ආසියානු පිහිනුම් කී‍්‍රඩකයෝ අවධානය දිනා ගනිති

මයිකල් ෆෙල්ප්ස් ඇතුළු පිරිස දෙසට යොමුව තිබූ අවධානය ඊයේ තමන් වෙතට හරවා ගැනීමට ආසියානු පිහිනුම් කී‍්‍රඩකයෝ සමත් වූහ.
ජපානයේ ළය ආර පිහිනුම් රජා ලෙස සැලකෙන කොසුකි කිටජිමා ලොව හොඳම කී‍්‍රඩකයකු ලෙසට තහවුරු කරමින් මීටර 100 හා මීටර 200 රන් පදක්කම් ද්විත්වය පිට පිට දෙවැනි ඔලිම්පික් උළෙලෙදීත් දිනා ගැනීමට සමත් විය.
මීටර 100 ලය ආර ඉසව්ව ලෝක වාර්තාවක් පිහිටුවමින් පසුගිය සඳුදා ජය ගත් කිටජිමා ඊයේ මිනිත්තු 2 යි තත්පර 07.64 කින් මීටර 200 ඉසව්ව ජය ගත්තේ ය.
සත්කාරක චීනයේ ලියූ සිජ් හා ජියෝ ලියන්ග් පිහිනුම් පූජාව විශ්මයට පත් කරමින් කාන්තා මීටර 200 සමනල ආර ඉසව්වේ රන් හා රිදී පදක්කම් දිනා ගත්හ.
මෙය චීනය මෙවර ඔලිම්පික් කී‍්‍රඩා උළෙලේ ලබා ගත් ප‍්‍රථම පිහිනුම් රන් පදක්කම වූ අතර 1992 බාසිලෝනා ඔලිම්පික් උළෙලේ රන් පදක්කම් 4 ක් දිනා ගැනීමෙන් පසුව ඔවුන් ලබා ගත් තෙවන රන් පදක්කම විය.
අයහපත් කාලගුණය
තද වර්ෂාව හා විදුලි කෙටීම් බීජිං ඔලිම්පික් උළෙලේ ඔරු පැදීම් හා රුවල් ඔරු තරගවලට බාධා එල්ල කළ අතර ටෙනිස් අර්ධ අවසන් පූර්ව තරග කල් දැමීමට සිදු විය.
බීජිං නුවරට මඳක් උතුරින් පිහිටි ‘ෂුන්යි’ හිදී පැවැත්වීමට නියමිතව තිබූ කාන්තා ද්විබ ඔරු හා ඇස්කිටෝ ඔරු අවසන් පූර්ව හා අවසන් තරග මේ නිසා අදට කල් තැබිනි.එම ස්ථානයේම පැවැත්වීමට නියමිතව තිබූ රුවල් ඔරු අවසන් පූර්ව තරගද අවලංගු කරන ලද අතර ඒවා ද අද (15) ට කල් දැමිණි.
දර්ශන තලයේ අපැහැදිලි බව සුලං හැමීමේ අඩු බව මෙම තරග නියමිත අන්දමින් පැවැත්වීමට නොහැකි වූ බව සංවිධායකයකු පැවැසීය.
තද වර්ෂාව ටෙනිස් තරග සඳහා ද දැඩි බලපෑමක් ඇති කෙළේ ය. අකුණු ගැසීම් හා අයහපත් කාලගුණය තරගාවලිය අවුල් සහගත තත්ත්වයට පත් කළේ ය.
සුපිරි ටෙනිස් කී‍්‍රඩක රොජර් ෆෙඩෙරර් ඇමරිකා එක්සත් ජනපදයේ අංක එකේ කී‍්‍රඩක ජේම්ස් බ්ලේක් සමඟ ද රෆායෙල් නඩාල් ඔස්ටේ‍්‍රලියාවේ ජාර්ගන් මෙල්සර් සමඟ තරග වැදීමට නියමිතව සිටියේ ය.
මේ අතර කාන්තා තරගාවලියේ දී සෙරීනා විලියම්ස් එලිනා ඩිමෙන්ටිසේවා සමඟ ද, වීනස් විලියම්ස් චීනයේ ලී නා සමඟ ද තරග වැදීමට නියමිතව සිටියේ ය. ලොව අංක එකේ කී‍්‍රඩිකා ජෙලීනා ජාන්කොවික් හා රුසියාවේ දිහරා සෆිනා, සිබිලෙ ඔමර් හා වෙරා ස්වොරිනරිවා අවසන් පූර්ව තරග සඳහා ඉදිරිපත් වීමට නියමිතව සිටියේ ය.
ඇලිසන් ෆිලික්ස්
දෙවරක්ම මීටර් 200 ඉසව්වේ ලෝක සූරතාව දිනූ ඇලිසන් ෆිලික්ස් එම ඉසව්වේ ජයග‍්‍රහණය සඳහා බලාපොරොත්තුවෙන් පසු වෙයි.
ඇතැන්ස් ඔලිම්පික් උළෙලේ මීටර් 200 ඉසව්වේ රිදී පදක්කම දිනා ගන්නා විට ඇයගේ වයස අවුරුදු 18 කි.
මීටර් 200 කාන්තා ඉසව්ව එළැඹෙන අඟහරුවාදා ඇරැඹෙන අතර එහි අවසන් පූර්ව තරග බදාදා ද අවසන් තරග බ‍්‍රහස්පතින්දා ද පැවැත්වෙයි.
වෙරොනිකා කැම්බල් මේ ඉසව්වේ සුවිශේෂ තරගකාරියක් බව ඇලිසන් ෆිලික්ස් කියයි.
ෆිලික්ස් පවසන්නේ පසුගිය ඔසාකා ලෝක සූරතාවලියේ දී තම හොඳම පෞද්ගලික කාලය ලෙස වාර්තා කළ තත්පර 21.81 අලුත් කිරීමට බලාපොරොත්තු වන බවය.
මීටර් 100 ඉසව්ව දුර්වල නොවනු ඇතැයි යනු ඇලිසන් ෆිලික්ස් ගේ අදහසයි. එය මීටර් 200 ඉසව්වේ ආරම්භක අර්ධය වනු ඇතැයි ඇය කියයි.