ස්වර්ණා විජේකෝන් සහ ධනුෂ්ක ගොඩකුඹුර
සබරගමුව සහ උතුරු මැද පළාත් සභා ඡන්ද විමසීමේදී එක්සත් ජාතික පක්ෂය ලබන නියත පරාජයට හේතු වන ප‍්‍රධාන කරුණු 13ක් ශ‍්‍රී ලංකා නිදහස් පක්ෂයේ භාණ්ඩාගාරික, ප‍්‍රවාහන ඇමැති ඩලස් අලහප්පෙරුම මහතා ඊයේ (19) මහවැලි කේන්ද්‍රයේ පැවැති මාධ්‍ය හමුවකදී අනාවරණය කෙළේය.
එම කරුණු දහතුන මෙසේය.
එක්සත් ජාතික පක්ෂය සබරගමුව හා උතුරු මැද පළාත් සභාවලට කොළඹින් අපේක්ෂකයන් අපනයනය කිරීම,
මැතිවරණ ව්‍යාපාරයක් නොතිබීම,
විපක්ෂ නායකවරයා එම පළාත්වලට ගොස් කරන අසත්‍ය ප‍්‍රකාශ,
පක්ෂය අභ්‍යන්තරයේ නායකත්වයට එරෙහිව පවතින කැරැල්ල,
ජනාධිපති මහින්ද රාජපක්ෂ මහතාගේ නායකත්වයට අභියෝග කිරීමට අසමත් වීම,
පාර්ලිමේන්තු මන්තී‍්‍ර කණ්ඩායමේ මන්තී‍්‍රවරුන් 47 දෙනා මැතිවරණ සටනට ඉදිරිපත් කර ගත නොහැකි වීම,
ප‍්‍රාදේශීය නායකයන් පක්ෂය හැර යාම,
එක්සත් ජාතික පක්ෂයට දෙන ඡන්දය එල්. ටී. ටී. ඊ යට එරෙහි ජයග‍්‍රාහී සංග‍්‍රාමය ආපස්සට හැරවීමක් බව ජනතාව තීරණයක් ගෙන තිබීම,
එජාපයට ප‍්‍රචාරක ව්‍යාපාරයක් නොතිබීම,
රටට ආදරය කරන සියලු පක්ෂ නායකයන් ජනාධිපතිතුමා ප‍්‍රමුඛව ශ‍්‍රී ලංකා නිදහස් පක්ෂය වටා එකතුවීම,
මහා සංඝරත්නය ප‍්‍රමුඛ පූජ්‍ය පක්ෂයේ ආශීර්වාදය නොතිබීම,
ගමට, ගොවි ජනතාවට නොගැළපෙන සංස්කෘතියක් වෙනුවෙන් පෙනී සිටීම,
අවාසනාව.
Subscribe to:
Post Comments (Atom)
No comments:
Post a Comment