ප‍්‍රථම එක්දින තරගයෙන් ශී‍්‍ර ලංකාවට පහසු ජයක් ශී‍්‍ර ලංකා පන්දු බළඇණිය ඉන්දියාව අසරණ කරයි

වර්නන් ගුණසේකර දඹුල්ලේ සිට... අජන්ත මෙන්ඩිස්ගේ දඟ පන්දුවකට ඉන්දීය පිතිකරු යුවරාජ් සිං ගොදුරුවීමෙන් අනතුරුවශී‍්‍ර ලංකාව හා ඉන්දියාව අතර රංගිරි දඹල්ල ජාත්‍යන්තර කී‍්‍රඩාංගණයේදී ඊයේ පැවැති පළමු ජාත්‍යන්තර එක්දින කි‍්‍රකට් තරඟයෙන් ශී‍්‍ර ලංකාවට කඩුලු 8 ක පහසු ජයක් හිමිවිය. ලකුණු 147 ක ජයග‍්‍රාහී ඉලක්කයක් හඹා ගිය ශී‍්‍ර ලංකාව ඕවර 15 ක් හා තවත් පන්දුවක් ඉතිරිව තිබියදී කඩුලු 2 ක් පමණක් දැවී එම ඉලක්කය ජය ගැනිමට සමත් විය. නායක මහේල ජයවර්ධන හා චාමර කපුගෙදර පිළිවෙලින් ලකුණු 61 ක් හා 45 ක් නොදැවී ලබා ගනිමින් තෙවැනි කඩුල්ල වෙනුවෙන් ලකුණු 102 ක නොබිදුනු සබඳතාවයක් වාර්තා කළහ. ජයවර්ධන හතරේ පහර 7 ක්ද කපුගෙදර හතරේ පහර 4 ක්ද එල්ල කළහ. ශී‍්‍ර ලංකාව ඉනිමේ හරි අඩක් නිමා වන විට කඩුලු 2 ක පමණක් දැවී ලකුණු 103 ක් රැස් කර ගෙන සිටියේය. ඉන්දියාව ඔවුන්ගේ පළමු ඕවර 25 අවසානයේ වාර්තා කොට තිබුනේ කඩුලු 5 ට ලකුණු 87 කි. ඕවර 20 ක් අවසානයේ දෙපිලම ලකුණු 74 ක් සටහන් කර තිබුනද ඒ වන විට ඉන්දියාවේ කඩුලු 4 ක් බිද වැටි තිබුනු අතර ශි‍්‍ර ලංකාවට අහිමව තිබුනේ කඩුුලු 2 ක් පමණි. ඕවරයකට ලකුණු 2.94 ක් ජයග‍්‍රාහි වේගයක් රඳවා ගෙන යා යුතුව තිබු ශී‍්‍ර ලංකා පිල ඉනිම ආරම්භයේ සිටම ඕවරයකට ලකුණු 3 කට වැඩි වේගයක් පවත්වා ගෙන ගියේය. ආක‍්‍රමණශීලී පිතිකරු සනත් ජයසුරියට ඊයේ ලබා ගත හැකි වුයේ ලකුණු 10 ක් පමණි. 7 වැනි ඕවරයේ මුනාෆ් පටෙල් ගේ පන්දුවකට ඔහු ලොන්ග් ඕන් හරහා හයේ පහරක් එල්ල කිරිමට ගත් උත්සාහය වැරදි එක තැන ඉහළට ගිය පන්දුව ඉදිරි තරග විනිසුරු අසලදී ඉර්ෆාන් පතන් රැක ගත්තේය. කුමාර් සංගක්කාර පන්දු 41 කට මුහුණ දෙමින් හතරේ පහර 2 ක් එල්ල කොට පටෙල්ගේ පන්දුවකට ඔහුටම උඩ පන්දුවක් දෙමින් ලකුණු 19 කට දැවී ගියේය. ලකුණු 21 ට කඩුලු 3 ක් බිදහෙලූ අජන්ත මෙන්ඩිස් තරගයේ වීරයා ලෙස නම් කෙරිණි. කාසියේ වාසිය දිනා ප‍්‍රථමයෙන් පන්දුවට පහර දීමට ඉන්දියාව තීරණය කළද ඔවුන්ගේ පිතිකරණය අසාර්ථක වෙමින් සියළුම කී‍්‍රඩකයෝ ඕවර 46 ක් තුළදී ලකුණු 146 කට දැවී ගියහ. ශි‍්‍ර ලංකා පන්දු යවන්නන්ගේ ප‍්‍රබල අභියෝගයකට මුහුණ දීමට සිදුවු ඉන්දියානුවන්ගේ මුල් පෙල කඩුලු ති‍්‍රත්වය චමින්ද වාස් හා නුවන් කුලසේකරගේ වේග පන්දු ප‍්‍රහාරයට ගොදුරු වු අතර මැද පෙල හා අග පෙල මුත්තයියා මුරලිදරන් හා අජන්ත මෙන්ඩිස්ගේ දඟ පන්දු හමුවේ බිඳ වැටිණි. මෙන්ඩිස් ලකුණු 21 කට කඩුලු 3 ක්ද මුරලිදරන් ලකුණු 37 කට කඩුලු 3 ක්ද බිඳ හෙලූහ. ඉන්දියාව වෙනුවෙන් වැඩිම ලකුණු ලබා ගත් පිතිකරුවා වුයේ යුවරාජ් සිංය. ලකුණු 5 ක් ලබාගෙන සිටියදී කුලසේකරගේ පන්දුවකට දුන් උඩ පන්දුව දෙවන ‘ස්ලිප්’ හි මහේල ජයවර්ධන අත හැරිම නිසා දැවී යාමෙන් බේරුණු ඔහු අවසානයේ ලකුණු 23 කට දැවී ගියේය. පන්දු 30 කට මුහුණ දුන් යුවරාජ් හතරේ පහර 2 ක් හා හයේ පහරක් එල්ල කලේය. මෙන්ඩිස්ගේ තෙවන පන්දුවට ලෝන්ග් ඔන් හරහා හයේ පහරක් එල්ල කළ ඔහු ඊළඟ පන්දුව කෙළින්ම කඩල්ලේ වැදිමෙන් දැවී ගියේය. ඉන්දියානු ඉනිමේ ලකුණු ලබා ගැනීමේ වේගය සෑම විටම පාහේ ලකුණු 3 කට අඩුවෙන් තබා ගැනීමට ශී‍්‍ර ලාංකික කී‍්‍රඩකයෝ සමත් වූහ. පළමු ඕවර 12 අවසන් වන විට ඉන්දියාව පිලේ පළමු කඩුලු 3 ලකුණු 36 කට බිඳ වැටී තිබිණි. පෙරේදා පුහුණුවීම් වලදි පාදයේ ආබාධයකට ලක්වීම නිසා විරේන්ද්‍ර සෙවාග් ඊයේ තරගයට සහභාගි නොවු අතර ඒ වෙනුවට කී‍්‍රඩා කළ විරාට් කෝලි (12) හටද සාර්ථක ඉනිමක නියැලීමට නොහැකි විය. ආක‍්‍රමණශීලී පිතිකරුවකු ලෙසින් සැලකෙන කෝලි මේ වසරේ වයස 19 න් පහළ ලෝක සූරතාව දිනු ඉන්දියා පිලේ නායකයා විය. ඉන්දියා ඉනිමේ පළමු ඕවර 25 අවසන් වන විට ඔවුන්ගේ කඩුලු 5 ක් ලකුණු 87 කට බිඳ වැටි තිබිණි. 5 වැනි කඩුල්ල ලෙසින් දැවී ගිය රෝහිත් ෂර්මා දෙවැනියට වැඩිම ලකුණු රැස් කළ කී‍්‍රඩකයා වෙමින් හතරේ පහරක් හා හයේ පහරක් සමග ලකුණු 19 ක් ලබා ගත්තේය. ඔහු මේ ලකුණු 19 ලබා ගැනීමට පන්දු 31 කට මුහුණ දුන්නේය. ඉන්දියා පිලේ මුළු ලකුණු 100 වාර්තා වූයේ 35 වැනි ඕවරයේදිය. ඒ වන විට ඔවුන්ගේ කඩුලු 7 ක් බිඳ වැටී තිබිණි. ඉන්දියා පිලේ අග පිතිකරු යුගලය වු ප‍්‍රග්‍යාත් ඔජා සහ මුනාෆ් පටෙල් අවසන් කඩුල්ල වෙනුවෙන් ලකුණු 29 ක් එක් කළහ.