වර්ණන් ගුණසේකර දඹුල්ලේ සිට....
සංචාරක ඉන්දීය කි‍්‍රකට් පිල හා ශ‍්‍රී ලංකාව අතර දෙවැනි එක්දින ජාත්‍යන්තර කි‍්‍රකට් තරගය අද රංගිරි දඹුලු කි‍්‍රකට් කී‍්‍රඩාංගණයේදී පැවැත්වේ.
එක්දින තරග 5 කින් සමන්විත ශ‍්‍රී ලංකා ඉන්දියා කි‍්‍රකට් තරගාවලියේ ප‍්‍රථම තරගයේ පහසු ජයග‍්‍රහණයත් සමඟ 1 – 0 කින් ශ‍්‍රී ලංකාව ඉදිරියෙන් සිටී. එය අද තරගයට එක්වන ශ‍්‍රී ලංකා කී‍්‍රඩකයන්ට ප‍්‍රබල මානසික ශක්තියක් ඇතිකරවන්නකි.
ප‍්‍රථම තරගයට එක්නොකළ ශ‍්‍රී ලංකා ආරම්භක පිතිකරුවන් ලෙස සංචිතයේ සිටින මහේල උඩවත්ත හෝ මලින්ද වර්ණපුර අද තරගයට කී‍්‍රඩා කිරීමට බොහෝ සෙයින් ඉඩ ඇත.
එයට හේතුව ලෙස දැක්විය හැකිවන්නේ සනත් ජයසූරිය සමඟ ශ‍්‍රීී ලංකා ඉනිම ආරම්භක කළ කුමාර සංගක්කාරගෙන් බලාපොරොත්තු වූ සේවය නොලැබී යෑමය.
ප‍්‍රථම එක්දින තරගයේදී පන්දු යවන්නන්ට සාර්ථක ප‍්‍රතිඵල ගෙනදුන් රන්ගිරි දඹුලු විකට්ටුවේදී අජන්ත මෙන්ඩිස් හා මුත්තයියා මුරලිදරන් කඩුලු 6 ක් බිඳහෙළීය.
තරගයෙන් අනතුරුව මාධ්‍යවේදීන් වෙත අදහස් දැක්වූ නායක මහේල ජයවර්ධන ප‍්‍රකාශ කෙළේ පන්දු යවන්නන්ට උචිත විකට්ටුවේ කලින් කඩුලු ලබාගැනීමට හැකිවීම ජයග‍්‍රහණයට ප‍්‍රධානතම හේතුව වූ බවයි.
“ඉන්දියාව පාලනය කරන්න මුල් කඩුලු තුන හතර ඉක්මනින් ලබාගත යුතුයි. වැදගත් වන්නේ අපේ උපරිම ශක්තිය යෙදවීමයි. මේ දිනවල අපේ කී‍්‍රඩා විලාශය සාර්ථකව ඒ දේ කරනවා” යැයි ජයවර්ධන ප‍්‍රකාශ කළේය.
ප‍්‍රථම තරගයේදී ඉන්දීය පන්දු යැවීමේ අංශය සාර්ථක වූ බව නායක මහේන්ද්‍ර සිං දෝනි ප‍්‍රකාශ කෙළේය. එහෙත් පිතිකරුවන්ට ආරක්ෂාකාරිව පන්දුවට පහරදීමට නොහැකිවීම පරාජයට හේතුව වූ බව දෝනිගේ අදහස විය.
“මෙන්ඩිස්ට මුහුණදීමේදී කඩුලු ආරක්ෂා කිරීමත් ලකුණු ලබාගැනීමත් අභියෝගාත්මකයි. මෙන්ඩිස්ව අවබෝධ කර ගැනීම දුෂ්කරයි. මුරලිව අපට බොහෝවිට හමුවී තිබෙනවා. මුරලිට වඩා මෙන්ඩිස් භයානකයි.
ඔහුව තේරුම් ගන්නාවිට හොඳ ප‍්‍රහාරයකට යෑම ප‍්‍රමාදයි. අපට සාර්ථක වන්නට නම් ඔහුට මුහුණ දෙනවා වගේම වටේටම ප‍්‍රහාර එල්ල කිරීමත් කළ යුතු වෙනවා.” යැයි දෝනි මාධ්‍යවේදීන් හමුවේ පැවැසීය.
අද තරගයට හා ඉදිරි තරග තුනටම ඉන්දීය ප‍්‍රබල පිතිකරු විරේන්ද්‍ර ෂෙවාග්ගේ සේවය අහිමිවී යනු ඇත. පාදයේ වළලුකර පෙදෙසේ ආබාධයක් ඇතිවීමෙන් ඔහුට තරගාවලියෙන් ඉවත්වීමට සිදුවනු ඇත.
ෂෙවාග් එක්දින ජාත්‍යන්තර තරග 191 කදී ශතක 9 ක් හා අර්ධ ශතක 29 ක්ද සමඟ ලකුණු 5810 ක් ලබා ඇති ප‍්‍රබල ප‍්‍රහාරකයෙකි.
Subscribe to:
Post Comments (Atom)
No comments:
Post a Comment