ශී‍්‍ර ලාංකික පිතිකරණයේ ප‍්‍රබල පසුබෑමක් ඉන්දියාව 3-1 කින් තරගමාලාව ජය ගනී

වර්නන් ගුණසේකර
ශී‍්‍ර ලංකා පිතිකරුවන්ගේ අපරීක්‍ෂාකාරී කී‍්‍රඩාව හේතුවෙන් ඉන්දියාවට එරෙහි සිවුවැනි ජාත්‍යන්තර එක් දින කි‍්‍රකට් තරගයෙන් ශී‍්‍ර ලංකාව ඊයේ ලකුණු 46 ක පරාජයක් ලැබීය.
මේ ජයග‍්‍රහණයත් සමග ඉන්දියාව තරග 3-1 කින් මෙවර තරගමාලාව ජය ගත්තේ ය. මේ අනුව හෙට දෙපිල අතර පැවැත්වෙන පස්වැනි හා අවසාන එක්දින තරගය හුදෙක් වාර්තා පොතට පමණක් වැදගත් වනු ඇත.
ආර්. පෙ‍්‍ර්මදාස කී‍්‍රඩාංගණයේ දී ඊයේ පැවැති සිවුවැනි එක්දින තරගයේ ප‍්‍රථමයෙන් පන්දුවට පහර දුන් ඉන්දියාව ලකුණු 258 ක් වාර්තා කළ අතර ඊට පිළිතුරු වශයෙන් ශී‍්‍ර ලංකාවට ලබා ගත හැකි වූයේ ලකුණු 212 ක් පමණි.
තරගයේ වීරයා සම්මානය සුරේෂ් රයිනා ට හිමි විය. ශී‍්‍ර ලංකා පිල ලකුණු 259 ක ජයග‍්‍රාහී ඉලක්කයක් හඹා යාමේදී මලින්ද වර්ණපුර (0) හා කුමාර් සංගක්කාර (06) ගේ කඩුලු මුළු ලකුණු 28 හා 38 දී බිඳ හෙලීමට මූනාෆ් පටෙල් සමත් විය.
මහේල ජයවර්ධන දුවද්දී දැවී ගිය අතර ඔහුට ලබා ගත හැකි වූයේ ලකුණු 16 ක් පමණි.
සනත් ජයසූරිය කලකට පසුව ඊයේ ආක‍්‍රමණශීලී පිති හරඹයක නියැලෙමින් පන්දු 47 කදී අර්ධ ශතකයක් වාර්තා කළේ ය. හර්බජන් සිං ගේ තෙවැනි පන්දුවට පළමු ‘ස්ලිප්’ හි සුරේෂ් රයිනා අතට උඩ පන්දුවක් දෙමින් දැවී යන විට ජයසූරිය හතරේ පහර 8 ක් හා හයේ පහර 2 ක් සමග ලකුණු 60 ක් රැස් කරගෙන සිටියේ ය.
පන්දුවෙන් හා පිත්තෙන් දස්කම් දැක්වූ තිළිණ තුෂාර මිරැන්ඩෝ.
ඔහු මහේල හා එක්ව තෙවන කඩුල්ල වෙනුවෙන් ලකුණු 36 ක් එක් කළේ ය. ඉන්දියාව ඕවර 25 ක් අවසානයේ කඩුලු 3 කට ලබා ගෙන සිටි ලකුණු 113 ට එරෙහිව ශී‍්‍ර ලංකාව කඩුලු 4 ක් දැවී ලකුණු 112 ක් ලබා ගෙන සිටියේ ය.
චාමර කපුගෙදර (30) හා චමින්ද වාස් (17) දැවී ගියේ යුවරාජ් සිං ගේ පන්දුවලට ය. දෙදෙනාම කඩුල්ල මුවා කිරීමේ වරදට හසු වූහ. තිලිණ තුෂාර මිරැන්ඩෝ ඊයේ සටන්කාමී ඉනිමක නිරත විය.
ඔහු යුවරාජ් සිං ගේ එක් ඕවරයක දී දැවැන්ත හයේ පහර 2ක් එල්ල කළේ නරඹන්නන් පී‍්‍රති ප‍්‍රමෝදයට පත් කරවමිනි. තිළිණ තුෂාර පන්දු 29 කදී හතරේ පහර 2 ක් හා හයේ පහර 2 ක් සමගින් අගනා ලකුණු 40 ක් වාර්තා කිරීමට සමත් විය.
වාස් කඩුලු 400 සමාජයට
ශී‍්‍ර ලංකා ආරම්භක වේග පන්දු යවන චමින්ද වාස් ඊයේ ජාත්‍යන්තර එක්දින කි‍්‍රකට් කඩුලු 400 සමාජයට එක්විය. ආක‍්‍රමණශීලී පිතිකරුවකු ලෙසින් සැලකෙන යුවරාජ් සිං, වාස්ගේ 400 වැනි ගොදුර බවට පත්විය. වාස් ඊයේ යැවූ ඔහුගේ 7වැනි ඕවරයේ පළමු පන්දුවට “ෂෝට් මිඩ් විකට්” හි මහේල ජයවර්ධන අතට උඩපන්දුවක් ලබාදෙමින් යුවරාජ් ලකුණු නොලබාම ආපසු කී‍්‍රඩාගාරයට ගියේය.
