චන්ද්‍රිකා පෙරේරා සහ භක්ති ධර්මපි‍්‍රය මෙන්ඩිස්
මුලතිව්, කල්විලාන් සහ කිලිනොච්චි මුලන්කාවිල් ප‍්‍රදේශ දෙකේ බලය තහවුරු කර ගැනීමට ඊයේ (13) යුද හමුදාව සමත් විය . මුලන්කාවිල් ප‍්‍රදේශය, කිලිනොච්චියේ ත‍්‍රස්තවාදීන් සතුව පිහිටා තිබූ දෙවැනි ප‍්‍රධානතම පරිපාලන නගරයයි.
එහි රෝහලක්, සන්නිවේදන මධ්‍යස්ථානයක්, කී‍්‍රඩාපිටියක් හා මියගිය ත‍්‍රස්තවාදීන් 5000ක් පමණ මිහිදන් කළ සුසාන භූමියක් ද එහි තිබේ. මෙම ස්ථානයේ සිට කිලිනොච්චි නගරයට කිලෝමීටර් 15 පමණ දුරක් තිබෙන බව යුද හමුදාව පවසයි.
මෙම ප‍්‍රදේශය අත්පත් කර ගැනීමේදී 58 වැනි සේනාංකය හා ත‍්‍රස්තවාදීන් අතර ඇතිවූ ගැටුම්වලදී කොටි නායක තෙන්නමන් ඇතුළු 20ක් පමණ මියගොස් ඇත. සුගිය වසරේ කොටි පොන්ගුතමිල් උත්සවය මෙම ප‍්‍රදේශයේ ඇති කී‍්‍රඩාපිටියේ පවත්වා ඇති බවට තොරතුරු හෙළිවී තිබේ.
මෙසේ උතුර මුදාගැනීමේ අවසන් මෙහෙයුමේ යෙදී සිටින පාබල හමුදා සේනාංක ප‍්‍රදේශ පහකින් මුලතිව් හා කිලිනොච්චිවලට ඇතුල්වී සිටිති.
ඒ 32 මාර්ගය ආවරණය කරමින් මන්නාරම සිට කිලිනොච්චි දෙසට ගමන්ගත් 58 වැනි සේනාංක භට පිරිස් වෙල්ලම්කුලම් සිට කිලෝමීටර් හතක් පමණ ඉදිරියට ගොස් කිලිනොච්චි මායිම පසුකරමින් ආරක්ෂාව තහවුරු කිරීමේ කටයුතුවල නිරත වේ.
වවුනියාව තුනුක්කායි දෙසින් මෙහෙයුම්වල නිරතවන 57 වැනි සේනාංකය මේ වනවිට මල්ලාවි දකුණ ප‍්‍රදේශයද කාර්ය සාධක බලකාය 2 ඒ නවය මාර්ගයෙන් බටහිර පාලමොඩෙයි දෙසින්ද වැලිඔය සිට මුලතිව් වෙත ගමන් කරන 59 වැනි සේනාංකය නයාරු කලපුවට දකුණ දෙසින්ද නීතිකායිකුලම් දකුණෙන්ද ගමන් කරමින් ප‍්‍රදේශයේ ආරක්ෂාව තහවුරු කිරීම්වල නිරතවන බව යුද හමුදාව පවසයි.
මෙසේ කිලිනොච්චි හා මුලතිව් මුදාගැනීමේ මෙහෙයුම්වල නිරත පාබල හමුදාවලට ගුවන් හා නාවික හමුදාද අවශ්‍ය සහාය ලබාදෙන බව හමුදා මාධ්‍ය ප‍්‍රකාශක බි‍්‍රගේඩියර් උදය නානායක්කාර මහතා සඳහන් කරයි.
කල්විලාන් ප‍්‍රදේශයේදී හමුදාව සහ කොටි ත‍්‍රස්තවාදීන් අතර මුහුණට මුහුණලා දරුණු සටන් පැවැති අතර එහිදී කොටි ත‍්‍රස්තවාදීන් 15 දෙනෙකු මියගොස් තිබේ.
මේජර් ජනරාල් ජගත් ඩයස් මහතාගේ මෙහෙයවීමෙන් 57 වැනි සේනාංකය මුලතිව් දිස්ති‍්‍රක්කයේ පිහිටි කොටින්ගේ ප‍්‍රබල කඳවුරු රැසක්ම අත්පත් කර ගැනීමට සමත් වූහ.
කල්විලාන් ගම්මානය යුද හමුදාව අත්පත් කරගන්නා අවස්ථාවේ එහි සිටි කොටි ත‍්‍රස්තවාදීන් විශාල පිරිසක් බඩු භාණ්ඩ රැගෙන පසු බැස ඇති බව භූමියේ භට පිරිස් තහවුරු කර තිබේ.
ගැටුමෙන් පසු එම ප‍්‍රදේශයේ තිබී කොටින්ගේ අවිආයුධ රැසක්ද ඛ්මුදාව විසින් සොයාගෙන ඇත.
Subscribe to:
Post Comments (Atom)
No comments:
Post a Comment