කොළඹ කොටුව සම්බුද්ධාලෝක විහාරස්ථානය අසල බෝම්බයක් පුපුරවාගෙන මරාගෙන මැරුණු කොටි සාමාජිකයා පරිහරණය කළ ජංගම දුරකථනයේ “සිම්” කාඩ්පත ඔහුට ලබා දී ඇති බව කියන මුස්ලිම් ජාතිකයා මෙම මස 30 වැනිදා තෙක් රක්‍ෂිත බන්ධනාගාර ගත කිරීමට කොළඹ කොටුව මහේස්ත‍්‍රාත් නාමල් බණ්ඩාර බලල්ලේ මහතා ඊයේ (23) නියෝග කෙළේ ය.
සිද්ධිය සම්බන්ධව සිදුකරන වැඩිදුර පරීක්‍ෂණවලදී කොළඹ අපරාධ කොට්ඨාසය විසින් සැකපිට අත්අඩංගුවට ගෙන අධිකරණයට ඉදිරිපත් කළ මොහොමඩ් රිස්වි නමැති සැකකරු එසේ රක්‍ෂිත බන්ධනාගාර ගත කෙරුණි.
මස්කෙලියේ පදිංචිකරුවෙකු වන මෙම සැකකරු මරදාන ප‍්‍රදේශයේ තාවකාලිකව නැවතී සිටින බව සැකකරු අධිකරණයට ඉදිරිපත් කරමින් කොළඹ අපරාධ කොට්ඨාසය මහේස්ත‍්‍රාත්වරයාට පැවසීය.
සැකකරු මරාගෙන මැරුණු කොටි සාමාජිකයා වෙත දුරකථන ‘සිම්’ කාඩ්පත් දෙකක් අලෙවි කැර ඇති බව සිදුකළ පරීක්‍ෂණවලදී අනාවරණය වී ඇතැයි කොළඹ අපරාධ කොට්ඨාසය පවසයි.
Subscribe to:
Post Comments (Atom)
No comments:
Post a Comment