මීටර් 200 කාන්තා ඉසව්වේ අවසන් පූර්ව තරගයට ඊයේ ඉදිරිපත් වූ සුසන්තිකා ජයසිංහට හිමි වූයේ පළමු අවසන් පූර්ව තරගයේ 7 වැනි ස්ථානයයි. ඒ නිසා ඇයට අවසන් තරගයට ඉදිරිපත් වීමේ අවස්ථාව ගිලිහී ගියේය.
එහිදී ඇය තරගය නිම කළ කාලය තත්පර 22.98 කි. පළමු හා දෙවැනි ස්ථාන ජැමෙයිකාවේ වෙරොනිකා කැම්බල් හා කැරන් ස්ටිවර්ට්ට හිමි වු අතර තෙවැනි ස්ථානය ඇමරිකා එක්සත් ජනපදයේ මුනාලීට හිමි විය.
තරගයෙන් අනතුරුව සිය කටහඬ අවදි කළ සුසන්තිකා. ‘ මම රට වෙනුවෙන් මගේ උපරිමය සිදු කළා. ඔලිම්පික් පදක්කමක් හා ලෝක සුරතා පදක්කම් දෙකක් මවු බිමට ලබා දුන්නා. ජනාධිපති මහින්ද රාජපක්‍ෂ මහතාට මගේ ස්තූතිය පුද කරන්න මම මෙය අවස්ථාවක් කර ගන්නවා. එතුමා මලල කී‍්‍රඩා සංගමයේ සභාපති තනතුර දරන කාලයේ සිටම මගේ කී‍්‍රඩා ජීවිතයට විශාල පිටුවහලක් වුනා’
මලල කී‍්‍රඩාවෙන් සමුගන්නවාද කියන එක මම තවම තීරණය කරළා නැහැ. ඒත් මෙය මගේ අවසන් ඔලිම්පික් කී‍්‍රඩා උලෙළයි යැයි පැවැසුවාය.
Subscribe to:
Post Comments (Atom)
No comments:
Post a Comment