මහින්ද කුලතුංග
එල්. ටී. ටී. ඊ. සංවිධානය විසින් ප‍්‍රකාශයට පත් කරන ලද ඒකපාර්ශවීය සටන් විරාමය යළි කඩ කරමින් ඊයේ (29) උදේ කොටි ත‍්‍රස්තවාදීන්ම යාපනය මුහමලේ ඉදිරි ආරක්ෂක වළල්ලට කාලතුවක්කු ප‍්‍රහාරයක් එල්ල කර තිබේ.
එම ප‍්‍රහාරයෙන් යුද හමුදාවේ සෙබළුන් දෙදෙනකු තුවාල ලබා ඇත. උදේ 6.00 ත් 6.30 ත් අතර කාලයේ දී එල්ල කළ මෙම ප‍්‍රහාරයේදී කාලතුවක්කු ප‍්‍රහාර 10 ක් එල්ල කර ඇති බවත් යුද හමුදාව ප‍්‍රකාශ කෙළේය.
යුද හමුදාව මගින් කලින් අත්පත් කර ගත් ත‍්‍රස්තවාදීන් සතු අතහැර දමා ඇති බංකර කීපයකටද ත‍්‍රස්තවාදීන් කාලතුවක්කු ප‍්‍රහාර එල්ල කර තිබූ බවත් හමුදාව පැවසීය.
සාර්ක් රාජ්‍ය නායක සමුළුවට සහාය පළ කිරීම සඳහා ඉදිරිපත් වෙමින් පසුගිය 26 වැනිදා සිට කි‍්‍රයාත්මක වන පරිදි එල්. ටී. ටී. ඊ. සංවිධානය ඒක පාර්ශවීය සටන් විරාමයක් ප‍්‍රකාශයට පත් කර තිබුණත් ඊයේ උදේ කරන ලද මෙම කාලතුවක්කු ප‍්‍රහාරයෙන් එම ඒකපාර්ශවීය සටන් විරාමය ඔවුන් විසින්ම කඩ කළ බව යුද හමුදා මූලස්ථානය නිවේදනය කරයි.
Subscribe to:
Post Comments (Atom)
No comments:
Post a Comment