චන්ද්‍රිකා පෙරේරා, භක්ති ධර්මපි‍්‍රය මෙන්ඩිස්
පුනරීන් කල්මුණේතුඩුව මුහුදු ප‍්‍රදේශයේදී මුහුදු කොටි ත‍්‍රස්තවාදීන් හා නාවික හමුදා විශේෂ යාත‍්‍රා බළගණය අතර පෙරේදා (29) රාතී‍්‍ර ඇති වූ ගැටුමකින් කොටි බෝට්ටු දෙකක් සම්පූර්ණයෙන්ම මුහුදුබත් වී තිබේ.
එම ගැටුමේදී කොටි ත‍්‍රස්තවාදීන් අටදෙනකුද ජීවිතක්ෂයට පත්ව ඇත. ශී‍්‍ර ලංකා නාවික හමුදාව විසින් සාදන ලද කුඩා ප‍්‍රහාරක යාත‍්‍රා යොදා ගනිමින් මුහුදු කොටින් වෙත මෙම පහරදීම සිදුකළ බව නාවික හමුදාවේ වැඩබලන මාධ්‍ය ප‍්‍රකාශක කමාන්ඩර් මහේෂ් කරුණාරත්න පැවසීය.
කල්මුණේ තුඩුව ප‍්‍රදේශයෙන් මුහුදට පිවිසි මෙම ත‍්‍රස්ත බෝට්ටු දෙක දැක ඇති විශේෂ යාත‍්‍රා පෙළ සෙබළුන් ඒවා කොටි ත‍්‍රස්තවාදීන්ගේ බවට හඳුනා ගැනීමෙන් පසු පහරදීම සිදුකර තිබේ.
කොටි යාත‍්‍රා මගින්ද නාවිකයින් වෙත ප‍්‍රහාර එල්ල කැර ඇතත් ඉන් නාවික හමුදාවට කිසිදු හානියක් සිදුව නැති බව නාවික හමුදාව පවසයි.
රාතී‍්‍ර 11.00 ට පමණ ප‍්‍රහාරය එල්ල කැර ඇති බවත් ජාතික ආරක්ෂාව පිළිබඳව මාධ්‍ය මධ්‍යස්ථානය පවසයි.
යාත‍්‍රා රාතී‍්‍ර නිරීක්ෂණය කරනවාත් සමගම නාවික හමුදාව විසින් ඒවා මුහුදු කොටි යාත‍්‍රා බව ඉතා ඉක්මනින් හඳුනාගෙන තිබේ.
පසුව නාවික හමුදාව කොටි යාත‍්‍රා වෙත සාර්ථකව ප‍්‍රහාර එල්ල කරමින් ඒවා ගිණිගෙන දැවෙනු දැක ඇත.මෙහිදී මුහුදු කොටි අටදෙනකු මියගොස් ඇති බව නාවික හමුදාව පවසයි.
Subscribe to:
Post Comments (Atom)
No comments:
Post a Comment