කොටුව පොලිස් මුරපොළේ බෝම්බ ප‍්‍රහාරය සම්බන්ධයෙන් ප‍්‍රභාකරන් නිර්දෝෂි කිරීමට විපක්‍ෂනායක රනිල් වික‍්‍රමසිංහ මහතා ඉදිරිපත්වීම ගැන තොරතුරු හා ජනමාධ්‍ය ඇමැති අනුර පි‍්‍රයදර්ශන යාපා මහතා දැඩි පිළිකුල සහ අප‍්‍රසාදය පළකරයි.
එකොළොස් දෙනකුට මරු කැඳවමින් සහ 95 දෙනකුට තුවාල සිදුකරමින් පසුගිය සිකුරාදා සිදුවූ එම මරාගෙන මැරෙන බෝම්බ ප‍්‍රහාරයට නැගෙනහිර මහ ඇමැති පිල්ලෙයාන් මහතා සම්බන්ධ කිරීමේ කොන්ත‍්‍රාත්තුවක් විපක්‍ෂනායකයා භාරගෙන තිබෙන බව ද ඇමැතිවරයා ප‍්‍රකාශ කරයි.
මෙම ප‍්‍රහාරයට සම්බන්ධ මෝටර් සයිකලයේ අයිතිකරු පිල්ලෙයාන්ගේ ආධාරකරුවෙකු නොවන බව පොලිසිය ප‍්‍රකාශ කරද්දී රනිල් වික‍්‍රමසිංහ මහතා ප‍්‍රභාකරන් මෙම බෝම්බ ප‍්‍රහාරයට සම්බන්ධ නැතැයි ඇඟවීමට අසාර්ථක උත්සාහයක යෙදී සිටින බව ද යාපා මහතා ප‍්‍රකාශ කරයි.
මේ අවස්ථාවේදී ආණ්ඩුවට සහයෝගය දිය යුතු විපක්‍ෂනායකයා ප‍්‍රභාකරන්ට සුදු හුණු ගෑමට උත්සාහ කිරීම ඔහුගේ අවස්ථාවාදී දේශපාලනය ප‍්‍රදර්ශනය කිරීමක් බව ද ඇමැතිවරයා කීය.
මරාගෙන මැරෙන බෝම්බකරු ගමන් ගත් යතුරුපැදිය පිල්ලෙයාන්ගේ ටී. එම්. වී. පී. පක්‍ෂ සාමාජිකයකුගේ බව රනිල් වික‍්‍රමසිංහ මහතා මහනුවර පැවති රැස්වීමකදී ප‍්‍රකාශ කළ බවත්. බෝම්බ ප‍්‍රහාරයේ පරීක්‍ෂණ යටපත් කිරීමට ආණ්ඩුව කි‍්‍රයා කරන බවත් ඊයේ සිරස ප‍්‍රවෘත්ති ප‍්‍රකාශයෙන් කියා සිටියේය.
එහෙත් මහනුවර රැස්වීමක දර්ශන විකාශය කරනු වෙනුවට වික‍්‍රමසිංහ මහතා දුරකථනයෙන් සම්බන්ධ කරගෙන ඉහත ප‍්‍රකාශය විකාශනය කෙළේය.
Subscribe to:
Post Comments (Atom)
No comments:
Post a Comment