දැනට කි‍්‍රයාත්මක පිහිනුම්, හොකී, ටයිකොන්ඩෝ හා වූෂු අතුරු කමිටු අහෝසි කොට ජූනි මාසයේ අවසන් සතියේදී නිලවරණය පැවැත්වීමට කී‍්‍රඩා අමාත්‍යංශය තීරණය කර ඇත. එම අතුරු කමිටු හතරේ නිලවරණය සඳහා නාමයෝජනා ලබන සඳුදා සිට කැඳවීමට බලාපොරොත්තුවන බව කී‍්‍රඩා අධ්‍යක්‍ෂ ජෙනරාල් ඩී. දහනායක මහතා ‘දිනමිණ’ ට පැවසීය.
පිහිනුම්, හොකී සහ ටයිකොන්ඩෝ අතුරුකමිටු මගින් එම කී‍්‍රඩා සංගම්වල තිබූ අවිධිමත් කි‍්‍රයා මගහරවාගෙන සාමාජික සංගම් නීත්‍යානුකූල තත්ත්වයකට පත් කරගෙන ඇති නිසා තවදුරටත් අතුරුකමිටු කි‍්‍රයාත්මක කිරීමේ අවශ්‍යතාවක් නැතැයි කී‍්‍රඩා අධ්‍යක්‍ෂ ජෙනරාල්වරයා පැවසීය.
එහෙත් වුෂූ කී‍්‍රඩා සම්මේලනයට අදාළ සාමාජික සංගම්වල නීත්‍යානුකූල තත්ත්වයත් සොයා බැලීමට තවත් දින කිහිපයක් ගතවනු ඇතැයි ඒ මහතා පැවැසීය.
කෙසේ වුවද වසර 8කට පෙර පිහිටුවා ඇති වුෂූ අතුරු කමිටුව වෙනුවට වුෂූ සම්මේලනයේ නිලවරණයද ජූනි මස අගදී පැවැත්වෙනු ඇතැයි දහනායක මහතා ප‍්‍රකාශ කළේ ය.
පිහිනුම්, හොකී, ටයිකොන්ඩෝ හා වුෂූ අතුරු කමිටු අහෝසි කොට නාමයෝජනා කැඳවීම සියලුම අනුබද්ධිත සාමාජික සංගම්වෙත ලිඛිතව දැනුම් දීමට කී‍්‍රඩා සංවර්ධන දෙපාර්තමේන්තුව බලාපොරොත්තුවෙයි. ජාතික කී‍්‍රඩා පනත අනුව නිලවරණය පැවැත්වීමේ දිනට මසකට කලින් නාමයෝජනා කැඳවිය යුතුවේ.
මෙම අතුරු කමිටු හතරේ නිලවරණ කී‍්‍රඩා අධ්‍යක්‍ෂ ජෙනරාල්වරයාගේ අධීක්‍ෂණය යටතේ කී‍්‍රඩා සංවර්ධන දෙපාර්තමේන්තුවේදී පැවැත්වේ.
පිහිනුම් අතුරු කමිටුවේ සභාපති ලෙස නියෝජ්‍ය පොලිස්පති සිරිසේන හේරත් මහතා ද ලේකම් ලෙස සමන්ත වික‍්‍රමසිංහ මහතාද කටයුතු කරති.
සමන්ත වික‍්‍රමසිංහ මහතා පෞද්ගලික හේතු මත පිහිනුම් පරිපාලන කටයුතුවලින් ඉවත්වීමට තීරණය කර ඇති නිසා දැනට පිහිනුම් අතුරු කමිටුවේ මාධ්‍ය ප‍්‍රකාශක නේතෘ නානායක්කාර මහතා නිලවරණයේදී ලේකම් තනතුරට නාමයෝජනා ලබාදීමේ සූදානමක් ඇතැයි වාර්තාවේ.
දැනගන්නට ඇති පරිදි හොකී අතුරු කමිටුවේ සභාපති ජ්‍යෙෂ්ඨ පොලිස් අධිකාරී සුමිත් එදිරිසිංහ මහතා හා ලේකම් ගාමිණී ජයසිංහ මහතා ඬලවරණයේදී එම තනතුරුවලට නාමයෝජනා ලබාදීමේ සූදානමක් පවතී.
වුෂූ අතුරු කමිටු සභාපති අමාත්‍ය ටී. බී. ඒකනායක හා ලේකම් මානෙල් ධර්මකීර්ති යන මහත්වරුද වුෂූ නිලවරණයට ඉදිරිපත්වීමේ සූදානමක් පවතින බව වාර්තාවේ.
No comments:
Post a Comment