පෙට‍්‍රල්, ඩීසල් සහ භූමිතෙල් සහන මිලට ජනතාවට සැපයීම නිසා රජයට මසකට රුපියල් කෝටි දහසක පාඩුවක් ලැබීමට සිදුව ඇතැයි රාජ්‍ය ආදායම් ඇමැති සහ නියෝජ්‍ය මුදල් ඇමැති රංජිත් සියඹලාපිටිය මහතා කියයි.
ජනතාවට ලබාදෙන ඉන්ධන සහනාධාරය නිසා අවම වශයෙන් ඩීසල් හා භූමිතෙල් ලීටරයකින් රුපියල් 100ක පමණ පාඩුවක්ද, පෙට‍්‍රල් ලීටරයකින් රුපියල් දහයක පමණ පාඩුවක්ද ලබන බවද ඇමැතිවරයා පෙන්වා දුන්නේය.
අන්තර්ජාතික වෙළෙඳපොළේ තෙල්මිල ශීඝ‍්‍රයෙන් ඉහළ යද්දී රජය ජනතාව වෙනුවෙන් විශාල බරක් දරණ බව සමහර දේශපාලන පක්ෂවලට අමතක බවද ඇමැතිවරයා කීය. 2004 වසරේදී රජය රට බාර ගන්නා විට ඇමෙරිකානු ඩොලර් 28ට තිබූ තෙල් බැරලය මේ වනවිට ඩොලර් 132 දක්වා වැඩිවී ඇති බවත් මේ නිසා මෙරට තෙල්මිල ඉහළ යාම සියයට 350ක් බවද ඇමැතිවරයා පෙන්වා දුන්නේය.
තෙල්මිල ඉහළ යද්දී රටේ භාණ්ඩ හා සේවා මිල ඉහළ යන බව දැන දැනත් රජය අප‍්‍රසාදයට පත් කිරීමේ අරමුණින් ඇතැම් දේශපාලන පක්ෂ රජයට එරෙහිව පදනම් විරහිත චෝදනා නඟන බවද ඇමැති වරයා කීය.
Subscribe to:
Post Comments (Atom)
No comments:
Post a Comment