පෙට්ටි දෙකක් ද රැගෙන හයිලෙවල් පාර දිගේ පැමිණි පාගමන නිසා පැය තුනක පමණ කාලයක් එහි වාහන ගමනාගමනයට ඇති වූ අවහිරතාව නිසා ජනතාව මහත් පීඩාවට පත්ව සිටියහ
Subscribe to:
Post Comments (Atom)
No comments:
Post a Comment