හිටපු කැබිනට් ඇමැතිවරයකු හා මධ්‍යම පළාත් සභාවේ එක්සත් ජාතික පක්ෂ මන්තී‍්‍රවරයකු වූ නන්දිමිත‍්‍ර ඒකනායක මහතා රජය සමඟ එක්වෙයි. පසුගිය 17 වැනි දින මහනුවර ජනාධිපති මන්දිරයේදී ජනාධිපති මහින්ද රාජපක්‍ෂ මහතා සමඟ පැවැත්වූ දීර්ඝ සාකච්ඡාවෙන් පසු තමා රජය සමඟ එක්වීමට තීරණය කළ බව ඒකනායක මහතා පැවසීය.
ජනාධිපති මහින්ද රාජපක්‍ෂ මහතාගේ ප‍්‍රධානත්වයෙන් රුවන්වැල්ලේ පැවැති ජනතා රැලියේදී ජනතාව ඇමතීමටද ඔහු අදහස් කර ඇත. වර්ෂ 1983 මාතලේ මහ නගරසභාවෙන් දේශපාලන ජීවිතය ආරම්භ කළ ඒකනායක මහතා 1989 දී පැවැත්වූ මහ මැතිවරණයේදී ශී‍්‍ර. ල. නි. ප. යෙන් මාතලේ දිසාවෙන් තේරීපත්වූ එකම මන්තී‍්‍රවරයා ද වේ.
1994 දී පැවැත්වූ මහ මැතිවරණයෙන් මාතලේ දිසාවට තරග කර ජය ලැබූ ඒ මහතා චන්ද්‍රිකා බණ්ඩාරනායක කුමාරණතුංග රජයේ ප‍්‍රවාහන - මහාමාර්ග හා වනිතා කටයුතු නියෝජ්‍ය අමාත්‍යවරයා වශයෙන් කටයුතු කළේය.
1995 දී ඉඩම් හා වනසම්පත් අමාත්‍යවරයා වශයෙන් කටයුතු කළ ඒකනායක මහතා 1996 දී වනසම්පත් හා පාරිසරික කටයුතු කැබිනට් අමාත්‍යවරයා වූයේය. 2000 මැතිණරණයේ දී මාතලේ දිසාවට තරග කර ජයග‍්‍රහණය කළ ඒ මහතා පළාත් සභා හා පළාත් පාලන අමාත්‍යවරයා වශයෙන් කටයුතු කළේය. 2001 දී එවකට ජනාධිපති චන්ද්‍රිකා බණ්ඩාරනායක මහත්මිය සමඟ ඇතිවූ දේශපාලන අමනාපය නිසා ශී‍්‍ර. ල. නි. පයෙන් ඉවත්වී එ. ජා. ප. සමඟ එක්විය
Subscribe to:
Post Comments (Atom)
No comments:
Post a Comment