යුද්ධය සහ පළාත් සභා මැතිවරණය පටලවා නොගන්නා ලෙස තමන් ජනාධිපතිවරයා වෙත දන්වා සිටින්නේ යැ යි උතුරු මැද පළත් සභා මැතිවරණයේ එක්සත් ජාතික පක්‍ෂ මහ ඇමති ධූර අපේක්‍ෂක මේජර් ජෙනරාල් ජානක පෙරේරා මහතා පවසයි.
මේජර් ජෙනරාල් ජානක පෙරේරා මහතා එසේ පැවසුවේ විපක්‍ෂනායක රනිල් වික්‍රමසිංහ මහතාගේ සහභාගිත්වයෙන් ඊයේ (12) අනුරාධපුර දිස්ත්‍රික්කයේ පැවති මැතිවරණ ප්‍රචාරක රැළි අමතමිනි.
එහිදී වැඩිදුරටත් කථා කළ මේජර් ජෙනරාල් ජානක පෙරේරා මහතා මෙසේ ද පැවසීය.
"1993 දී ඩී බී විජේතුංග ජනාධිපතිවරයා සහ රනිල් වික්‍රමසිංහ අග්‍රාමාත්‍යවරයා මෙරට පාලනය කළ සමයේ පළාත් සභා මැතිවරණයක් පැවතියදී ම රටේ යුද්ධයකුත් පැවතුණා. ඒත් එදා පළාත් සභා මැතිවරණය ජයග්‍රහණය කළහොත් යුද්ධය දිනිය හැකි බව රටේ පාලකයන් සඳහන් කළේ නැහැ.
ඒත් වත්මන් ආණ්ඩුවේ නායකයින් කියන්නේ පළාත් සභා මැතිවරණය දිනා යුද්ධය ශක්තිමත් කළ හැකි බවයි. යුද හමුදාවේ දීර්ඝ කලක් සේවය කළ අත්දැකීම් ලැබූ නිළධාරියෙකු ලෙස මට කිව හැක්කේ එහි කිසිඳු සත්‍යක් නොමැති බවයි. එනිසා මා ජනාධිපතිවරයාට කියන්නේ යුද්ධය සහ පළාත් සභා මැතිවරණය පටලවා නොගන්නා ලෙසයි.
එදා මා උතුරු මැද පළාත ආරක්‍ෂා කරගත්තා. ඒත් වත්මන් ආණ්ඩුව යටතේ මේ පළාත අනාරක්‍ෂිත ස්ථානයක් බවට පත් වෙමින් පවතිනවා. අනුරාධපුර ගුවන් හමුදා කඳවුරට එල්ල වුණු දරුණු ප්‍රහාරය මෙන් ම කැබිතිගොල්ලෑවේ දී බස් රථයකට ප්‍රහාරයක් එල්ල වීම ඊට නිදසුන්.
ඒ නිසා ජනාධිපතිතුමා, 23 දා උතුරු මැද පළාත් සභා මැතිවරණයෙන් ජයග්‍රහණය කිරීමෙන් පසුව මම උතුරු මැද පළාත බලා ගන්නම්. ඔබතුමා යුද්ධය බලා ගන්න!
Subscribe to:
Post Comments (Atom)
No comments:
Post a Comment