කොළඹ කොටුවේ සම්බුද්ධාලෝක විහාරස්ථානය අසලදී සිකුරාදා පුපුරා ගිය මරාගෙන මැරුණු කොටි ත‍්‍රස්තවාදියාගේ ව්‍යාජ හැඳුනුම්පත සකස් කළේ කෙසේද යන්න පිළිබඳව පුළුල් පොලිස් පරීක්‍ෂණ පැවැත්වේ.
වැල්ලවත්ත ප‍්‍රදේශයේ ලිපිනයක පදිංචි මුස්ලිම් ජාතිකයකුගේ නමට මෙම ව්‍යාජ හැඳුනුම්පත සකස් කර ඇති අතර එහි සඳහන් ලිපිනය හෝ සඳහන් නම ව්‍යාජ එකක් බව පරීක්‍ෂණ කණ්ඩායම්වලට තහවුරු වී තිබේ.
මෙම හැඳුනුම්පත සකස් කර ගැනීම සඳහා ආධාර උපකාර කළ ග‍්‍රාම සේවා නිලධාරීවරයා කවරෙක්ද යන්න පිළිබඳවද පරීක්‍ෂණ පැවැත්වෙන අතර මේ සම්බන්ධයෙන් මේ වන විට පුද්ගලයින් රැසකගෙන් ප‍්‍රශ්න කර තිබේ.
මරාගෙන මැරුණු ත‍්‍රස්තවාදියාගේ රියදුරු බලපත‍්‍රය ද, හැඳුනුම්පතේ සඳහන් නමටම සකස් කර තිබී ඇති අතර ඒ සම්බන්ධයෙන් ද පරීක්‍ෂණ පැවැත්වේ.
විශේෂ පොලිස් කණ්ඩායම් කීපයක් මෙම බෝම්බ පිපිරීම සම්බන්ධයෙන් පරීක්‍ෂණ පවත්වන අතර මේ වන විට ති‍්‍රකුණාමලයේදී පොලිසිය බාරයට ගෙන ඇති “ජනා” නමැත්තාගෙන් පොලිසිය පුළුල් ලෙස ප‍්‍රශ්න කරයි.
බෝම්බ ප‍්‍රහාරයට යොදා ගත් යතුරුපැදිය ඔහුගේ නමට ලියාපදිංචි කර ඇති අතර ඔහු හා මරාගෙන මැරුණු බෝම්බකරු අතර ඇති සම්බන්ධය කෙසේද යන්න පොලිසියේ අවධානය යොමු වී තිබේ.
මෙම යතුරුපැදිය බෝම්බ ප‍්‍රහාරයට මාසයකට පමණ පෙර කොළඹට ගෙනවිත් ඇතැයි පොලිසිය විශ්වාස කරන අතර එය මාසයක් පුරා කොළඹ කුමන ස්ථානයක තබා තිබුණේ ද යන්න පිළිබඳව ද පරීක්‍ෂණ කණ්ඩායම් විමර්ශනයට ලක්කර තිබේ.
මේ අතර ති‍්‍රකුණාමලයේදී පොලිසිය බාරයට ගැනුණු කොටුව බෝම්බ ප‍්‍රහාරයට යොදා ගත් යතුරුපැදියේ හිමිකරු බවට හඳුනාගෙන ඇති “ජනා” නමැත්තා ටී. ඇම්. වී. පී. පක්‍ෂයේ (පිල්ලෙයාන්) කි‍්‍රයාකාරිකයකු බවට එජාප නායක රනිල් වික‍්‍රමසිංහ මහතා විසින් පවසා සිටියත් එම ජනා නමැත්තා තම පක්‍ෂයේ කි‍්‍රයාකාරිකයකු නොවන බවත්, කොළඹ දී තමා මරා දැමීම සඳහා බෝම්බකරු උත්සාහ කරන්නට ඇතැයි විශ්වාස කරන බව පිල්ලෙයාන් විසින් පුවත්පතකට ප‍්‍රකාශ කර තිබිණි.
Subscribe to:
Post Comments (Atom)
No comments:
Post a Comment