නිරූෂි විමලවීර
සුදුසු නායකයකු පත් කර ගන්නා තුරු රනිල් වික‍්‍රමසිංහ මහතා එක්සත් ජාතික පක්ෂයේ නායකත්වයේ සිටිය යුතු බව කෘත්‍යාධිකාරී මණ්ඩලයේ එක් පිරිසක් කියා සිටී.
එහෙත් කෘත්‍යාධිකාරී මණ්ඩලයේ බහුතරයකගේ මතය වී ඇත්තේ පක්ෂ නායකත්වයෙන් සහ විපක්‍ෂ නායක තනතුරෙන් වික‍්‍රමසිංහ මහතා වහාම ඉවත් විය යුතු බවය.
මේ තත්වය යටතේ අද (28) පස්වරුවේ වික‍්‍රමසිංහ මහතාගේ ප‍්‍රධානත්වයෙන් රැස්වන කෘත්‍යාධිකාරී මණ්ඩලයේදී උණුසුම්කාරී තත්ත්වයක් උද්ගත වනු ඇතැයි බලාපොරොත්තු වෙයි.
විපක්‍ෂ නායකවරයා විසින් පත් කරන ලද එජාප ප‍්‍රතිසංවිධාන යෝජනා කමිටු වාර්තාව අද පැවැත්වෙන කෘත්‍යාධිකාරි මණ්ඩලය රැස්වීමට ඉදිරිපත් කරන බව විපක්‍ෂයේ ප‍්‍රධාන සංවිධායක ගම්පහ දිසා මන්තී‍්‍ර ජෝශප් මයිකල් පෙරේරා මහතා ප‍්‍රකාශ කෙළේය.
එජාපයට නියෝජ්‍ය නායකයකු හා උප නායකයන් තිදෙනකු මහා සභාවේදී බහුතර ඡන්දයෙන් පත් කළ යුතු බව ඇතුළු යෝජනා ගණනාවක් ලැබී ඇති බවද එම යෝජනා අද ඉදිරිපත් කරන බවද ඒ මහතා කීය.
පාර්ලිමේන්තු මන්තී‍්‍රවරුන්වන ජෝන් අමරතුංග ගාමිණි ජයවික‍්‍රම පෙරේරා, රේණුකා හේරත්, අමරා පියසීලි හා සරත්චද්‍ර රාජකරුණා යන මහත්ම මහත්මීන් එම කමිටුව සඳහා පත් කර තිබිණි.
එජාප කෘත්‍යාධිකාරි මණ්ඩලයේ සාමාජිකයන් 60 පමණ සිටින බවත්, ඉන් බහුතරයකගේ මතය විපක්‍ෂ නායකවරයා අදාළ තනතුරුවලින් ගෞරාවාන්විතව ඉවත් වී යායුතු බවද එජාප මන්තී‍්‍රවරයෙක් “ දිනමිණ “ කීවේය.
පක්ෂයේ බහුතරයකගේ හා බහුතර ජනතාවගේ මතය විපක්‍ෂනායකවරයා සියලු තනතුරු වලින් ඉවත් විය යුතු බව කී ඒ මහතා ජනතා මතයට පක්ෂ නායකයා කි‍්‍රයා කරනු ඇතැයි අපේක්‍ෂා කරන බව පැවැසීය.
Subscribe to:
Post Comments (Atom)
No comments:
Post a Comment