2008 කැල්ටෙක්ස් අන්තර් සමාජ ලීග් රගර් තරගාවලියේ තියුණු සටනක් බලාපොරොත්තු විය හැකි තරගයක් සී. ආර්. ඇන්ඩ් එෆ්. සී. හා යුද හමුදාව අතර අද (16) ලොන්ග්ඩන් පෙදෙසේදී පැවැත්වේ.
මෙවර තරගාවලිය තෙවැනි සති අන්තයට පිවිසෙද්දී සී. ආර්. කණ්ඩායම තවමත් අපරාජිතව සිටී.
මෙතෙක් මුහුණු දුන් තරගවලදී ඔවුන් ගුවන් හමුදාව හා පොලීසිය කණ්ඩායම් පරාජය කර තිබේ.
යුද හමුදා කණ්ඩායම ඔවුන් මෙතෙක් සහභාගී වූ තරග දෙකෙන්ම පරාජය වුවද ඒවා ප‍්‍රතිවාදීන්ට පහසු ජයග‍්‍රහණ නොවූහ.
පසුගිය සති අන්තයේ පැවැති තරගයේ ඔවුන් සී. එච්. ඇන්ඩ් එෆ්. සී. කණ්ඩායමට ලකුණු 17 - 22 කින් පරාජය වූයේ අන්තිම මිනිත්තුවේදීය.
ඒ මොහොත වන විට දෙපිලම ලකුණු 17 බැගින් ලබා සම තත්ත්වයේ පසු වෙමින් සිටියහ.
ඊට පෙර සති අන්තයේදී යුද හමුදා කී‍්‍රඩකයෝ ලකුණු 15 - 21 කින් හැව්ලොක්ස් පිලට පරාජය වූයේ ප‍්‍රබල තරගයක් දීමෙන් අනතුරුවය.
මේ අනුව සී. ආර්. කණ්ඩායමට අද තරගයේදී යුද හමුදාව වෙතින් ප‍්‍රබල අභියෝගයක් එල්ල වනු නිසැකය.
මේ සති අන්තයේ පැවැත්වෙන අනෙකුත් කැල්ටෙක්ස් ලීග් අන්තර් සමාජ රගර් තරග මෙසේය. මැයි 17 : ගුවන් හමුදාව - හැව්ලොක්ස් (රත්මලාන)
මැයි 18 : මහනුවර - පොලීසිය (තිත්තවෙල)
මැයි 18 : සී. එච්. - ඕල්ඩ් සහිරියන්ස් (මේට්ලන්ඩ් පෙදෙස)
No comments:
Post a Comment