ශී‍්‍ර ලංකාවේ වෙනම රාජ්‍යයක් බිහිකිරීමට කොටි සංවිධානය ප‍්‍රචන්ඩත්වය හා ත‍්‍රස්තවාදය ඉවහල් කැර ගන්නා ආකාරය යළිත් වරක් ලොව හමුවේ ප‍්‍රදර්ශනය කළ අවස්ථාවක් ලෙස ඊයේ (16) දින සෙනඟ පිරුණු කොළඹ මාර්ගයක බෝම්බයක් පුපුරුවා හැරීමේ සිද්ධිය හඳුන්වාදිය හැකියැයි ජනාධිපති මහින්ද රාජපක්ෂ මහතා පවසයි. එමෙන්ම ප‍්‍රජාතන්ත‍්‍රවාදයට හා මානව හිමිකම් සුරැකීමට කොටි සංවිධානයේ ඇති අකමැත්තද මෙම සිද්ධියෙන් පෙන්නුම් කැර ඇතැයි ජනාධිපතිවරයා සඳහන් කරයි.
පොලිස් නිලධාරීන් හා සාමාන්‍ය වැසියන් මරණයට පත් කරමින් හා තුවාල සිදු කරමින් කොටි සංවිධානය සිදු කළ කෲර හා බියගුළු ප‍්‍රහාරය හෙළා දකින ජනාධිපතිවරයා ඝාතනය වූ අයගේ පවුලේ අයටද ශෝකය ප‍්‍රකාශ කර සිටියි.
තුවාල ලැබූ අයට ඉක්මන් සුවයද ජනාධිපතිවරයා ප‍්‍රාර්ථනා කරයි.
ප‍්‍රජාතන්ත‍්‍රවාදය, මානව අයිතීන් සහ ශිෂ්ඨ සමාජයේ අගය වටහාගත් සියලු දෙනා ත‍්‍රස්තවාදය නැමැති ව්‍යවසනය නැති කිරීමේ අවශ්‍යතාව මේ ප‍්‍රහාරයෙන් අවබෝධ කර ගත යුතු බවද ජනාධිපතිවරයා පවසයි.
මෙම කෲර බෝම්බ ප‍්‍රහාරය හේතුවෙන් සාමකාමීව හා පෙළඹීම්වලින් තොරව කටයුතු කරන ලෙසද ජනාධිපතිවරයා මහජනතාවගෙන් ඉල්ලා සිටියි.
Subscribe to:
Post Comments (Atom)
No comments:
Post a Comment