නැ’හිර ජය ගත් මහජන නියෝජිතයන්ට ජනපති කියයි
නැඟෙනහිර පළාත් සභාව ජයගත් සියලුදෙනා එහි සැබෑ ජයග‍්‍රහණය ජනතාවට ලබාදීමට නම්, ජාතිවාදයෙන් තොරව, සාමයෙන්, සමඟියෙන් සහ අවබෝධයෙන් කටයුතු කළ යුතු බව ජනාධිපති මහින්ද රාජපක්ෂ මහතා පෙන්වා දෙයි.
නිමාවට පත්වූ නැෙඟනහිර පළාත් සභා මැතිවරණය ජයගත් එක්සත් ජනතා නිදහස් සන්ධානයේ මහජන නියෝජිතයින් හා ජනාධිපතිවරයා අතර ඊයේ (16) උදේ අරලියගහ මන්දිරයේ පැවැති විශේෂ සාකච්ඡාව අමතා ජනාධිපතිවරයා එසේ කීය. මෙම හමුවට පැමිණි සියලු නියෝජිතයෝ මහත් හරසරින් හා උණුසුම් අයුරින් ජනාධිපතිවරයා විසින් පිළිගන්නා ලදී.
යළිත් වරක් එල්.ටී.ටී.ඊ.යට කිසිසේත් නැඟෙනහිර පළාත තුළ බලපෑමක් එල්ල කිරීමට ඉඩ දෙන්නේ නෑ. කොටින්ගේ කි‍්‍රයා කලාප අපි හෙළා දකිනවා.
කොටි ත‍්‍රස්තවාදීන්ගෙන් මේ පළාත මුදා ගැනීමෙන් අනතුරුව මේ මැතිවරණය සාධාරණව පැවැත්වීමට හැකිවුණා. ඒ ගැන අපිට සතුටුයි. ජනාධිපතිවරයා කීය. ජනාධිපතිවරයා සමඟ පැවැති සාකච්ඡාවට ටී.එම්.වී.පී. පක්ෂ නායක ශිවනේෂන් චන්ද්‍රකාන්ත (පිල්ලෙයාන්) එම්. ඒ. එල්. එම්. හිස්බුල්ලා, එම්. කේ. ඩී. එස්. ගුණවර්ධන, ආරියවතී ගලප්පත්ති, විමලවීර දිසානායක, තිස්ස තෙවරප්පෙරුම යන මහත්ම මහත්මීහු සහභාගි වී සිටියහ.
Subscribe to:
Post Comments (Atom)
No comments:
Post a Comment