මෙම තරගමාලාවේදී ඉන්දියාව පිට පිට සිවුවැනි වතාවටත් ඊයේ කාසියේ වාසිය දිනාගත් අතර මුලින් පන්දුවට පහරදීමට පිවිසි ඉන්දියා පිලේ ප‍්‍රථමයෙන් දැවී ගිය පිතිකරුවා වූයේ ගෞතම් ගම්භීර් (17) ය.
නුවන් කුලසේකර එම කඩුල්ල ලබා ගත්තේය. ගම්භීර් හා විරාට් කෝලි ආරම්භක කඩුල්ල වෙනුවෙන් ලකුණු 44ක් එක් කළහ. මුළු ලකුණු 51දී යුවරාජ් සිං දවාලීමත් සමඟ වාස්, වසීම් අක‍්‍රම් (502) මුත්තයියා මුරලිදරන් (478) හා වකාර් යුනුස් (416) යන එක්දින කඩුලු 400 සමාජයට ඇතුළත් විය.
කෝලි හා සුරේෂ් රයිනා එක්ව තෙවන කඩුල්ල වෙනුවෙන් ලකුණු 30ක් රැස්කරමින් සිටියදී කෝලි දැවී ගියේය. ඔහු පන්දු 66කට මුහුණ දෙමින් හතරේ පහර 7ක් සමඟ ලකුණු 54ක් වාර්තා කළේය. තිළිණ තුෂාර මිරැන්ඩෝ ඊයේ ඔහුගේ තෙවැනි පන්දුවෙන්ම එම කඩුල්ල ලබාගැනීමට සමත් විය. මේ අනුව ඉන්දියා පිලේ තෙවැනි කඩුල්ල 18 වැනි ඕවරයේදී මුළු ලකුණු 81 දී බිඳ වැටිණි.
වාස් කඩුලු 400 යි.
ඉන්දියා ඉනිමේ හොඳම කඩුලු සබඳතාවය වාර්තාවූයේ ඉන් අනතුරුවය. සිවුවැනි කඩුල්ල වෙනුවෙන් එක්වූ සුරේෂ් රයිනා සහ නායක මහේන්ද්‍ර සිං දෝනි මිනිත්තු 96ක් තිස්සේ පන්දු 141කට මුහුණ දෙමින් ඉනිම ගොඩනගන්නට වූ අතර අවසානයේ රයිනා දැවී යන විට මේ දෙදෙනා ලකුණු 143ක් රැස්කර සිටියහ.
රයිනා හතරේ පහර හයක් හා හයේ පහරක් සමඟ ලකුණු 76ක් ලබා ගත් අතර තිලිණ තුෂාර යැවූ තරගයේ 41 වැනි ඕවරයේදී ඔහු නුවන් කුලසේකර අතට උඩපන්දුවක් දෙමින් දැවී ගියේය.
තුෂාර ඔහුගේ ඊළඟ ඕවරයේදී දෝනිගේ කඩුල්ල ලබා ගත්තේය. එම උඩ පන්දුව දර්ශනීය අයුරින් ‘මිඩ් ඕෆ්’ හිදී රැක ගත්තේ සනත් ජයසූරියය. පන්දු 80 කට මුහුණදුන් දෝනි හතරේ පහර 4ක් සමඟ ලකුණු 71ක් වාර්තා කළේය.
තිලිණ තුෂාර මිරැන්ඩෝ ලකුණු 47කට කඩුලු 5ක් බිඳ හෙලමින් ඔහුගේ කී‍්‍රඩා දිවියේ හොඳම පන්දු යැවීම ඊයේ සටහන් කළේය.
ශී‍්‍ර ලංකාව ඊයේ චාමර සිල්වා වෙනුවට මලින්ද වර්ණපුර කැඳවා තිබිණි.
කී‍්‍රඩා ඇමැතිගෙන් වාස් ට සුබ පැතුම්
ශී‍්‍ර ලංකාවත් ඉන්දියාවත් අතර ඊයේ (27) ආර්. පෙ‍්‍ර්මදාස කී‍්‍රඩාංගණයේ දී පැවැති සිවු වැනි එක්දින තරගයේ දී එක්දින ජාත්‍යන්තර කඩුලු 400 ක් ලැබූ චමින්ද වාස් වෙත කී‍්‍රඩා හා පොදු විනෝදාත්මක කටයුතු ඇමැති ගාමිණී ලොකුගේ මහතා සිය උණුසුම් සුබ පැතම් පළ කර සිටී.
වාස් ගේ කි‍්‍රකට් දිවිය සර්වප‍්‍රකාරයෙන් සාර්ථක වේවායි ඇමැතිවරයා සුභාශිංසනය කරයි.