ශ්‍රී ලංකා ගුවන් හමුදාවට අයත් එම්.අයි. 24 වර්ගයේ ප්‍රහාරක හෙලිකොප්ටර් යානා උපයෝගී කර ගනිමින් මුහමාලෙයි යුද හමුදා ඉදිරි ආරක්ෂක වළල්ලෙන් ඔබ්බෙහි වූ එල්.ටී.ටී.ඊ. මෝටාර් මධ්‍යස්ථානයකට ගුවන් ප්‍රහාර එල්ල කළ බව ගුවන් හමුදාව පවසයි.
මෙම ස්ථානය කොටි ත්‍රස්තවාදීන් එක්රැස් වන ස්ථානයක් බවටද තොරතුරු ලැබී තිබුණු බව ගුවන් හමුදා මාධ්‍ය ප්‍රකාශක ඇන්ඩෘ විජේසූරිය මහතා පවසයි. අද (මැයි 21) උදෑසන 6.00 ට පමණ ප්‍රහාරය එල්ල කර ඇත. භූමි භට පිරිස් වෙත සහාය ලබා දීමේ අරමුණින් ප්‍රහාරය දියත් කළ බව විජේසූරිය මහතා වැඩි දුරටත් පැවසීය. යුද හමුදා ඉදිරි ආරක්ෂක වළල්ලට කි.මී. 2.5 – 3 ක් පමණ ඉදිරියෙන් වූ ස්ථානයකට ප්‍රහාරය එල්ල විණි.
ප්‍රහාරයෙන් එල්.ටී.ටී.ඊ. ත්‍රස්තවාදීන්ට සිදු වූ හානි පිළිබඳ තොරතුරු මෙතෙක් අනාවරණය වී නොමැත.
No comments:
Post a Comment