මෙය ශ‍්‍රී ලංකා සමාජයට අලුත් ආරම්භයක් බවත් යුද්ධය ඕනෑ තැනට යුද්ධයත් දේශපාලන විසඳුමක් ඕනෑ තැනට දේශපාලන විසඳුමත් ලබාදෙන බවත් නැඟෙනහිර පළාත් සභාව මේ රටට පාර කියන පහන් තාරකාව බවට පත් කිරීමේ දී මහ ඇමැතිවරයාටත් ඇමැති මණ්ඩලයටත් සියලු ම මන්තී‍්‍රවරුන්ටත් පැවැරෙන වගකීම අති විශාල බවත් නැඟෙනහිර පළාත් සභාවට නව මහ ඇමැතිවරයකු පත් කිරීම නිමිත්තෙන් ජනාධිපති ලේකම් කාර්යාලයේ පැවැති උත්සවයේ දී මහින්ද රාජපක්ෂ ජනාධිපතිතුමා පැවැසී ය.
නැඟෙනහිර පළාතෙන් ලද ජයග‍්‍රහණය රැක ගැනීම ජාතිවාදයෙන් තොරව සිතිය යුතු බවත් නායකයා වනුයේ සිංහල ද දෙමළ ද මුස්ලිම් ද කියා නොසෙවිය යුතු බවත් නායකයා විය යුත්තේ මහජන නියෝජිතයා බවත් පැවැසූ ජනාධිපතිතුමා අපේ අනාගතය විනාශ වී ඇත්තේ ජාතිවාදී හා ආගම්වාදී බෙදීම්වලින් බව පෙන්වා දුන්නේ ය.
මේ විනාශකාරී දැක්මෙන් මිදී ශ‍්‍රී ලාංකිකයන් ලෙස බැලිය යුතු බව සඳහන් කළ ජනාධිපතිතුමා එසේ අධිෂ්ඨාන කැර ගන්නට හොඳ ම දවස මෙය බව කීය.
දේශපාලන විසඳුම් තිබිය යුත්තේ මේස රාක්කවල නොවන බව කී ජනාධිපතිතුමා මේ ප‍්‍රශ්නවලට දෙන විසඳුම් ජනතාව අතරට ගොස් කි‍්‍රයාවට නැඟිය යුතු බවත් කීය.
උතුරේ ප‍්‍රදේශ දෙකක තවමත් තුවක්කුවට යට වී සිටින ජනතාවකට යහපත් අනාගතයක් උදා වන දවස ලෙසත් ඒ හැරුණු විට ප‍්‍රජාතන්ත‍්‍රවාදයට නව කලඑළියක් ලැබී දශක ගණනාවක් තුවක්කුවට යට වී සිටි ජනතාව ප‍්‍රජාතන්ත‍්‍රවාදී පාලනය බාර ගන්නා, තුවක්කු ගැන විශ්වාසය තැබූ ජනතාව සැබෑ මහජන නියෝජිතයන් බවට පත්වන දවස ලෙසත් ජනාධිපතිතුමා හැඳින්වීය.
Subscribe to:
Post Comments (Atom)
No comments:
Post a Comment