විජයානි එදිරිසිංහ, චන්ද්‍රිකා පෙරේරා සහ භක්ති ධර්මප‍්‍රිය මෙන්ඩිස්
ඉරණමඩු වැවට කිලෝ මීටර් තුනක් පමණ වයඹ දෙසින් පිහිටා තිබුණු මරාගෙන මැරෙන කළු කොටි පුහුණුකිරීමේ මධ්‍යස්ථානයක් සහිත ක¼ඳවුරකට ඊයේ (30) උදෑසන ගුවන් හමුදාව විසින් ප‍්‍රහාර එල්ලකැර සම්පූර්ණයෙන්ම විනාශ කැර තිබේ.
ප‍්‍රහාරක ජෙට් යානා මගින් එදින උදෑසන 6.35 ට පමණ මෙම පහරදීම සිදුකැර ඇත. ප‍්‍රහාරයෙන් පසු කඳවුරු පරිශ‍්‍රයේ පිහිටි ගොඩනැගිලි පුපුරා විනාශවී යන අයුරු ගුවනින් නිරීක්ෂණය කැර ඇති බව ගුවන් හමුදා මාධ්‍ය ප‍්‍රකාශක වින්ග් කමාන්ඩර් ජනක නානායක්කාර පැවැසීය.
ප‍්‍රභූ ඝාතන ඇතුළු විවිධ ප‍්‍රහාරයන් එල්ලකිරීම සඳහා එල්. ටී. ටී. ඊ. සංවිධානය විසින් මරාගෙන මැරෙන කොටි සාමාජිකයන් පුහුණුකරමින් සිටි මෙම කඳවුර තුළ පුපුරන ද්‍රව්‍ය සහිත අවි ගබඩාවක්ද පිහිටා තිබුණු බව බුද්ධි අංශ මගින් අනාවරණය කරගෙන තිබිණි.
මේ අනුව නිවැරැදි ඉලක්කය වෙත ප‍්‍රහාර එල්ලකිරීමෙන් පසු කඳවුරු පරිශ‍්‍රය විනාශ වන අයුරු නියමුවන් විසින් නිරීක්ෂණය කර තිබේ.
මේ අතර වවුනියාව වෙල්ලන්කුලම්, කලමඩු හා වැලිඔය කිරිඉබ්බන්වැව උතුර ප‍්‍රදේශවල පිහිටා තිබුණු කොටි ත‍්‍රස්තවාදීන්ගේ් ශක්තිමත් ස්ථාන තුනක් සමග බංකර් අටක් යුද හමුදා භටපිරිස් විසින් පෙරේදා (29) අත්පත්කරගෙන තිබේ.
එදින දෙපිරිස අතර එම ප‍්‍රදේශවලදී ඇතිවූ ගැටුම් හේතුවෙන් ත‍්‍රස්තවාදීන් 21 දෙනෙකු මියගොස් තවත් 16 කට තුවාල සිදුව ඇත.
මෙහිදී යුද හමුදා සෙබළුන් සිවුදෙනකු ජීවිතක්ෂයට පත්ව 9 ක් තුවාල ලබා රෝහල්ගත කැර ඇතැයි ජාතික ආරක්ෂාව පිළිබඳ මාධ්‍ය මධ්‍යස්ථානය පැවැසීය.
ප‍්‍රහාරවලින් පසු සිදුකළ සෝදිසි මෙහෙයුම් වලදී ටී 56 ජීව උණ්ඩ 5500, මිලි මීටර් 60 මෝටාර් බෝම්බ අටක්, එම ගිනි අවියක්, ටී. 56 ගිනි අවි, අත්බෝම්බ, කොටි නිල ඇඳුම් කට්ටල, ක්ෂේත‍්‍ර වෙළුම්පටි තොගයක් සමග ත‍්‍රස්තවාදී මළසිරුරක් සොයා ගත් බව යුද හමුදාව පවසයි
Subscribe to:
Post Comments (Atom)
No comments:
Post a Comment