සිනමාව, නාට්‍යය, ඇතුළු කලා ක්ෂේත‍්‍රයේ විවිධ අංග ගණනාවකට පහසුකම් සැලසෙන අග්නිදිග ආසියාවේ විශාලතම ජාතික ප‍්‍රසාංග කලා රඟහල ශී‍්‍ර ලංකාවේ ඉදි කෙරෙයි.
රුපියල් මිලියන 2430 ක චීන ආධාර යටතේ ඉදිකිරීමට සැළසුම් කොට ඇති මෙම ජාතික ප‍්‍රසාංග කලා රඟහල සඳහා මෙම 23 දින කොළඹ දී ජනාධිපති මහින්ද රාජපක්ෂ මහතා අතින් මුල්ගල තැබේ.
ජනාධිපතිතුමන් පසුගියදා චීනයේ කළ සංචාරයේදී ලද ප‍්‍රතිඵලයක් ලෙස මෙම ආධාර මුදල ලැබී තිබේ. ආසන 1288 කින් සමන්විත මෙම රඟහල මාස 20 කින් ඉදිකොට ලංකාණ්ඩුවට බාරදීමට නියමිත වේ.
ඉදිකිරීම් බාරව කටයුතු කරන්නේ චීනයේ යැංජිං සමාගමයි. චීන ඉංජිනේරුවන්, තාක්ෂණික ශිල්පීන් සහ කම්කරුවන් විසින් ඉදිකිරීම් කටයුතු සිදු කෙරෙනු ඇත.
සංස්කෘතික කටයුතු අමාත්‍යාංශය මෙහෙයවීමෙන් සිදු කෙරෙන මෙහි නාට්‍ය, සිනමාව, කලාව, ප‍්‍රසාංග ක්ෂේත‍්‍රවලට අවශ්‍ය විවිධ අංගවලින් සමන්විතව භෝජනාගාර, චිත‍්‍ර ප‍්‍රදර්ශන පැවැත්වීම සඳහා චිත‍්‍රාගාර, විවේකාගාර, ලේඛකයින්ට වාද විවාද සංවාද මණ්ඩප සඳහා පහසුකම් භෝජනාගාර ඇතුළත් වේ.
රඟහල නිමවීමෙන් ශී‍්‍ර ලාංකික තරුණ තරුණයින් 400 කට පමණ රැකියා අවස්ථා සැළසෙනු ඇත.
2007 වසරේ දෙසැම්බර් 26 දින සංස්කෘතික ඇමති මහින්ද යාපා අබේවර්ධන සහ චීන තානාපති වයි. ඊ. යේ. චාවෝ මහත්වරු මෙම රඟහල ඉදිකිරීම සඳහා වූ ගිවිසුමට අස්සන් තැබූහ.
නෝමෑඩ්ස් පිටියේ මුල්ගල තැබෙන අවස්ථාවට අගමැති රත්නසිරි වික‍්‍රමනායක, සංස්කෘතික කටයුතු ඇමති මහින්ද යාපා අබේවර්ධන, විදේශ කටයුතු ඇමති රෝහිත බෝගොල්ලාගම මහත්වරු සහභාගි වෙති.
Subscribe to:
Post Comments (Atom)
No comments:
Post a Comment